點樣喺韓國人面前留低好印象？
想喺韓國人面前留低好印象？點樣做先唔會錯？記住呢幾個小Tips！
Hello，大家好，我哋係由韓國人每日提供最新韓國旅行資訊嘅Creatrip。
相信大家想喺對方面前留低好印象，事前可能都會左諗右諗，怕做少樣會錯，做多咗又好假咁，想喺其他人面前做一個好人，唔單止對你印象會加分之外，之後可能都對你有幫助，特別係如果同韓國人做生意，更加一定要知以下呢幾點。
點樣喺韓國人面前留低好印象？
1. 握手問候
事實上傳統嘅韓國問候方式，除咗要鞠躬同打招呼之外，握手成日都會做，尤其係正式場合，以前小編仲讀緊大學嗰陣，成日都會見到好多學生會向教授握手問候，只係一個簡單動作，其實對方可能都會覺得好暖，如果之後同韓國人傾生意，可以試吓先主動打招呼同握手，可能會更加信任你。
2. 成日打招呼
除咗可以用肢體語言俾人留低深刻印象之外，主動打招呼都係一個學問，如果見到比自己大年紀嘅話，一定要先做主動，如果唔先咁做，會俾對方覺得超無禮貌。
3. 同對方講嘢最好喺右邊講
喺韓國有一句說話係，如果要同對方講嘢最好要喺右邊，咁樣對方會留低一個好印象，但相反如果喺左邊講，韓國人會覺得有不知不覺嘅壓力，聽講原因係心臟喺左邊，如果有人突然行近會不知不覺有負擔，大家又覺得呢個講法準唔準呢？
4. 喺對方講緊嘢嘅時候適當地稱讚
如果想打動韓國人，最緊要記住一個秘訣係要打動到對方，相信好多人都鍾意俾人讚，只要真心真意去講，對方一定會感受到你嘅誠意，就算有時同朋友傾偈，當其中一個人講緊，仔細咁聽完再俾適當嘅讚美回應，就算只係簡單一句，對方都會覺得好窩心，而且一定仲可以幫助對話流暢度。
5. 可以試用低音講嘢
比起成日聽到一啲人講嘢好尖嘅聲，聽到一把低音沉嘅聲會俾人一種加舒服嘅感覺，加埋真摰嘅眼神，令人更加feel到你嘅真心。
6. 著衫要大方得體
唔知大家有冇發現，韓國人有時著得好簡單就已經好好睇？唔單止係咁，仲會俾人一種好乾淨同整齊嘅感覺，就好似如果你係一間公司嘅老闆，有兩個人嚟面試，一個睇落唔錯但著衫唔整齊，另一個係著得整齊但就好樸素，你又會揀邊一個呢？
以上幾點無論係對邊個人用，相信都一定會有幫助，想俾人一個好印象，一啲小細節都唔可以忽視，如果唔係一個唔小心，可能會影響到將來嘅重要一步。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
