仁寺洞｜Nadeulee紀念品店
傳統飾物到現代明星公仔統統都有嘅紀念品店
Hello，大家好，我哋係由韓國人每日提供最新韓國旅行資訊嘅Creatrip。
仁寺洞係一個首爾自由行必去景點其中之一！呢度雖然比較古舊，但係一個充滿古色古香嘅一個地方嚟～ 同時呢到有好多韓服店同賣陶瓷工藝品等店鋪，更加唔少得嘅當然仲有賣傳統紀念品嘅鋪頭啦！而今日小編要同大家介紹嘅呢一間「Nadeulee」，除咗可以買到傳統紀念品之外，仲可以買到現代明星公仔！想知道喺仁寺洞邊到？咁就要繼續留意落去啦！
仁寺洞紀念品「Nadeulee」資訊
- 地址：서울 종로구 인사동길 51 1F
- 營業時間：09:30 - 21:00
仁寺洞紀念品「Nadeulee」推薦理由
- 仁寺洞咁多間賣紀念品店之中，只有「Nadeulee」係除咗有賣傳統紀念品之外，仲有明星公仔同公仔衫賣。
- 價格親民，而且紀念品款式多。
仁寺洞紀念品「Nadeulee」優惠
- Creatrip會員下載優惠券，埋單嘅時候即可享九折優惠。 ( 需要以現金支付先可以享有以上優惠）
- 唔需要事前預約。
- 如果用coupon嘅時候有任何疑問，可以send email到help@creatrip.com查詢。
仁寺洞紀念品「Nadeulee」介紹
企喺「Nadeulee」門口就已經見到有好多公仔同傳統紀念品賣，呢到最大賣點係價格親民，同時款式多樣，小編去嘅時候，係大約黃昏時間5點左右，店入面有好多遊客！
如果唔鍾意出面嘅公仔唔緊要，店入面亦有飾物賣！上面戒指之所以會透明，係因為入面其實係鮮花嚟㗎！係唔係估唔到呢！而且有唔同顏色可以揀，令小編都有小小心動XD
呢度亦有好多餐具款式比大家揀，包裝好有韓國特色，做手信絕對唔會失禮！
呢度亦有多唔同款式嘅鎖匙扣同指甲鉗賣，每一款價錢都唔同 。
呢度亦都有賣擺設用品，仲有杯、筆、筆袋、開瓶器等日常用品。
另外，有啲朋友會問小編邊到有得買明信片，小編都會推薦佢哋去仁寺洞買，因為仁寺洞賣嘅postcard最有韓國特色，而且有多種款式可以揀。
唔知有無人發現，其實韓國人都幾鍾意戴帽呢？有時唔知邊到買帽好？可以嚟呢邊睇下！因為有啲款式韓國人都會戴㗎 。
老闆話好多遊客都會嚟買書睇，如果想知道更多韓國歷史嘅話，不妨買一本返去增添書卷味？XD
大家認唔認得出係邊一隊男團呢？佢就係....而家當紅男團BTS啦！！買BTS公仔嘅時候，大家仲可以幫佢哋襯衫、褲，鞋，整返個專屬你嘅獨一無二BTS公仔！因為太多款式，小編先影咗幾款比大家睇下～老闆仲話得佢哋鋪頭先有得買！係ARMY又點可以錯過呢？
由傳統飾物到現代明星公仔都有嘅「Nadeulee」！如果行開仁寺洞嘅話，好推薦大家嚟呢到睇下～希望呢篇介紹大家會鍾意啦！
仁寺洞紀念品「Nadeulee」前往方法
6號出口出嚟。
出嚟之後直行。
見到旅遊諮詢服務處轉左。
一路直行30秒左右。
望右邊就會見到！
Nadeulee 正門
點先可以享有仁寺洞紀念品「Nadeulee」9折優惠呢？(必需現金支付）
現場消費Click下面網址下載Creatrip專屬優惠券，出示俾店員睇即可享有獨家優惠。
以上係仁寺洞紀念品「Nadeulee」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com