西大門汗蒸幕 | 森林韓方樂園
喺汗蒸幕可以食到炭火燒肉？！喺度玩全日都唔會悶嘅汗蒸幕！
Hello，大家好，我哋係由韓國人每日提供最新韓國旅行資訊嘅Creatrip。
好多人嚟韓國玩都會想去體驗汗蒸幕文化，今日小編想介紹一間位於新村附近、同平時嘅汗蒸幕好唔同嘅鋪頭俾大家，嚟過先叫100%體驗過韓國汗蒸幕！
西大門「森林韓方樂園」資訊
- 地址：서울 서대문구 봉원사길 75-7
- 營業時間：06:30 - 22:00
- 語言：韓文、英文
西大門「森林韓方樂園」推薦原因
- 呢度唔係普通汗蒸幕咁簡單，仲有K房、健身室同其他娛樂設施，喺呢度玩全日都得！
- 提供即食麵、米水、雞蛋等汗蒸幕必食小食，仲可以食到碳烤五花肉、年糕同蕃薯，其他地方一定搵唔到！
- 呢間汗蒸幕上過唔少韓國節目，連明星藝人都會幫襯！
- 想暫時離開石屎森林、呼吸新鮮空氣，推薦大家嚟呢度療癒身心靈！
- 透過我哋預約更加可享優惠價！
西大門「森林韓方樂園」價錢
大人（13歲或以上） | ₩14,000 （14000） |
※可入場時間：06:30 - 20:00、可使用時間：06:30 - 22:00
※本商品為大人專用使用券，你可以喺現場買到小童使用券。
※本頁面所標示嘅價錢以韓幣為準，港幣幣值會因應即時匯率而浮動。
西大門「森林韓方樂園」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
西大門「森林韓方樂園」注意事項
- 接受即日預約（預約會即時成立），你亦可以喺60日前進行預約。
- 價錢包括桑拿+汗蒸幕使用券、汗蒸幕專用服裝。
- 只接受體驗3日前取消預約及申請退款，其後恕不受理。
- 營業時間有可能會有改動，請確認清楚之後再去。
- 未成年人士必須喺監護人陪同下進行體驗。
- 本商品並非優先入場券，設施內人數眾多時可能需要稍作等候。
- 嚴禁過夜。
- 飲完酒之後去嘅話可能會被禁止入場。
- 入炭窯汗蒸幕之前請唔好將手機帶入去，以免出現過熱問題。
- 為保安全同避免燒傷，用炭火爐嘅時候唔可以放雞蛋、栗子等食材。
- 因為呢度係公眾場所，經常有人出入，如因個人疏忽而發生任何意外，「森林韓方樂園」恕不負責。
- 如需更改預約，或有任何疑問，請send email到help@creatrip.com查詢。
西大門「森林韓方樂園」預約流程
STEP 1. | |
STEP 2. | 請詳細輸入所有相關資訊及付款。 |
STEP 3. | 預約會即時成立，你可以喺我的頁面或者Email查看電子憑證。 |
STEP 4. | 體驗當日請準時到達，向職員出示預約記錄。 |
STEP 5. | 開始體驗！ |
西大門「森林韓方樂園」介紹
今日小編同朋友嚟到韓國最出名嘅特色汗蒸幕「森林韓方樂園」，雖然睇落好似喺山入面，不過其實喺新村站搭巴士就到，交通比想像中方便！
有好多韓國綜藝節目都有嚟過「森林韓方樂園」拍攝，所以有好多韓國人weekend都會專程嚟體驗同relax！
透過我哋預約嘅話可以當日預約當日去都得！去到之後只要俾職員睇預約憑證，職員就會俾一套衫同毛巾你，然後就可以去鞋櫃放好你對鞋啦（記住唔好整唔見條鎖匙啊）！
