logo

去汗蒸幕必做嘅8件事

去汗蒸幕必定要做咩?以下呢八件事絕對唔可以錯過!

마타티카
3 months ago

Hello,大家好,我哋係由韓國人每日提供最新韓國旅行資訊嘅Creatrip。  


汗蒸幕可係韓國一個特別文化,特別係冬天,天氣凍唔少韓國人都會去汗蒸幕避寒,
今日就等小編就同大家介紹下去汗蒸幕嘅時候一定要做咩啦!



汗蒸幕必做嘅八件事

1. 浸浴

CNN


第一樣嘢就係要去大眾浴池嗰度浸浴,對韓國人嚟講用高溫浸浴可以改善血液循環問題,所以佢哋一得閒就去!唔少汗蒸幕除咗有普通浴池之外,仲會有按摩浴池,想放鬆嘅話絕對唔可以錯過!


Joongangdaily


除咗浸浴之外,仲有一個「擦背服務」,唔少人都會覺得俾阿豬媽擦完背就感覺好似輕咗,因為阿豬媽幫手擦走曬啲老泥!想體驗呢個擦背服務都需要額外收費,每間汗蒸幕嘅價錢都唔一樣,通常都係一part 30分鐘咁收費。




2. 整羊咩咩頭

資料來源:All for Jin


有睇過韓劇或者綜藝節目嘅朋友們一定會見過韓國人用毛巾整羊咩咩頭!


KBS


整唔單止夠cute,仲可以防止汗蒸幕嘅熱氣傷害到頭皮!

 汗蒸幕羊咩咩頭教學



3. 桑拿浴池

 Koreadramaland


一般嘅汗蒸幕裡面都會有大型嘅桑拿房,嗰度會有好多熱石嘅房,每個主題房都會有唔同嘅藥材命名,例如「黃土房」,主要幫助血液循環,可以令大家身體舒服啲!


韓國旅行 汗蒸幕 韓國汗蒸幕 首爾旅行 弘大旅行 首爾汗蒸幕 弘大汗蒸幕 弘大24小時火爐桑拿 價錢 預約

弘大24小時火爐桑拿


小編建議大家每次可以去40-50度嘅桑拿房大概蒸20-30分鐘,然後再去10度左右嘅冰房坐大概5分鐘,咁可以幫助收縮毛孔。




4. 高溫汗蒸房

美素桑拿


另外汗蒸幕裡面都有一啲高達80度嘅汗蒸房,唔少人都話入去蒸一蒸可以排毒,但其實咁高溫都唔係每一個人都頂得順,所以記得要因應返自己嘅體質先好試啊!




5. 睡房

SPAREX(東大門)


如果你係凌晨機到韓國,或者miss咗機場巴士或地鐵,想搵嗰地方瞓覺嘅話,就可以搵呢啲汗蒸幕裡面嘅睡房,比起Motel或者係酒店真係抵好多!



不過因為呢啲睡房都冇門鎖嘅關係,所以大家要留意自己嘅財物啦!




6. 小食部

SPAREX(東大門)


去汗蒸幕一定要去小食部買嘢食!韓國汗蒸幕最有代表性嘅小食係雞蛋同米水,吃貨小編每次去汗蒸幕都一定會買嚟食~ 有睇開韓劇同綜藝嘅朋友一定知道,剝雞蛋殼當然要先敲落人哋個頭度啦XD


森林韓方樂園


最近仲有啲汗蒸幕會準備好食材同炭火俾大家燒嘢食,唔單止可以燒蕃薯同年糕,仲可以食到炭燒五花肉,超特別!




7. 按摩椅

YouTube @LESSERAFIM_official


去旅行雖然開心,不過每日都要周圍去,都真係幾攰。如果大家有機會去汗蒸幕,不妨可以去坐吓按摩椅鬆一鬆!通常俾₩2,000~3,000左右就可以坐15分鐘,比起去出面揼骨平好多!汗蒸幕多人嘅時候可能會冇位,大家記住見到有位就快啲坐低啦!




8. 特別活動

dragonhillspa


而家嘅汗蒸幕唔只係得淋浴同埋桑拿㗎,有啲仲有Gym Room、游泳池、瑜珈室同埋遊樂場等等。

因為汗蒸幕有好多玩樂設施選擇,所以都好適合一家大細去,絕對可以留低一個美好回憶!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon