大邱咖啡廳|Sung Dang Mot Vill
被譽為大邱最靚溫室花園「Sung Dang Mot Vill.cafe(성당못빌) 」,黃昏時必去打卡!
Hello,大家好,呢度係由韓國人每日提供最新韓國旅行資訊嘅Creatrip。
最近大邱最近有一間討論到極高嘅cafe,因為環境好同俾人一種舒服嘅感覺,唔少人都覺得佢好似溫室花園咁,佢就係SungDangMotVill.CAFE啦!當然Creatrip都唔可以錯過,同時成功幫會員拎到優惠,只要出示優惠券即可享9折優惠!
大邱咖啡廳「SungDangMotVill.CAFE」資訊
- 地址:대구 남구 성당로 54-3
- 營業時間:11:00 - 22:00
- 小Tips:大明站1號出口行大約10分鐘
大邱咖啡廳「SungDangMotVill.CAFE」推薦理由
- SungDangMotVill.CAFE位於大邱聖堂池、頭流公園同E-WORLD附近,呢度好似一個溫室花園咁,當有陽光射入嚟嘅時候,唔少人都會喺度打卡影相。
- 朝早嚟呢度可以望到大邱聖堂池同頭流公園一帶景色,晏晝去就可以睇到夕陽,夜晚去更加可以睇到閃閃發光嘅大邱夜景。
大邱咖啡廳「SungDangMotVill.CAFE」優惠
- Creatrip會員出示優惠券,即可享9折優惠。
- 唔需要預約。
- 如果用coupon嘅時候,有任何疑問都可以send email到help@creatrip.com。
大邱咖啡廳「SungDangMotVill.CAFE」菜單
中文 | 韓文 | 價格 |
鮮榨果汁 (tangerine、blond、juniper) | 착즙주스 (탄제린, 블론드, 주니퍼) | ₩6,500 |
維也納咖啡 | 아인슈페너 | ₩6,000 |
大邱咖啡廳「SungDangMotVill.CAFE」介紹
唔知大家睇到有無覺得好似去咗溫室花園咁呢?由外部到內部呢度都有好多樹木,俾人一種好清新同治療嘅感覺。
SungDangMotVill.CAFE位於比較唔太顯眼嘅建物後面,所以去嘅時候要仔細搵先唔會行錯。
SungDangMotVill.CAFE總共有三層高,一樓主要係大家落單嘅地方。
二樓主要用咁白色同咖啡色去裝修,配上唔同植物同黃色照明,俾人一種好放鬆同舒服嘅感覺。
另外二樓露台仲冇幾張檯,當天氣好嘅時候可以邊吹風邊嘆咖啡,同朋友吹吓水都幾唔錯。
不過重頭戲都係喺三樓,呢度有一個大嘅玻璃窗,擺滿原木傢私同植物,就好像一個溫室花園咁。
呢個位係皇位,大家嚟到都一定會坐喺度影相,因為太多人想影,所以呢個位永遠都會空出嚟俾大家打卡,絕對唔可以坐喺度嘆咖啡。
小編咁啱去嘅時候可以睇到夕陽,真係好靚,望住個天慢慢變色真係好治療。
呢張相有無覺得好似去咗度假咁呢?天氣好坐喺度吹風,真係舒服到令人唔想走。
講完打卡位,喺食物方面小編叫咗維也納咖啡、鮮榨柑橘汁(tangerine)、士多啤梨忌廉鮮奶油蛋糕同芝士蛋撻(不過好可惜,而家呢兩款甜品都冇咗)。
鮮榨柑橘汁(tangerine)係用咗紅蘿蔔、橙、菠蘿同柑橘子鮮榨而成,所以飲嘅時候都覺得有種特別健康嘅感覺。而維也納咖啡上面層cream中和咗咖啡嘅苦味,非常推薦俾鍾意飲咖啡嘅朋友。
之後冇打算去大邱旅行嘅朋友,不妨先save底,睇下之後會唔會去打卡啦!
點先可以享有大邱咖啡廳「SungDangMotVill.CAFE」9折優惠呢?
現場消費Click下面網址下載Creatrip專屬優惠券,出示畀店員睇即可享有獨家優惠。
以上係大邱咖啡廳 「SungDangMotVill.CAFE」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com