出境全面自動過關
大搖大擺行出去！訪韓旅客全面開放自動過關出境，無整過自動過關都可以用
Hello，大家好，我哋係由韓國人每日提供最新韓國旅行資訊嘅Creatrip。
韓國政府前幾日宣布，由今日（7月10號）起，所有外國遊客喺離開韓國嗰陣，出境唔需要審查，可以直接行自動通關通道，可以更快出境去行免稅店～
20200210
因目前武漢肺炎影響，出入境、航班資訊已有相當大嘅改動，想知道最新資訊請睇呢度。
遊客自動通關出境
其實已經好一排，有好多人喺網上話（小編自己都係），明明冇整韓國自動通關，但係出境嗰陣，被工作人員指去行自動通關口，然後就順利出境。好多人都猜測，係為咗疏散出境人群，加上入境嗰陣，通常都有旅客嘅指紋紀錄，因為離境比較唔影響到國家安全，會直接用自動通關送你出去。
南韓政府正式宣佈，大家離開韓國嗰陣，都唔需要審查，可以直接行自動通關通道。
不過都有啲例外：
- 超過90日嘅觀光簽證者（非法滯留）
- 入境個陣提供嘅護照、指紋、外貌同出境唔同
- 喺韓國有相關不良紀錄，而且已入海關紀錄
- 17歲以下
如果係本身已經整咗韓國自動通關嘅朋友，或者持有外國人登錄證嘅朋友，基本上就冇任何問題，可以直接出境。
自動通關辦理處
如果想更方便，入境韓國嗰陣可以行自動通關，小編整理咗相關辦理地點，大家可以提早少少到機場，離開韓國前整自動通關啦。
首爾車站地下2樓：Airport Railroad Branch
星期一至五早上9點至晚上6點
三成洞都心機場航廈2樓
星期一至五早上9點至晚上6點
仁川國際機場第一航廈3樓：出境大廳登機報到櫃台G、H區中間
每日早上7點至晚上7點
仁川國際機場第二航廈2樓：政府綜合行政中心法務部出入國服務中心（One-Stop Public Service Zone）
每日早上7點至晚上7點
金浦國際機場2樓：出境服務中心（Immigration Service Center）
星期一至五早上9點至晚上6點
釜山金海國際機場國際航廈2樓：移民事務處
星期一至五早上7點至晚上8點
大邱國際機場2樓：移民事務處
星期一至五早上9點至晚上6點
濟州國際機場3樓：VIP Lounge Area
星期一至五早上9點至晚上6點
清州國際機場東旅客航廈1樓：機場出境辦公室
星期一至五早上9點至晚上6點（以現場情況為準）
韓國自助通關注意事項
- 要喺韓國整自助通關，必須要喺入境後先可以辦理
- 自助通關有效期等於護照有效期，更新護照要重新申請自助通關
- 自助通關後仍然要填寫海關申報單，但入境卡就唔洗填寫
- 需要本人親身辦理，以影相同記錄指紋。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
