韓劇配角症候群
睇韓劇睇到好心酸，男配角更加好，但男女主100%喺埋一齊？韓劇配角症候群
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃男配角
＃韓劇
大家睇韓劇會唔會覺得：明明男二更加好，點解女主角會揀男一㗎？
呢一點被稱為配角症候群（Second Lead Syndrome），喺好多韓劇入面都有出現！
✨馬上Follow我哋IG
instagram.com/creatrip.hk
配角症候群 （Second Lead Syndrome）
配角症候群係指女主角選擇同男主角一齊，而放棄一直對佢好嘅男配角。
相信唔少觀眾睇韓劇嘅時候，都會覺得好心痛男配角。
男配角明明對女主角最好，但就得唔到女主角嘅關心。
女主角又會偏偏鍾意冷漠無情嘅男主角⋯⋯
劇情
韓劇劇情通常都係主角有一個悲慘嘅背景，要面對好多難題，但最終都會大團圓結局。
雖然有陣時主角面對嘅難題實在太誇張，但的確，部分係反應咗韓國人生活上嘅問題
睇到韓劇主角可以解決問題，心同感受嘅人就會覺得「我都可以解決到」。
再加上，生活已經咁困難，睇韓劇都係為咗娛樂，又點會想睇到唔開心嘅結局呢？
悲慘主角
配角通常都好完美，性格好好，靚仔又有錢。
但係佢哋喺劇入面嘅功用，好似就係為咗令男主角知道女主角有幾咁重要。
男配角永遠睇戲入面都得唔到女主角嘅愛，仲要一個人默默流淚，默默咁支持女主角，希望女主角有一日會見到自己嘅好。
男配角嘅存在就好似話畀大家聽：生活唔易，得到愛更加唔易⋯⋯
仲有一種男配角係女主角嘅青梅竹馬。
一直以嚟，兩個人都保持住純友誼關係。
不過男女之間又點會有純友誼呢？大部分嘅男配角青梅竹馬，都會鍾意上女主角。
跟住大家一路睇就一路問：點解唔話畀佢知你鍾意佢呀？點解唔將你嘅心意話畀佢聽呀？
男配角自己一個默默咁鍾意女主角，等女主角鍾意上男主角就一定會後悔！
韓劇嘅編劇好多時都會將男配角寫成暗戀女主角嘅角色，無論男配角有幾咁鍾意女主角，得唔到嘅就係得唔到⋯⋯
男配角總會犧牲自己，只係為咗滿足女主角嘅心願，甚至會幫女主角追男主角。
最後結局梗係男女主角喺埋一齊，而男配角犧牲自己成全男女主角，好人嘅編劇會寫另一個女角色同佢一齊。
好多時，觀眾都會睇到好不忿，戥男配角唔控。
不過，大家睇得韓劇多，都知道呢個係韓劇嘅定律⋯⋯
記得《回答吧1988》播出結局嘅時候，大家都喺度爭論究竟要揀阿澤定係狗煥。
可惜，狗煥始終冇表達自己嘅心意，默默咁樣企喺德善背後，而得唔到德善嘅愛。
以上就介紹咗韓劇嘅配角症候群，唔知大家又有冇同感呢？
✨馬上Follow我哋IG
instagram.com/creatrip.hk
| 其他延伸閱讀 | |
 梨泰院韓劇踩點 |  韓國養成十個習慣 |
