logo

代訂|首爾轉轉卡

精明必備!首爾轉轉卡可以免費參觀多達55個首爾觀光景點!總共有3種plan俾你揀!

KyuheeHan
3 months ago

Hello,大家好,我哋係由韓國人話你知每日最新韓國旅遊資訊嘅Creatrip


計畫去首爾旅行嘅時候,係唔係會煩到底去邊好呢?而且每去一個地方都要俾入場費,搭車搭地鐵又要買交通卡(T-money), 而家有一樣嘢可以一次過幫到大家解決呢啲煩惱,就係首爾轉轉卡(Seoul Pass)啦!只要有一張轉轉卡就可以輕輕鬆鬆解決交通同入場費問題。為咗可以令旅客根據自己行程下去挑選,轉轉卡有分24、48、72小時券3種plan,可以免費參觀約55個首爾觀光景點!另外仲有大約180個設施可以享有優惠!想了解嘅朋友,就要繼續睇落去啦!



「首爾轉轉卡」推薦理由

  • 可以喺24/48/72小時內玩轉首爾!
  • 可以免費去樂天世界同體驗漢江遊輪等55個主要旅遊景點!
  • App內提供中文、英文、日文及韓文服務,淨返幾多時間可以用都可以一次過check到!
  • 同時仲有交通卡功能,唔需要另外再買多張卡!
  • 可以喺首爾樂天塔、首爾樂園等170多個旅遊景點獨享優惠!


「首爾轉轉卡」價錢

24小時券
50,000
(50000)
48小時券
70,000
(70000)
72小時券
90,000
(90000)


「首爾轉轉卡」優惠

  • 免費入場(約55個景點)!詳情請參考Discover Seoul Pass 官網
  • 多種優惠券(約178個景點)!喺售票處或者櫃檯出示「首爾轉轉卡」就可以最高可享五折優惠,詳情請參考Discover Seoul Pass 官網
  • 交通更方便!
    • 交通卡:首爾轉轉卡可以當交通卡咁用,增完值之後就用得(請注意雖然首爾轉轉卡可以當當普通交通卡咁用,不過只可以喺地鐵站或者Storyway、Emart24同CU增值)
    • AREX:喺有效期間內,會免費提供1張AREX單程票(需要事先申請,詳情可以撳我參考
    • Seoul Bike:可以免費踩1日Seoul Bike(需要另外download “Seoul Bike” App,詳情可以撳我參考


「首爾轉轉卡」使用方法

  • 訂單會喺你俾錢後1-2日內成立,成立後會send兌換QR Code俾你。
  • 預約時請選擇換領地點及日期,然後喺當日親臨現場換領實體卡。
  • 首爾轉轉卡會喺你使用第一個免費入場優惠(或使用AREX、Seoul Bike服務)後開始計算使用時間,只要未使用上述優惠都唔會開始計算。
  • 卡片背面會寫上領取日期,未被使用嘅首爾轉轉卡有效限期為領取日期後5年(交通卡功能冇使用期限)。
  • 如果卡片後面個QR Code出現損毀,首爾轉轉卡將失效,呢個情況下使用人士需負全責,請小心保管。


「首爾轉轉卡」注意事項

  • 首爾轉轉卡為外國人專用商品,大小同價。
  • 如果卡片後面個QR Code出現損毀,首爾轉轉卡將失效,呢個情況下使用人士需負全責,請小心保管。
  • 每次最多可以買10張卡(冇限每人購買次數)。
  • 喺各大景點使用首爾轉轉卡時請務必出示實體卡,各旅遊景點營業時間會因內部情況而有所變動,建議去之前先check清楚。
  • 每個月最後一個星期三都可以免費入場宮殿同藝術博物館,詳情請參考政府公佈內容。
  • 如果因為航班延誤導致拎唔到卡,請確認你所選擇嘅領取地點嘅營業時間,然後攜同電子預約憑證去拎卡。
  • 你可以透過Discover Seoul Pass 官網或者顧客服務中心(+82-02-1644-1060)即時同母語者進行諮詢。
  • 你可以透過手機App查詢剩餘有效時間同附近景點資訊。
  • 手機App提供韓文、中文、英文、日文服務。
  • 首爾轉轉卡使用方法及景點優惠可能會有變動,屆時將不作另行通知。


「首爾轉轉卡」預約流程

STEP 1.

撳我預約

STEP 2.


付款後,我哋會喺1個工作天內確認訂單,
我哋會send埋Seoul Pass兌換QR Code俾你。


STEP 3.


