仁川老師感染14人
仁川補習老師確診，講大話阻調查！傳染學生、家長14人 仁川市：將控告
Hello，大家好，我哋係由韓國人話你知每日最新韓國資訊嘅Creatrip。
梨泰院夜店嘅集體感染，喺首爾擴散，感染者過百。
雖然地方自治團體同防疫當局積極處理，令今次疫情擴散並冇好似新天地教會個次咁嚴重，但都令疫情一度緩和嘅韓國再度拉響警報。
日前有仁川補習老師，喺去完梨泰院夜店之後仍然幫學生上堂。
9號檢驗後確診，但佢講大話報稱無業，延誤調查，最終令佢號學生、學生家長、學院老師等14人感染。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
仁川老師感染14人
來源：연합뉴스
呢名補習班老師B喺本月02號夜晚去過梨泰院夜店，9號檢查確診。
動線調查個陣，B某稱自己無業，防疫當局因而未有為意疫情可能會擴散。
直到一個高三學生7號起出現發燒症狀，13號確診，而佢媽媽（42歲）亦無症狀確診。
另外，呢名學生同高中同學，一齊去過網吧、唱K，令同學喺10號都出現症狀，13號確診。
來源：한국경제
調查呢啲學生接觸過咩人嘅時候，當局發現佢哋，同日前確診、報稱無業嘅B某有接觸。
來源：연합뉴스
B某當日聲稱「5月6號下晝6點就返咗屋企」，但根據流行病學調查結果顯示，當晚7點同11點，佢係喺補習班上堂；
而學生喺4號同11號，由晚上9點至11點都喺補習班同B某接觸。
備註：韓國幾乎大部分媒體都寫「呢名老師11號仍有去上堂」，但9號確診嘅話唔太可能11號仲可以去返工（應該立即隔離），呢一點號準確性仍有待評估。
來源：경인방송
防疫當局認為，因為學生母親冇直接同補習班老師B某接觸，認為佢係被個仔感染嘅「第三次傳播」感染案例。
當疫情演變到第三次傳播個陣，就代表潛在嘅感染數量已非常龐大，恐怕會大幅擴散。
截至今日上晝9點，同呢個導師有關嘅感染案例已有14人，其中過半係學生，其餘係家長同其他補習老師。
仁川市長（來源：이델이리）
仁川市長朴南春喺Facebook發調：雖然同其他補習班冇直接接觸，但考慮到學生之間可能有交流，建議仁川所有補習班停課一星期。
仁川溝通合作官強烈譴責「如果本人確診陽性之後，有如實表明職業同去過邊，就可以避免呢啲學生感染，做好初期應對」；「引發社區感染，係視為犯罪」。
今日，仁川市長喺例行記者會上表示，根據《傳染病預防及管理相關法律》第18條，疫情調查時虛假陳述，可處以2年以下徒刑或者2,000萬韓元以下罰款，仁川市預計會控告呢名老師。
✨馬上Follow我哋IG
instagram.com/creatrip.hk
| 其他延伸閱讀 | |
 弘大酒吧爆感染 |  首爾推匿名篩檢 |
