聖水洞/建大吃喝玩樂總整理
關於聖水洞/建大一切喺哂呢度！推薦美食、Cafe、體驗活動全部都有！
Hello，大家好，我哋係由韓國人每日提供最新韓國旅行資訊嘅Creatrip。
聖水洞過去係有好多工廠，不過隨住時間流逝，而家好多都變咗係咖啡街，加上近建大，呢度聚集唔少年青人嚟。今次小編整理好一篇總整理，如果之後會去聖水洞、建大附近嘅朋友，可以先save低，話唔定之後會幫到你！
 |  |
 |  |
 |  |
2024聖水洞/建大
聖水洞介紹（성수동）
聖水洞好近首爾林（서울숲），呢度有唔少隱藏Cafe、文化綜合設施，以及見證歷史嘅老鋪頭，係一個可以邊行街，一邊欣賞舊首爾魅力嘅好地方，被稱為韓國「布魯克林」。
鄰近首爾林面積超過一百萬平方米，係當地人最鍾意嘅城市綠林景觀，除咗大熟知嘅建大藍色貨櫃屋之外，首爾林都有作為地標嘅貨櫃屋市集，之後都可以去睇睇。
建大介紹（건대）
建國大學簡稱「建大」，同其他大學一樣，附近會有好多餐廳、酒吧、Cafe、遊樂設施等等，呢度充滿青春同活力氣氛，好多嘢可以玩。
建大附近仲有「纛島漢江公園」，搭地鐵或者行過去，甚至踩單車都好方便，想搵個地方放鬆吓，呢度都係一個唔錯嘅地方！
聖水洞/建大地理位置
聖水洞、建大雖然好近，一樣都係2號線，不過兩個地方氣氛好唔同，而家就等小編逐一為大家介紹啦！
聖水洞/建大美食
聖水洞同建大都有好多美食等住大家，例如聖水洞嘅排骨街、建大酒吧、小食等等，由精緻西餐到豐盛韓餐應有盡有，一定可以滿足到各位喜好。
聖水洞/建大咖啡廳
講到聖水洞就會令人諗起有好多感性打卡Cafe，而建大就可能偏向潮啲同多年青人聚集，兩個地方都有唔同氣氛，好推薦大家抽一日時間去哂兩邊感受一下。
聖水洞/建大體驗活動
小編推薦一定要去首爾林野餐、Amore客製化化妝品體驗，以及緊張刺激又可以同朋友增進感情嘅建大Board Game Cafe！
聖水洞/建大購物
由建大樂天百貨、建大e-mart、聖水洞文化複合空間等，咩都齊！要咩有咩，之後就係等住你嚟尋寶！
聖水洞/建大交通
去聖水洞、建大，搭首爾地鐵2號線就可以，但如果想個頭首班車同尾班車資訊，以及點樣由建大去機場，都可以參考下面條link，小編都有整理好哂！
聖水洞/建大住宿
雖然對遊客嚟講，聖水洞、建大並唔太算係一個熱門景點，但如果係專門追星嘅朋友，呢一帶都近江南、聖水（SM經紀公司），以及成日搞演唱會嘅首爾綜合運動場，而且住宿CP值都算高，大家都可以考慮一吓！
出發之前，可以參考呢篇Blog，話唔定之後嚟旅行，都可以幫到大家！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