「森林韓方樂園」總共有5層，主要設施大部份都喺1樓同2樓！要換衫嘅話女仔要落B1/F，而男仔就要上3樓。
小編當時係Lunch time時間去，都見到有唔少人。如果大家都想瞓喺度休息，可以喺側邊攞張氈同枕頭，小編覺得比想像中舒服！
1樓仲有小賣部同按摩椅區，只要另外俾錢就可以享用！（小貼士：比較平嘅按摩椅收費大約係20分鐘 ₩3,000，唔算貴而且都幾舒服！）
跟住上面個箭嘴行就會行到出室外炭窯汗蒸幕，呢度總共分成3個溫度，建議大家先入前面最唔熱嗰間試吓溫度，再去考慮要唔要入另外兩間房。
入去之前要先除拖鞋，入到去之後發現入面比想像中大，而且已經有好多人入咗嚟嘆汗蒸啦！
室外另外仲有一個炭火房，大家可以圍住炭火坐低暖身。因為呢度冇汗蒸幕咁熱，所以小編個人嚟講覺得呢度會舒服好多！
入返室內仲會見到有超復古嘅遊戲機，大家可以趁呢個機會體驗韓國遊戲機文化！
1樓更加有一個冰房，大家做完汗蒸之後可以嚟降吓溫。
因為小編同朋友都未食飯，所以就即刻沖咗去小賣部XD 呢度唔單止有普通汗蒸幕都可以見到嘅雞蛋、米水、杯麵同韓國零食，仲有蕃薯同年糕等等，可以買嚟等陣攞出出面燒！
有睇開韓劇同綜藝嘅朋友一定知道，剝雞蛋殼當然要先敲落人哋個頭度啦XD
食到差唔多就可以攞頭先買定嘅蕃薯同年糕出外面用炭火燒！將年糕放上鐵網上面，然後將蕃薯放喺炭入面，大概等20分鐘就食得！大家可以趁呢段時間周圍去參觀~
冬天嘅燴蕃薯真係冇得輸！平時如果唔係去BBQ都好少機會可以食到，冇諗過可以喺汗蒸幕食到~
跟住小編同朋友就上到4樓屋頂，因為四周圍都係山，所以空氣好好，喺首爾都可以享受到大自然真係好難得！
行入少少仲會有彈床同高爾夫球玩，亦都有地方可以坐低同朋友傾偈！比起其他汗蒸幕呢度的確多好多嘢玩~
玩到咁上下又開始肚餓，所以小編同朋友就落咗2樓食炭燒五花肉！呢個可以話係小編一直都好想嚟「森林韓方樂園」嘅原因XD 呢度唔單止有燒肉，仲有唔少韓國家常料理，餐廳入面都有唔少人一個人喺度食緊飯。
五花肉會事先用炭火燒一次去鎖住肉汁，之後大家就可以放上炭火烤盤上面燒熟嚟食，仲有好多小菜添啊！
小編推薦大家包生菜食，亦都可以配埋泡菜、辣葱絲同燒蒜頭食！味道同出面嘅燒肉餐廳不相伯仲，仲多咗陣炭火味，而且氣氛都好好多！
食完之後小編同朋友就繼續喺2樓參觀，呢度唔單止有女性專用睡眠房，仲有其他遊戲機同K房（男性專用睡眠房喺3樓）！小編同朋友真係玩到勁highXD
因為設施比起其他汗蒸幕更加多同有特色，小編覺得喺度玩全日都冇問題！如果想體驗韓國汗蒸幕文化，但係又想去比較有特色嘅地方，真係好推薦大家嚟「森林韓方樂園」！
西大門「森林韓方樂園」前往方法
喺新村站（신촌역）3號出口出。
出口前面有一個巴士站（「Yonsei-ro, Literature Street」 ，巴士站編號：13324），喺度搭7024號巴士。
去到「Bongwonsa」站（巴士站編號：13729）落車就到「森林韓方樂園」啦！
以上係西大門「森林韓方樂園」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com