韓國大熱遊戲Among Us
令全韓國國民沉迷嘅遊戲？到底呢個遊戲有乜嘢魅力？
Hello，大家好，我哋係由韓國人話你知每日最新韓國資訊嘅Creatrip。
#AmongUs #手機遊戲
#韓國潮流 #韓國文化
最近喺各個國家嘅App Store同埋Play Store排名都好高嘅遊戲《Among Us》大家又有冇玩呢？
呢個遊戲喺韓國都超級流行，而家基本上大家都會沉迷喺呢一個遊戲入面！
不過韓國人嘅玩法就有一啲唔同，今日就等小編話比大家知韓國人會點樣玩呢個遊戲啦！
✨馬上Follow我哋IG
instagram.com/creatrip.hk
《Among Us》係乜嘢？
呢個遊戲就好似而家非常流行嘅狼人殺好相似，每局最多10個玩家，其中有1-3個會係Impostor(s)，其他玩家就會係Crewmates。
遊戲開始之前電腦會隨機分配角色畀你，而你都唔會知道其他玩家係乜嘢角色。
如果被揀中做Crewmate，就要喺遊戲入面一邊觀察其他玩家，一邊做任務，你啲任務都係非常之簡單嘅。
如果唔好彩喺遊戲入面畀Impostor殺咗，都仲可以繼續以「靈魂之身」做任務。
如果被揀中做Impostor，真係要好小心唔可以畀人發現，喺遊戲入面殺Crewmate。
當Crewmate比Impostor殺咗之後，地下就會有屍體，其他玩家行過見到屍體，就可以匯報。
匯報咗之後，所有中生存嘅玩家就可以進行即時嘅討論，睇下會唔會中間有破綻，一齊合力搵出Impostor。
最後，如果Impostor死咗，Crewmate就會贏出呢個遊戲。
相反，如果Crewmate最後嘅人數少於或者等於Impostor，呢場遊戲就會係Impostor贏出。
韓國玩家常用用語
當有人發現屍體或者撳咗緊急掣嘅時候，所有玩家就可以進行討論。
但係韓國人討論嘅用語你又知唔知？小編就揀咗三個一定會見到嘅話畀大家知啦！
1. 왜: 即係點解嘅意思。如果無啦啦有人撳咗緊急掣，通常都會問佢點解。
2.ㅇㄷ: 係韓文어디(邊到)嘅簡寫。當有人報告發現屍體嘅時候，第一句就要問佢喺邊度！
3.킵: 即係英文嘅Skip，喺投票嘅時候無共識要投邊個，大家就會Skip。
韓國人自創——捉迷藏
當遊戲開始電腦隨機揀出咗Impostor之後，喺進入咗遊戲嘅時候，Impostor就要重複跳出跳入地道，話畀其他玩家知佢就係Impostor。
當大家都知道咗邊個係Impostor之後，就可以去做任務，喺做任務嘅同事都要避開唔好畀Impostor見到。
即使到地下有屍體都唔需要報告㗎！因為呢個捉迷藏遊戲，就係要睇下到底Crewmates合作做任務做得快啲，定係Impostor殺人殺得快啲！
大家又有冇興趣玩呢個遊戲呢？唔識韓文都唔緊要㗎！
雖然呢個遊戲入面未有中文版，但佢可以揀用英文玩。
大家最近成日留喺屋企冇嘢做嘅話，不妨都下載呢個遊戲喺空餘嘅時間一齊玩下啦！
✨馬上Follow我哋IG
instagram.com/creatrip.hk
| 其他延伸閱讀 | |
 打機高手女韓星 |  韓星嘅興趣 |
