韓國4月天氣&穿搭小貼士
韓國4月仲凍唔凍？日夜溫差勁大？話你知櫻花季穿搭攻略！
- 韓國4月天氣🔆2
- 首爾4月最高/最低溫度🌡️
- 釜山4月最高/最低溫度🌡️
- 韓國4月穿搭/著衫小貼士🧥
- 韓國4月會唔會落雨？🤔2
- 韓國4月空氣質素🍃
- 韓國4月特別體驗推薦✨1
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
如果問小編邊個季節最啱嚟韓國玩，小編會答你係春天！韓國去到4月就會正式踏入春天，天氣話凍唔凍、話熱唔熱，到底要點著先啱？4月仲睇唔睇到櫻花？會唔會好似香港咁潮濕又成日落雨？一於睇吓小編幫大家整理出嘅重點啦！
2026年冇咗醫美退稅好蝕錢？
透過Creatrip預約指定醫美診所
上傳收據寫評論即賺最多15% Creatrip積分！
4月推薦體驗/活動
[블로그] 2026最受香港人歡迎嘅7間首爾醫美診所
[블로그] 2026年首爾必去染髮Salon推薦
[블로그] 2026最新17間韓國半永久化妝中心推薦（霧/飄眉、紋唇、紋眼線等）
韓國各月份天氣&穿搭小貼士💡
韓國4月天氣&穿搭小貼士
韓國4月天氣🔆
韓國4月可以分為「櫻花盛開」同「櫻花凋謝後」2個時期，喺前期天氣仍然會有少少涼，但係去到後期就真係會開始變暖啦！4月氣溫通常都會突破20度，不過因為日夜溫差大，清晨時段同夜晚可能得10度左右，所以大家記住要著返件外套仔，唔好凍親！
講起櫻花，去到慶州同光州等等嘅南部城市可以睇到一種叫八重櫻嘅櫻花！八重櫻通常會遲開過普通櫻花2~3個禮拜左右，顏色偏桃紅色，形狀都睇落會更大更圓，如果4月尾會嚟韓國嘅話記住唔好錯過啦！
首爾4月最高/最低溫度🌡️
- 最高溫度：14°C~20°C
- 最低溫度：6°C~11°C
2025年4月首爾溫度
睇返過往記錄，首爾4月溫度去到月中之前最低有機會會跌到5度以下，不過基本上都係零上；而日頭最高溫度就係15度，夠涼爽舒服！而4月尾最低會維持10度左右，而最高就有機會去到20-25度，太陽只要稍微大少少仲可能會覺得熱XD
睇到上面嘅數字就知道，日夜溫差可能會去到10度！對後生仔嚟講可能還好，帶定外套或者風褸就得，不過如果會帶老人家嚟嘅話，就記住要帶保暖衣物啦！
而大家最想知道嘅花期方面，首爾4月頭有櫻花睇，去到月中就會百花齊放，四周圍都係五顏六色！
[블로그] 2026首爾賞櫻懶人包
釜山4月最高/最低溫度🌡️
- 最高溫度：15°C~19°C
- 最低溫度：9°C~13°C
2025年4月釜山溫度
而位於韓國南邊嘅釜山，4月天氣同首爾差唔多，日頭夜晚都偏涼。不過好似頭先所講，如果太陽大啲嘅話，可能會更加熱！
釜山櫻花花期方面，櫻花大約會喺3月尾到4月頭盛開，大家可以盡情嚟享受韓國春日氛圍！
韓國4月穿搭/著衫小貼士🧥
4月日頭基本上著薄長袖衫、長褲（甚至係短褲）就得！外套方面，大家可以完全唔洗帶羽絨或者毛毛褸，建議簡單帶件可以手拎都唔會唔方便嘅薄外套或者風褸。而因為4月日夜溫差真係有啲大，所以大家要小心感冒啊！
韓國4月會唔會落雨？🤔
한국농어촌방송
所謂「清明時節雨紛紛」，韓國4月同樣都會落雨，不過通常雨勢都唔大，亦都唔會落好耐，可以帶定縮骨遮旁身或者有需要再去便利店買。如果喺櫻花盛開嘅時候落大雨，通常櫻花就會被打落，櫻花季亦都會就此結束。
韓國4月空氣質素🍃
조선일보
韓國每年4月15號到10月15號都會發布所謂嘅「臭氧預報（오존예보）」。同一般霧霾（PM2.5）唔同，當存於地表10公里以內嘅對流層中臭氧（O3）濃度超標時，就會刺激到眼睛同呼吸器官，甚至對農作物造成危害！
如果收到臭氧濃度過高嘅message，建議大家減少戶外活動（特別係下晝2點到4點最危險）。
韓國4月特別體驗推薦✨
各地櫻花慶典
今年全韓國櫻花估計會提早2-7日開，好多人都會慕名而去嘅鎮海軍港櫻花節今年就會喺25號左右開，相信到時候櫻花已經開得幾靚！另外京畿道、首爾、江原道北部同山區，就會喺接近4月頭嘅時候開。
不過因為4月第一個禮拜五、六有降雨預報，可能會有好多櫻花都因為咁而甩曬，大家記住把握黃金時間去睇櫻花影靚相啦！
撳我瞭解更多
人氣歌謠ON THE GO演唱會
- 日期：2026年4月26日
今年人氣歌謠將會喺4月尾舉辦拼盤演唱會，邀請4月會回歸推出新歌嘅歌手表演，而第一輪公佈嘅歌手陣容非常鼎盛，包括有香港朋友們都好鍾意嘅TXT、CORTIS、NCT WISH等人氣團體！
而家透過我哋買飛仲可以去睇最少兩隊歌手彩排，超特別體驗記住唔好錯過！
[스팟] 2026 SBS人氣歌謠特別演唱會 + 彩排舞臺觀賞 + 韓國交通卡套票
2026春季宮中文化慶典
- 日期：4月25日起
每年都非常受大家歡迎嘅宮中文化慶典返嚟啦！今年4月尾開始，喺景福宮、昌德宮、德壽宮等傳統宮殿都會舉辦特別活動，無論係夜間探訪、超大型音樂會。抑或係文化體驗都有，外國人門票得我哋平台先可以預約到，名額有限、先到先得，有興趣記住唔好錯過！
撳我瞭解更多
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
