innisfree × 迪士尼
2020去韓國必買，innisfree推出特別版迪士尼聯名！米奇米妮系列商品、超Q禮盒裝千祈唔好錯過
哈囉，大家好，我哋係由韓國人話你知每日最新韓國資訊嘅Creatrip。
＃韓國innisfree＃美妝
＃迪士尼＃2020年新品
＃韓國美妝＃Disney
2020年係鼠年，唔少韓國美妝品牌都同卡通人物老鼠角色合作。
「innisfree」今次就推出迪士尼系列新品，一上市就造成韓妹轟動。
唔知大家仲記唔記得之前新年嘅小熊維尼系列呢？
呢次改推迪士尼商品，同樣都係咁吸睛，大家又準備好去掃貨未呢？
✨馬上Follow我哋IG
instagram.com/creatrip.hk
韓國innisfree迪士尼新商品
innisfree呢次2020年新商品，咁啱搭上鼠年熱潮，
而且唔單只米奇、米妮，就連其他角色商品都一應俱全。
只睇呢兩套組合，係唔係就已經有種療癒感呢？
由化妝袋到各種化妝必備小物，唔知又吸唔吸到大家呢。
而且呢次仲有推出禮物盒套裝，同之前推出小熊維尼、玩具總動員有啲似，
每次以set裝去發售都會造成風潮，相信呢次應該都走唔甩。
迪士尼主角「米奇」商品更係超級完整！整個禮盒內部可以話咩都有，
就算買嚟送比朋友，一啲都唔失禮，收到嘅朋友一定會好開心同滿足。
而呢款胭脂更係超可愛，每塊腮胭脂磚上面都有米奇圖案，
而且每隻色都係日常妝用會用到嘅色，好實用。
唔知又燒唔燒到大家去買呢？XD
唇彩同潤唇膏都係超可愛，除咗唇彩只分咗兩隻色，米奇米妮各一之外，
潤唇膏更係直接幫各位配對成功，大家只要揀出自己鍾意嘅組合就得。
唙呢到要提提大家，呢款係帶色潤唇膏嚟㗎。
innisfree指甲油亦有出米奇系列，趁住就嚟新年，大家都快啲幫自己手指甲油上顏色啦！
各種禮物盒形式都有唔同功效，高飛系列商品係以皮膚管理為主。
除咗化妝品之外，今次仲出咗米奇同唐老鴨錢甖，
只要買滿3萬Won再加3500Won就可以帶佢返屋企！
小編睇過實物真係好可愛！XD
唔知大家有無睇到心郁郁呢？XD
大家如果想買，而家只要去各大門市都可以入手啦！
用埋我哋提供嘅折扣券、退稅，會更加抵買！嚟到韓國唔帶佢哋返屋企真係會對唔住自己。
希望大家鍾意小編呢次嘅分享啦！
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他延伸閱讀 | |
 2020上映韓劇 |  Kakao鼠年新品 |
 明洞地圖懶人包 |  韓國飾物店整理 |
