韓國141個病人復陽

來源：연합뉴스

Hello，大家好，我哋係由韓國人話你知每日最新韓國資訊嘅Creatrip。

＃新冠肺炎 #武漢肺炎＃韓國新聞
＃復陽＃痊癒病患
＃再呈陽性

今日（16日），中央防疫對策本部喺例行記者會表示，新型冠狀肺炎（武漢肺炎）疫情爆發到而家，有141個患者好番出院之後，病毒檢測結果再呈陽性反應（「復陽性」）。

按現時痊癒人數超過7千7百名嘅比例嚟計，「復陽」比例有1.8%。

Creatrip為咗關心韓國嘅朋友，會持續更新相關新聞（點我）。

大家唔需要太過擔心同緊張，記住出門口一定要戴口罩同勤洗手！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈香港⇋韓國航班取消現況

韓國痊癒者復陽

來源：연합뉴스

累計至16嘅為止，韓國痊癒患者有7,757個，而當中141個（16日新增8個）病患好番之後，再次確認體內仍有病毒。

「復陽」病人約達總痊癒人數1.8%。

呢種「復陽」嘅病例喺2003年SARS冇出現過，喺2015年嘅MERS疫情，都只係有一宗解除隔離後「復陽」嘅病例。

不過，喺新冠疫情入而，就竟然有1.8%嘅病例「復陽」。

來源：연합뉴스

當局表示呢個現象有幾個可能：痊癒者可能因為免疫力下降，令體內病毒再次活躍；

或者係檢測到無傳播力嘅「死亡病毒基因」；

甚至可能係檢驗本身出現誤差。

確實原因需要詳細調查先可以知道。

韓國目前針對感染者嘅痊癒標準，係相關症狀消失之後，每24個鐘檢驗一次，連續兩次係陰性，就會解除隔離。

不過更令人擔心嘅係，「復陽」病人只有一半人會出現相關症狀，其他都無任何症狀。

雖然目前韓國嘅新增病例慢慢變少，但仍然唔可以掉以輕心。

如果「復陽」嘅病例同無症狀傳染者越嚟越多，好容易再造成社區傳染，對韓國嚟講係個嚴重嘅隱憂。

防疫本部副部長亦表示：會再喺人口密集嘅地區，為高風險族群進行檢測。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈香港⇋韓國航班取消現況

其他延伸閱讀
韓國病例數破萬	韓取消免簽入境