韓國搬屋文化
WHAT？！真係O曬嘴！韓國竟然有呢啲搬屋服務？
유정언
4 years ago
Hello，大家好，我哋係由韓國人話你知每日最新韓國資訊嘅Creatrip。
#韓國搬屋文化 #自己搬屋
#半包裝搬屋 #包裝搬屋
唔知大家有冇試過喺韓國搬屋呢？小編我就只係喺香港搬過屋。
香港人搬屋通常都係自己執好晒啲嘢，然後租架車就直接搬屋。
不過喺韓國其實就有三種搬屋方式，等小編一齊同大家拆解一下啦！
✨馬上Follow我哋IG
instagram.com/creatrip.hk
1. 自己搬屋
所謂自己搬屋呢就即係你係搬屋之前要自己執好晒所有嘢，要自己pack好曬所有箱，然後叫一架車嚟幫手車走晒你啲野去新屋！
呢一個搬屋方法就係最普遍，香港人都會係用呢一種方法去搬屋嘅！
2. 半包裝搬屋
第二種搬屋方法就係叫做半包裝搬屋。
呢種搬屋方法唔係好常見，小編我喺香港就完全冇見過啦！
呢一種搬屋服務係要自己執嘢，但其實搬屋公司會提供一啲紙箱俾你哋！等你執好晒之後到搬屋當日就會同你一齊執一齊搬！
搬屋公司將你啲嘢搬到去晒屋之後拎晒出嚟就會走㗎啦。
3. 包裝般屋
第三種搬屋服務就叫做包裝搬屋。
呢一種搬屋服務真係令小編我嚇到眼都凸！
包裝搬屋就係搬屋公司會幫你執晒所有嘢，幫你搬屋，幫你歸位！
搬屋公司大至家電小至內衣褲都可以幫你搬晒同埋歸位！
如果你要搬嘅嘢係比較多，你嘅新屋亦都係比較高嘅話，你都仲可以選用呢一個雲梯服務㗎！
小編我一直以為雲梯只係火燭嘅時候消防員上去救人嘅時候先會用到，估唔到原來韓國人係用嚟搬屋㗎！
以上呢三種搬屋服務就係韓國人成日用嘅搬屋服務啦！
大家有冇見過呢？如果下次有機會嚟到韓國搬屋嘅時候你都可以試吓呢啲服務㗎！
熱門文章
