首爾發警報
首爾發警報「4/5前保持社交距離2公尺」中央對策本部：未來15日要避免外出
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃首爾新聞＃減少外出
＃兩星期＃緊急警報
今日（22日）下午，首爾向所有首爾市民發佈咗緊急警報。
中央災難安全對策本部長喺新聞發佈會表示「未來15日應該避免外出，儘量留喺屋企」。
Creatrip為咗關心疫情嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
首爾發緊急警報
來源：NEWSIS
韓國成日會用到國家級警報功能，向住喺嗰一區嘅居民，send一啲附近居民確診、移動路徑嘅警報，警惕市民。
22日，首爾市政府發佈警報提出：為咗防止武漢肺炎疫情擴散，直到04月05日為止，市民應保持社交距離2公尺，有發燒、咳嗽症狀就唔好番工。
宗教、娛樂、體育設施喺呢段期間仍然開放嘅話，就一定遵守防疫方針。
來源：노컷뉴스
中央災難安全對策本部亦發言表示，未來15日要避免外出。
市民要儘量留喺屋企，減少非必要嘅外出，將一啲非緊急嘅聚會、活動、旅行延期或者取消。
目前全韓各地仍然有集體感染發生，喺防疫措施上，提出減少外出15日，就可以避免人傳人嘅二度感染。
另外，因為教會聚會客易導致集體感染，首爾市政府多次發聲明，要求教會暫時停止相關活動，但仍然有好多教會唔聽勸告。
首爾市府喺日前表示，如果教會繼續違反防疫方針，會考慮宣佈禁止集會同集合嘅行政命令，強制關閉教會（如大邱新天地教會）。
國土交通部都有遵循防疫方針，喺公共交通宣導乘客同乘客之間要保持距離；
KTX分配座位個陣，都會儘量將乘客座位分配喺兩邊窗口，避免乘客同陌生人一齊坐嘅高風險。
✨馬上Follow我哋IG
instagram.com/creatrip.hk
| 其他延伸閱讀 | |
 感染者的一封信 |  韓擴大入境管制 |
熱門文章
