韓星嘅興趣
呢啲都係興趣？韓星嘅興趣竟然係呢啲！有得忙裡偷閒嘅時候鍾意做啲咩？
Hello，大家好，我哋係由韓國人每日提供最新韓國旅行資訊嘅Creatrip。
唔少韓星或者偶像平時都好忙，唔單止要出show，仲要練歌練舞同錄新歌添，真係冇咩時間剩。大家又估唔估到佢哋得閒嘅時候鍾意做啲咩呢？一齊睇下啦！
韓星嘅興趣
1.BTS - RM
BTS 嘅 RM 平時一得閒就好鍾意種盤栽同埋去漢江踩單車。佢種咗好多盤盤栽，分別有梅花、楓樹等等，最得意就係佢會幫每一棵盤栽改一個名，好可愛啊！
BTS 公式Twitter 佢有時仲會去聽一啲盤栽講座，真係一個盤栽愛好者啊！
BTS 公式Twitter RM 都曾經post過自己喺韓國踩單車嘅相上twitter，一邊踩著單車，一邊欣賞漢江嘅景色，真係身心舒暢啊！
2.Oh My Girl - Jiho
Oh My Girl JAPAN OFFICIAL SITEJiho有一個得意嘅興趣，就係鍾意cap一啲同一樣數字嘅圖。就例如：「1月1號1點11分」咁樣，佢成日都會同呢啲相同數字嘅時間影相然後放上自己嘅社交平台。
VLIVEJiho 佢好鍾意 1 呢個數字，特別係 11月11日11點11分影嘅嗰張cap圖，佢話覺得同一樣嘅數字感覺真係好乾淨。有啲人會覺得Jiho係唔係一時貪得意先影下玩下咋。其實唔係貪得意㗎，睇番佢以前高中嘅相就知道佢影咗同數字嘅相好多年架啦！
3.SEVENTEEN - Hoshi
SEVENTEEN Japan official siteHoshi嘅興趣都好特別，佢好鍾意將蔬菜切成細細份，然後真空包裝住啲菜。
11st Hoshi都有喺佢嘅SNS上面分享自己用真空包裝機去包裝蔬菜嘅過程，佢都話呢個興趣唔單止可以令啲蔬菜嘅保鮮期長啲，仲可以滿足到自己添！
4.VERIVERY - Yongseung
VERIVERY Japan official fanclubYongseung最鍾意嘅就係睇哲學書同埋記圓周率。佢竟然記到150位數嘅圓周率，真係難以置信！
STAR FOCUS 要記到150嗰數字真係唔簡單，比著係小編我一定記唔到啊！
5.Red Velvet-Irene
Red Velvet Official WebsiteIrene靚就係人都知，佢仲自稱自己做「洗衫愛好者」，佢平時好鍾意洗衫同埋燙衫。佢曾經講過佢好鍾意衫上面散發出香味，所以成日都會用柔順劑，佢細細個就幫爸爸燙衫㗎啦！
ONSTYLE D
唔知大家點睇呢？咁多個idol嘅興趣你哋又最鍾意邊個呢？留言同小編分享下啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk