韓星「人生金句」
係時候學嘢啦！2021年5位韓星最佳「人生金句」！
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇一句成日掛喺嘴邊嘅人生座右銘呢？今日想同大家介紹被精選為2020年最佳5大「人生金句」。大家睇完又認唔認同呢？
韓星人生金句
1. 李孝利
코스모폴리탄
最近同劉在石、Rain一齊以 'SSAK 3' 出道嘅李孝利，重新出道冇幾耐，已經橫掃多個獎項。一直係眾人女神嘅佢，自從佢嫁咗畀音樂人李尚順之後，一直都留喺濟州島生活。本來已經好少上電視，但因為拍 《孝利家民宿》，而可以再睇到佢多啲生活點滴拍嘅途中，小編最記得係IU上佢節目，佢哋一齊坐喺海邊傾計，佢就講咗以下金句，直到而家小編仲係印象深刻。
韓文版本：나 자신을 좋은 사람으로 바꾸려도 노력하니 좋은 사람이 오더라
中文版本：當我好俾心機咁令自己變做好人嘅時候，好自然地好人就會嚟我身邊。
2. 寶兒
톱스타뉴스
寶兒有幾成功相信大家都知，佢細細個就已經出道，同時精通英文同日文，佢係唯一一個喺日本3張專輯銷量過一百萬張嘅外國歌手，佢嘅成功完全係靠佢嘅金句。
韓文版本：꿈을 이루겠다는 강한 의지와 함께, 그에 수반되는 노력이 필요한다
中文版本：想要實現夢想，除咗要有夠強嘅意志，同時需要無限嘅努力。
3. 車勝元
스포티비뉴스
車勝元係Model出生，當中拍過唔少劇，小編識佢係因為睇綜藝，每一次見佢上《無限挑戰》都係做辛苦工，同時佢有拍《一日三餐》，因為煮嘢叻，唔少人睇完都話佢好有媽媽feel，佢嘅金句可以話每個人都適用。
韓文版本：능력 없으면 열정, 열정 없으면 겸손, 겸손하지 못하면 눈치라도 있어야지
中文版本：冇能力都至少要有熱情，冇熱情都要識得謙卑，唔識謙卑都應該要識睇眼色。
4. 允浩
마이민트
呢句可能要識韓文先會理解到，允浩曾經上《認識的哥哥》節目，佢問大家你哋知唔知人身體最唔好嘅害蟲（해충）係咩？佢話其實人生體最唔好嘅係大概（대충）/馬虎了事。的確我哋係生常生活中，可能好多時都話「是旦啦」，「求其啦」，有時某啲事得過且過就算，為咗唔可以俾自己再懶或馬虎落去，呢句金句真係好好。
韓文版本：사람 몸에서 제일 안 좋은 해총은 대총이라는 벌레다
中文版本：人身體最唔好嘅害蟲，其實就係大概/懶蟲。
5. 李秀根
SM C&C
好多時人生都會踏入唔同交叉點，有時會唔知到底咁做好定唔好，如果唔去嘗試過，根本唔會知結果係點。所以當每次想放棄底者唔想試嘅時候，大家可以參考下以下金句。
中文版本：挑戰緊嘅時間唔好覺得係浪費緊。
以上5位名人被選為今年最佳金句，大家又有冇咩金句一直掛係嘴邊呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