喺以下地點之中揀一個地方,
喺預約當日去到現場,出示預約憑證同QR Code即可領取。


仁川機場T1

① 位置:境大堂Gate 2對面SK櫃檯
營業時間:06:00 - 22:00(全年無休)

② 位置:入境大堂Gate 13對面SK櫃檯
營業時間:24小時(全年無休)


仁川機場T2

位置:入境大堂 Gate 4同5之間SK櫃檯 
營業時間:24小時(全年無休) 

首爾轉轉卡 仁川機場


明洞旅遊資訊中心
位置:서울 중구 을지로 66
營業時間:09:00 -18:00(中秋&新年當日休息)


首爾轉轉卡 明洞旅遊資訊中心


首爾觀光Plaza 
位置:서울 종로구 청계천로 85 
營業時間:09:00 - 18:00(中秋&新年當日休息)
 

首爾轉轉卡 首爾觀光Plaza


金浦機場

位置:國際線入境大堂對面SK櫃檯(1號出口)
營業時間:06:00 - 23:00

STEP 4.


去到觀光景點出示首爾轉轉卡就可以入場。
淨返幾多時間同使用期限請參考下圖。

首爾轉轉卡



「首爾轉轉卡」介紹


用首爾轉轉卡就可以免費參觀韓國好多旅遊景點同體驗活動。


63大樓觀景台

  • 地址:서울 영등포구 63로 50

首爾轉轉卡 63大樓

首爾轉轉卡 63大樓


63大樓位於汝矣島,係首爾代表文化空間,只要用首爾轉轉卡就可以免費入場,喺指定時間仲有美人魚表演睇,去到60層頂樓仲可以欣賞首爾全景。




景福宮

  • 地址:서울 종로구 사직로 161

景福宮 首爾轉轉卡

景福宮 首爾轉轉卡


景福宮未嚟過韓國,都一定聽過佢大名,嚟呢度可以了解韓國朝鮮王朝500年歷史,感受到韓國宮殿嘅宏偉。




德壽宮

  • 地址:서울 중구 세종대로 99

德壽宮

德壽宮 首爾轉轉卡


德壽宮可以見到現代同歷史交會,同光化門、景福宮完全唔同氣氛,推薦大家夜晚去,影出嚟嘅相超有質感。




韓服男

  • 景福宮店地址:서울 종로구 사직로 133-5
  • 北村韓屋店地址:서울 종로구 북촌로 5나길 17

首爾轉轉卡

首爾轉轉卡 韓服


嚟韓國又點可以唔著韓服呢?喺韓服男可以免費借90分鐘韓服喺首爾打卡,咁正嘅體驗你又點可以錯過?




Coex Aquarium

  • 地址:서울 강남구 영동대로 513

首爾轉轉卡 COEX


COEX水族館係韓國最大海洋主題公園,呢度有數百種喺其他地方未見過嘅海洋生物,無論係大人家小朋友,嚟到都會好Enjoy!




樂天世界

  • 地址:서울 송파구 올림픽로 240

首爾轉轉卡 樂天世界

首爾轉轉卡 樂天世界


樂天世界係一個充滿夢幻同驚險刺激嘅主題公園,有分室內同窒外,場內超多打卡點,嚟首爾旅行至少要去一次!




唔單止好多地方都免費入場,有啲地方仲可以用優惠價去體驗!

樂天塔

  • 地址:서울 송파구 올림픽로300

樂天塔

樂天塔 首爾轉轉卡


樂天塔高約555米,係韓國第一高,亦係世界第三高,上到去可以欣賞到首爾360度全景。




跆拳道體驗

  • 地址:서울 성북구 종암로 19길 7 3F

跆拳道體驗

韓國 跆拳道體驗


跆拳道喺韓國可以話係一項全民運動,幾乎每位韓國人喺後生嘅時候都有學過,如果想試吓但一直未有機會,可以之後嚟韓國著住跆拳道服體驗。




製作韓文飾品

  • 地址:서울 중구 을지로 12 시티스타몰 4-5

製作韓文飾品

製作韓文飾品


想用自己韓文名做飾物?用首爾轉轉卡就可以用優惠價,整返一個獨一無二紀念品。 




國立國樂院

  • 地址:서울 서초구 남부순환로 2364

國立國樂院

國立國樂院


喺國立國樂院可以欣賞韓國皇室舞蹈同歌曲,同時見到長鼓、鼓等韓國古代樂器,聲音好得意同有趣。




Geum Bak Yeon

  • 地址:서울 종로구 북촌로 12길 24-12

Geum Bak Yeon


Geum Bak Yeon係一間用朝鮮王朝貴族擅用傳統鍍金技術嘅工作坊,喺度可以欣賞韓國傳統皇家工藝文化。


一場卡就可以做到咁多優惠同當T-money真係好唔錯!有興趣嘅朋友不如就買返張用吓啦!




首爾轉轉卡|撳我預約

 網上付款Q&A




以上係「首爾轉轉卡」介紹,有任何問題請先詳讀呢篇文章。

如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。


如果有更多想知嘅內容,都可以隨時dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

Mail:help@creatrip.com

熱門文章