Hello，大家好，我哋係由韓國人每日提供最新韓國旅行資訊嘅Creatrip。
嚟到韓國雖然周街都有Wi-Fi可以連，但如果係嚟生活，當然唔少得有一張sim卡啦！今日小編整理好韓國一啲電訊公司，希望可以幫到大家！
韓國留學生SIM卡推薦
韓國留學生SIM卡種類
韓國SIM卡目前有分USIM同eSIM，USIM係直接插卡，eSIM係用QR Code掃完之後就用得，唔需要特別再用卡。
如果大家只係嚟短期旅行/留學，買一張唔需要實名認證嘅電話卡都可以，詳情可以參考呢篇介紹旅行必備Sim卡嘅Blog。不過如果大家會留一段長時間，就強力推薦大家一定要買返張可以實名認證嘅卡！
旅遊/短期簽 | 可以喺便利店/普通賣sim卡嘅地方買 |
長居/學生/工作簽 | 因應唔同Visa，可以考慮買月費Plan |
其他 | 借韓國朋友名義開預付卡 |
通常比較多人揀嘅會係第二款，不過唔知要點搞？等小編教吓你啦！
用外國人登錄證申請
如果想用實名認證，一定要用本人名義去申請，第一步大家需要先申請外國人登錄證。
1. 新加入時各電訊公司會要求以下文件
- KT
本人 | 外國人登錄證 |
代理人 | 本人名義外國人登錄證、代理人身份證 |
- SKT
本人 | 外國人登錄證 |
代理人 | 本人名義外國人登錄證、代理人身份證 |
- LG U+
本人 | 外國人登錄證 |
代理人 | 本人名義外國人登錄證、蓋有本人印章委託書或證明、代理人身份證 |
- 如果係用韓國三大電訊公司（KT、SKT、LG U+）開通，通常就係以月費交。
- 以留學生名義開通嘅話，只要外國人登錄證到期，Sim卡亦都會立即停用。
2. 如果一開始用護照開通，拎到韓國人登錄證之後想更新返實名認證？
- 如果係買我哋提供嘅親故通信Sim卡，之後想轉用外國人登錄證登記嘅話，要直接去門市同職員講，之後就可以進行實名認證，電話號碼亦唔會轉，詳情可以撳我了解更多。
其他
- 更多詳情請參考三大電訊公司官網。
- 電話查詢可以打去客服（提供中文/英文服務）
- KT 外國人專用熱線（免費）： 080-448-0100 / （收費）02-2190-1180
- SKT 外國人門市：門市
- LG U+外國人專用熱線：080-851-1004
如果大家之後嚟韓國想申請Sim卡，不妨先save低呢篇Blog，話唔定可以幫到大家。
以上係「韓國留學生SIM卡推薦」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
