喺韓國食飯要留意嘅事
喺韓國食飯要留意啲咩？記住呢6點，下次嚟韓國就唔會錯啦！
마타티카
2 years ago
Hello，大家好，我哋係由韓國人話你知每日最新資訊嘅Creatrip。
韓國飲食文化係韓國嘅魅力之一，亦成功吸引咗好多唔同國家嘅人鍾意韓式料理。
韓國嘅飲食文化亦為旅客帶嚟好多驚喜，等小編都大家一齊睇下韓國飲食文化嘅奧秘啦！
喺韓國食飯要留意嘅事
1. 好多唔同種類嘅小菜
Norikko/Shutterstock
最能代表到韓國餐廳嘅就係有唔同種類嘅小菜。如果大家去韓國餐廳食飯，都會發現每間餐廳都至少有三款小菜，呢啲小菜仲係可以免費無限Refill添！雖然每間餐廳嘅小菜都唔一樣，但一定都會有泡菜。
2. 免費飲品
喺香港食飯，好多時餐廳都只係會提供熱水或者熱茶，有啲餐廳甚至係要收你茶錢添！不過喺韓國食飯就好唔同啦，通常餐廳都會畀免費飲品大家，有啲餐廳仲會有部水機畀大家Refill，所以真係幾貼心。
3. 餐具都收埋喺檯下面嘅櫃桶
仲記得第一次去韓國啲餐廳食飯嘅時候，喺檯上面唔見啲餐具，跟住就問啲阿珠媽餐具喺邊。嗰陣先發現原來所有餐具喺收埋喺檯下面嘅櫃桶入面，小編我咁都唔知，真係失禮曬！
4. 一大鍋咁食
喺香港，好多時我哋都係打邊爐嘅時候先會一鍋鍋咁食，但其實韓國人基本上所有湯嘅料理都鍾意一大鍋咁食。初次見面同一大班人食可能會覺得有小尷尬，但其實咁樣都係一個可以同新朋友好快親近嘅方法。
5. 一定要叫二人份起
喺香港好多時我哋食飯都可以叫一個菜咁樣share嚟食，但韓國唔得㗎！喺韓國餐廳，好多都係要你叫二人份起，所以如果一個人去韓國旅行就會有啲麻煩。
6. 每樣嘢都好濃味
韓國每一款料理都係比較濃味，因為好多時阿珠媽佢哋都會好重手咁落調味料，所以如果大家想食清淡啲嘅話，就記得要喺落單嘅時候同佢哋講少辣，少醬等等。
以上呢啲就係韓國幾個比較特別嘅飲食文化啦，大家有咩睇法呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
