延南洞吃喝玩樂總整理
韓國年青人最愛地點之一「延南洞」總整理！到底呢度有咩吸引力？
Hello，大家好，我哋係由韓國人每日提供最新韓國旅行資訊嘅Creatrip。
大家應該都知「延南洞」成日都會聚集好多年青人，想去熱門打卡Cafe、文創小店等，呢度都係應有盡有，今次小編整理好延南洞所有攻略，有需要嘅朋友記得收藏呢篇，為之後旅行做好準備！
 |  |
 |  |
 |
延南洞介紹（연남동）
延南洞位於弘大入口站3號出口一帶，呢度有好多餐廳同Cafe聚集，對於年青人嚟講係一個熱門景點之一，原本呢度只係一個普通嘅小區，但隨住弘大商圈發展擴張，令到呢度睇落更時尚同充滿活力。
無論係美食、帶有獨特感性嘅Cafe，定係一啲文創、個人品牌鋪頭，喺延南洞都可以搵到。
延南洞位置
弘大入口站3號出口一帶就係延南洞，鄰近弘大主要商圈，交通非常方便，所以好多人嚟到都會一次過行哂兩個地方。
延南洞美食
除咗傳統韓式料理之外，異國美食係延南洞特色之一，無論係中式、日式、西式，定係東南亞小食、大型餐廳等，呢度求其搵都會搵到。
延南洞咖啡廳
比起美食，延南洞大大小小隱藏Cafe，係大家嚟到絕對唔可以錯過！有好多可能招牌冇咁明顯，一個唔小心就會錯過。無論係想搵打卡風、藝術風定係現代感十足嘅Cafe，延南洞都係多不勝數，喺弘大行到攰，絕對要搵一間嚟坐吓！
延南洞體驗活動
延南洞一帶其實都有唔少K房、機鋪等住打卡去放鬆，之後不妨去打吓機、唱吓歌減吓壓啦！
延南洞購物
對於遊客嚟講，去韓國又點可以唔shopping？延南洞一帶比起連鎖店，大多數都係個人特色精品小店，唔少韓國文創品牌都可以喺度搵到，之後嚟可以買返啲不一樣嘅紀念品返去送俾朋友，相信收到嘅人，一定會好開心！
延南洞交通
去延南洞最簡單方法就係搭到去弘大入口站（홍대입구역），3號出口出嚟一帶就係，比起弘大其他出口，要搭機場鐵路去金浦機場、仁川機場嘅話，由呢度過去都會比較快。另外呢度帶好多巴士都會嚟到，下次揀住宿，都推薦大家可以揀呢一帶。
以上就係弘大「延南洞」總整理，希望可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk