全州報復殺人案
16年前被打斷鼻骨懷恨在心...南韓一男子持刀殺害對方80歲母親報仇！
덕이 @creatrip reporter
4 years ago
Hello，大家好，我哋係由韓國人話你知每日最新韓國資訊嘅Creatrip。
＃韓國新聞 ＃殺人
＃全州
全州地方法院第12刑事宣判，以殺人嫌疑被起訴嘅A某（47歲）被判處20年有期徒刑。
另外，A某被禁止禁止接近受害者同佢嘅家屬20年，並安裝電子追蹤定位裝置。
✨馬上Follow我哋IG
instagram.com/creatrip.hk
全州報復殺人案
A某喺4月3號下晝，以兇器殺害B某（80歲），以殺人罪被起訴。
A某嘅行兇動機要睇返16年前嘅某一日。
16年前喺南原市一間餐廳入面，A某遇到C某（B某兒子）後發生口角。C某太嬲嘅情況下，打斷咗A某嘅鼻骨，導致佢一直懷恨在心。
16年後，A某嚟到C某嘅屋企，C某80歲母親（B某）應門。
A某向B某表示，自己係負責新冠肺炎嘅街道事務所職員，喺談話過程入面，A某突然拎出武器揮舞，B某嘗試逃走，但仍被A某刺中三次。
當時喺屋企嘅C某同細佬聽到母親嘅慘叫聲，跑過嚟睇發生咩事，亦被A某嘅凶器刺傷，最後兩人壓制A某，將母親送去醫院，但母親因出血過多、休克死亡。
據了解，A某亦曾經喺2008年06月個陣，以凶器刺傷其他老人被判刑3年有期徒刑。
裁判部表示，被告殺人嘅罪行係任何辯解都唔可以饒恕嘅重大罪行，並對目擊殺人現場嘅兒子，造成極大嘅精神同身體痛苦。
A某未能得到遺屬原諒，以難以接受嘅理由犯罪，仲有因為同種犯罪而受到處罰嘅前科，考慮到呢一點，決定判以嚴重嘅刑罰。
裁判部考慮到被告坦白罪行，加上有精神科病歷，決定對其判處20年有期徒刑。
✨馬上Follow我哋IG
instagram.com/creatrip.hk
其他延伸閱讀 | |
 釜山遇致災性暴雨 |  韓國首隻熊貓出世 |
熱門文章
