超強颱風吹襲韓國
超強颱風「美莎克」吹襲韓國，逼近濟州島！多個地方因颱風造成損毀
유정언
4 years ago
Hello，大家好，我哋係由韓國人話你知每日最新韓國資訊嘅Creatrip。
＃颱風 ＃暴雨
＃濟州＃韓國新聞
有超強颱風之稱嘅「美莎克」登陸濟州島，風勢仲不斷增加。
喺尋日（2號），呢個颱風嚴重吹襲濟州島，當地發生咗嚴重嘅水災，設施亦都被損毀。
✨馬上Follow我哋IG
instagram.com/creatrip.hk
超強颱風吹襲韓國
資料來源：연합뉴스颱風由尋日（2日）夜晚9點左右開始吹襲濟州島，由東面開始慢慢北上，慶南、釜山、蔚山都被嚴重影響。
呢個風嘅風速超過每秒49米，當日已經落咗超過800毫米嘅暴雨，唔同嘅災害都陸陸續續湧現。
當日，西歸浦附近都有八架車被淹沒，附近嘅服裝店都有出現水浸嘅情況。
好多附近嘅咖啡廳嘅招牌都被吹跌咗喺行人路，更有一啲店舖嘅玻璃窗被砸碎添！
除咗濟州島，釜山都受到牽連！
釜山鎮區嘅建築都有天線受損嘅問題，要出動消防做好安全措施。
據釜山消防本部透露，截止到當日下晝8點，釜山各地加埋合共採取咗11項安全措施！
依家釜山嗰邊打緊風，嚟緊今個月10號都有機會會打多個風球。
當局都表示，全國好多地方都有機會持續出現暴風雨，建議市民要做好防範措施。
✨馬上Follow我哋IG
instagram.com/creatrip.hk
| 其他延伸閱讀 | |
 韓國筷子文化 |  防疫行動再度升級 |
熱門文章
