有望入境韓國免隔離？
距離可以飛韓國嘅日子可能近咗一步？完成接種疫苗有望免隔離？
Yuting Chou
2 years ago
Hello，大家好，我哋係由韓國人每日提供最新韓國旅行資訊嘅Creatrip。
因為疫情嘅影響，相信大家都有兩年時間冇得自由自在咁飛嚟飛去，韓國亦都停咗兩年觀光旅遊簽，不過喺早幾日（2月28號）有一個好消息，就係即使喺疫情情況之下，韓國有望放寬政策，俾旅客入境韓國，而且係免隔離！
有望入境韓國免隔離？
根據南韓中央防疫對策部統計資料，3月2號新冠肺炎確診者，單日高達219,241位，係近嚟最高紀錄。南韓中央防疫對策本部主任鄭恩京喺2月28號，忠清北道五松（오송）疾病控制中心舉行例行簡報會上表示：「目前考慮緊免除海外遊客隔離，尤其係已經完成接種疫苗嘅人。」
另外鄭恩京主任提到，考慮到韓國國內（感染）高風險，政府認為已經達到盡可能延遲Omicron突變狀況。
關於海外入境者免於隔離計畫，鄭主任補充：「考慮到疫情目前趨於穩定時期，我哋計劃根據海外入境者狀況，調整對海外入境者管理。」雖然韓國免隔離政策仲未確實，但政府已經討論緊，可能可以飛嘅日子距離都唔遠啦！
*目前如果由國外入境韓國，入境前必須提交PCR陰性確認書，入境後必須喺指定設施或家中自我隔離7日。*
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
