忠正路按摩 | 美素桑拿

Hello，大家好，我哋係由韓國人每日提供最新韓國旅行資訊嘅Creatrip。

相信有好多朋友嚟韓國都會想去汗蒸幕，今日要介紹嘅呢間「美素桑拿」除咗有汗蒸幕，仲有按摩、捽老泥等等嘅course可以揀！想體驗傳統韓式按摩嘅朋友們記住睇埋落去啦！

忠正路「美素桑拿」資訊

• 地址：서울시 서대문구 서소문로 45
• 營業時間：08:00 - 21:30
• 可預約時間：08:00 - 21:00
• 語言：韓文、中文、日文

忠正路「美素桑拿」推薦原因

• 有多款療程任君選擇！
• 環境同設施夠乾淨齊全！
• 一個地方可以做齊汗蒸幕、捽老泥、護膚、拔罐、按摩！
• 喺日本超出名，係日本遊客嚟韓國旅行必去按摩店之一！
• 職員經驗豐富，包你做完一身輕！

忠正路「美素桑拿」價錢

忠正路「美素桑拿」退款政策

忠正路「美素桑拿」注意事項

• 請最少喺3日前完成預約。
• 如希望加購其他服務，請喺現場支付所需金額。
• 艾草療程及拔罐為女士專用療程，男士體驗時將省略上述步驟。
• 請準時到達。
• 如果遲到超過10分鐘，預約將自動被取消，屆時將不設退款。
• 如果想更改預約，或者有任何問題，請send email到help@creatrip.com查詢。

忠正路「美素桑拿」預約流程

1. 請確保已選擇正確選項，並詳細輸入所有相關資訊及付款
2. 我哋會喺2個工作天內確認預約，如果需要更改日期/時間我哋會另外通知你
3. 體驗當日請準時到達，向職員出示預約記錄
4. 開始體驗！

撳我預約👇🏻

忠正路「美素桑拿」介紹

今日小編帶大家嚟到可以一次過做汗蒸同按摩嘅「美素桑拿」，喺忠正路站行5分鐘就到，好容易就搵到！學生同打工仔成日都要長時間坐喺度，而遊客嚟旅行就日日都要行超多路，呢個時候嚟按摩就可以舒緩肌肉疲勞同痛楚啦！

入到去首先會見到有個等候區，雖然呢度已經有好耐歷史，不過完全唔會覺得呢度好殘舊，環境亦都非常乾淨！

去到之後首先要去更衣室換呢度嘅衫同帽，更衣室入面有齊毛巾、風筒、梳同Body Lotion等等嘅用品，大家唔洗自己帶！

鋪頭入面有一個汗蒸幕，雖然唔大，但係都有兩個溫度可以揀！

大家入到去可以出返身汗，排走身體毒素，同家人朋友去嘅話都可以喺入面一邊傾偈，一邊享受汗蒸！小編建議大家可以喺頸度掛條毛巾，咁就唔會流到周圍都係汗啦！

唔知道大家有無聽過「坐薰」呢個療程呢？最近韓國都好興做「坐薰」，其實就係透過加熱藥材，用蒸汽薰蒸肛門同子宮，可以令身體變得更加溫暖之餘，仲有殺菌同促進血液循環嘅功效，改善月經不調、生理痛等症狀。

只要著住專用袍，坐喺部機上面就得，真係會feel到個身會變暖！

之後就可以去浴池啦！一個浴池唔會好大，大家可以獨佔一個，或者同家人朋友一齊坐。入面亦都有高溫同低溫池任君選擇，喺度浸浴真係好Relax~

「美素桑拿」係一間專門做捽老泥療程嘅按摩中心，總共有成4張捽老泥嘅床！雖然大家自己喺屋企都可以捽到老泥，不過交俾專家真係零舍唔同啲！

跟住就可以去按摩啦！按摩師超有經驗，可以即刻搵到客人覺得比較酸痛嘅部位，然後再集中按。

然後仲會放兩塊熱石上背脊~ 一開頭小編都怕會太熱，但係其實塊石只係暖暖地，可以舒緩肌肉之餘仲可以令成個人都好放鬆！

小編仲有做埋腳部按摩，按摩師會幫大家按腳底同小腿，按完真係一身都鬆曬~

而臉部按摩方面，因為當日小編有化妝，所以按摩師有先幫小編卸妝，然後再正式按摩。按摩師會幫大家按臉部、肩頸同上胸，平時容易水腫嘅朋友按完之後效果會好明顯！

之後仲會敷埋面膜，涼浸浸咁仲有舒緩功效，大概敷咗15分鐘。

最後按摩師會用熱毛巾收尾，搽埋保濕cream就搞掂啦！

好少按摩中心可以一次過做曬汗蒸、捽老泥同按摩療程，如果有興趣，推薦大家嚟忠正路「美素桑拿」！

忠正路「美素桑拿」前往方法

喺忠正路站（충정로역）3號出口出。

直行大約100米。

過完馬路之後，行入第一棟大廈，喺左邊樓梯行落去。

落到去之後向後行。

咁就去到「美素桑拿」啦！

撳我預約👇🏻

以上係忠正路「美素桑拿」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面

Mail：help@creatrip.com