DAISO本月熱銷品
真係睇到花多眼亂！韓國Daiso本月人氣熱銷大公開！實用、療癒商品你會揀邊一個？
哈囉，大家好，我哋係由韓國人話你知每日最新韓國資訊嘅Creatrip。
＃韓國大創＃Daiso
＃다이소＃人氣商品
＃SNS推薦＃熱門商品
＃11月＃12月＃熱門
寒冷嘅冬天，喺街上凍到頂唔順嘅時候，不妨去各處都有嘅韓國Daiso行吓啦！
除咗可以避寒之外，仲可以買到好多療癒小物，但Daiso咁多商品，由邊到行起最好？
為咗方便大家，大家一齊睇吓本月Daiso人氣商品啦。
✨馬上Follow我哋IG
instagram.com/creatrip.hk
韓國Daiso本月熱銷
1. 聖誕公仔
就到聖誕，Daiso都出咗唔少關於聖誕商品，而其中最受歡迎就係聖誕公仔啦！
一共有四款造型，每款都好可愛，唔知大家又會鍾意邊隻多啲呢？
2. USB迷你照明、加濕器
呢個小編覺得超實用！只要用USB插住就可以用，而且仲有一盞小燈，可以當微光照明。
放喺office，只睇都令人有種治癒感。
3. 投籃機
簡單投籃機，輕輕一彈就輕鬆入袋。小編覺得呢個大人細路都適合。
為咗可以更好玩，加少少懲罰增加刺激感都唔錯㗎！
4. 醫院遊戲set
完全係專for小朋友而設嘅夢幻組合！韓國daiso一整套玩具組唔洗太多錢，就可以令小朋友玩到樂不可支。
成嗰醫院遊戲set應有盡有，諗唔到送咩禮物比親戚嘅小朋友？買呢款就無錯啦。
5. 掛帶卡片套
返工卡套唔想獨沽一味同一隻顏色？想要啲特別顏色嘅掛帶卡片套daiso幫到大家！
6. 雞蛋Timer
全熟同半熟蛋點煮先係最好？只要將呢嗰雞蛋Timer一齊煮，根據顏色變化，就可以知道幾時半熟（반숙）同全熟（완숙）。
雖然小編會驚一齊煮會.......爆....炸.....
7. 微波爐爆谷
CP值都幾高，只要買一包，掉入微波爐爆幾吓，就會變成熱辣辣嘅爆谷。
如果有時口痕想食小食，呢樣都係一個唔錯嘅選擇。
8. 手機虛擬搖控
食雞、打傳說都好啱用！有時候手汗會令自己錯失救援時機，或者一唔小心就被人殺死？
網路上好多搖控貼唔知效果好唔好，咁就先喺daiso買一個試吓先啦！
9. 手機觸控筆
同樣地，想喺手機上寫字或畫畫，但只靠手指似乎無辦法晝得好靚。
韓國daiso一支觸控筆超平，而且幾好用，一定唔會令各位失望。
10. 迪士尼Memo紙
超可愛Memo紙，100%正版聯名文具商品， 大家係迪士尼迷嘅話就唔好錯過啦。
同場加映！韓國daiso 11月珍貴品（？）唔少物品都幾實用，唔知大家又啱唔啱呢？
防靜電貓毛沾黏手套
迷你蝴蝶結髮貼
可凹式清潔棒
造型筆筒兼書架
以上係大創最新人氣熱銷品，去到daiso唔知買咩好先嘅朋友，不妨參考Creatrip每個月整理出嚟嘅清單啦。
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他美食獨家優惠 | |
 廣藏市場探訪記 |  弘大交通總整理 |
 台幣再創新高點 |  首爾烤腸總整理 |
 哈利波特咖啡廳 |  樂天超市必買品 |
