外國人爆笑韓文名
外國人會爆笑嘅韓文名，임영웅 = I AM HERO？第一次聽會以為聽錯？
황요산
3 years ago
Hello，大家好，我哋係由韓國人每日提供最新韓國旅行資訊嘅Creatrip。
好多人成日都話唔怕生壞名，最怕改錯名？講笑姐，今日想同大家放鬆吓，如果大家聽到以吓韓國人嘅名，唔好以為聽錯，因為好多韓國人真係咁叫㗎。
外國人爆笑韓文名
1. 임소영
임소영 韓文拼音係 Im So Yeong，韓文임拼音係Im，韓國人有時會講笑將Im 改成I am。如果外國人問韓國人叫咩名，咁啱對方真係叫임소영，大家可能真係會聽成I am so young，甚至會覺得好疑惑自己係咪聽錯。事實上，韓國真係唔少人都改名叫소영（音譯：素英）。
2. 유아영
유아영 韓文名拼音係 U A Yeong，講完I am so young，之後當然仲有個You are Young啦！韓國唔少人都叫做아영（音譯 雅英），不過如果咁啱姓劉就真係好笑啦哈哈。
3. 임영웅
임영웅 韓文拼音係 Im Yeong Ung，大家如果識少少韓文，睇名讀音可能會覺得一啲都唔似，但其實영웅韓文解釋係英雄咁解。事實上的確亦有明星個名真係叫임영웅！ 而且仲要好出名添。如果有男仔識到韓國朋友，但又唔知自己韓文名係咩，大家可以試吓叫임영웅，相信韓國朋友一定會覺得好笑得嚟又夠型！
조선일보
4. 임우진
임우진 韓文拼音係 Im Woo Jin， 讀音有啲似英文嘅Limousine，即豪華巴士咁解。
5. 오유석
오유석 韓文拼音係Oh Yoo Seok，如果發音唔正，好易會講錯變成粗口。如果咁啱有朋友叫呢個名，大家要小心啲啦XD。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
