港韓物價比較
同樣嘅食材煮兩餸一湯，韓國比香港竟然相差咁多錢？比較港韓日常生活物價
Hello，大家好，我哋係由韓國人話你知每日最新韓國資訊嘅Creatrip。
＃韓國 ＃香港
＃生活 ＃物價
小編喺韓國住咗就快一年，為咗慳錢，間唔中都會自己煮飯食。
唔知大家會唔會好奇，喺香港同韓國用同樣嘅材料、煮同樣嘅餸，分別要用其多錢呢？
今日就等小編比較下港韓嘅物價啦！GOGO！
✨馬上Follow我哋IG
instagram.com/creatrip.hk
港韓物價
因為疫情關係，小編多咗上網買餸，所以今日會比較下香港同韓國兩間都幾大型嘅網上超市嘅物價。
小編知道如果去韓國街市買生果、菜會比超市平，但好多時街市一份嘅份量太多，未食完就壞晒⋯⋯
所以小編嚟到韓國，多數都係喺超市買，可以一個一個咁買，唔驚放到壞晒。
今日小編會煮一個菜、一個肉同一個湯。（利伸：材料可能唔標準，但小編一個人，平時都係粗粗地咁食）
1. 翠玉瓜炒蛋
材料：翠玉瓜、蛋
香港翠玉瓜一包有兩條，大約$3.5一條。
韓國就一條₩1580，大約港紙$11一條。
香港買嘅雞蛋$23.9十隻，平均一隻$2.4；韓國就₩2780大隻（約港幣19.5），平均一隻$2。
| 香港 | 韓國 | |
| 翠玉瓜 （一條） | $3.5 | $11 |
| 蛋（一隻） | $2.4 | $2 |
| 總共 | $5.9 | $13 |
可以見到，韓國嘅瓜菜真係貴好多⋯⋯
2.可樂雞翼
材料：可樂、雞翼、薑
小編搵唔到同樣size嘅可樂，唯有動用小學數學，哈哈！
香港2L可樂賣$13.9；韓國兩樽1.8L可樂要₩5280，乘返做2L嘅話，大約₩2940（$20.6左右）。
雪藏雞翼平均一磅要幾錢呢？
香港要$29.5；韓國大約₩3769（$26.3）。
小編如果自己煮，好有可能會唔放薑，可以慳返個步驟（懶到出汁）。
薑100G嚟計，香港只要$3.2；韓國就要₩1680（$11.8）。
| 香港 | 韓國 | |
| 可樂（2L） | $13.9 | $20.6 |
| 雞翼（1磅） | $29.5 | $26.3 |
| 薑（100G） | $3.2 | $11.8 |
| 總共 | $46.6 | $58.7 |
香港平啲。
3. 蕃茄薯仔湯 （無肉版）
呢個湯小編自己煮過一次，雖然冇落肉，差咁啲，但味道唔錯，叫做有啖湯飲。
材料：蕃茄、洋蔥、薯仔
蕃茄1磅，香港賣$8.9；韓國就要₩2000（大約$14）。
唔知點解香港網站嘅薯仔無寫明一包有幾多，但估計都有600G左右（比較街市價錢）。
同樣重量下，香港賣$8.9；賣韓國₩3980（$27.9）。
當然喺韓國買份量多啲嘅薯仔會更平（5公斤、10公斤咁買），但好多時都會放到發晒芽都未食完⋯⋯
差唔多包裝嘅洋蔥，香港賣$10.9；韓國賣₩2500（$17.5）。
| 香港 | 韓國 | |
| 蕃茄（1磅） | $8.9 | $14 |
| 薯仔（600G） | $8.9 | $27.9 |
| 洋蔥 | $10.9 | $17.5 |
| 總共 | $28.7 | $59.4 |
果然，全部都係菜，韓國買真係貴好多。
同埋每買完一次菜，就要諗下點樣儘快食晒佢，唔係就會放到壞。
今日簡單比較咗，香港同韓國煮一餐飯買材料大概要用幾多錢。
喺韓國，好多超市都鍾意賣啲大包裝嘅食材，買得越多就越平，但對一個人住嘅小編嚟講，次次買一人份量嘅開支負擔都幾大，慢慢就少咗自己煮，寧願出去食。
唔知大家又點睇香港同韓國嘅生活物價呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國生活優點 |  首爾物價整理 |
