延南洞美食總整理

Hello，大家好，我哋係由韓國人每日提供最新韓國旅行資訊嘅Creatrip。

Hello，大家好，我哋係由韓國人每日提供最新韓國旅行資訊嘅Creatrip。

好多遊客嚟韓國旅行都會去弘大主街嗰頭，不過其實喺3號出口有一個叫做「延南洞」嘅地方，呢度比起連鎖店，反而多嘅係特色同私房餐廳，今日小編想同大家介紹幾間去到「延南洞」必食嘅餐廳！

延南洞/弘大仲有咩好玩好食？

[블로그] 弘大美食總整理

弘大延南洞美食總整理

貓頭鷹山莊_{(부엉이산장)}

• 地址：서울 마포구 연희로1길 30-4
• 營業時間：
  • 星期一至五 15:30-00:30
  • 星期六及日 11:30-00:30
  • Last Order 24:00
• 前往方法：弘大入口站（홍대입구역）3號出口行5分鐘

位於弘大入口站步行5分鐘距離嘅「貓頭鷹山莊」係一間韓式Casual Dining餐廳，主打多款韓國正宗同fusion料理，而且因為餐點夠高質而且氣氛好，唔少韓國年輕人都會同朋友嚟度聚會。如果想食比較特別嘅韓國菜，推薦大家可以嚟呢度！BTW而家透過Creatrip可以預約到獨家午市同晚市套餐，每人更加可以免費獲得套餐內其中一款傳統酒！

🔎「貓頭鷹山莊」詳細介紹

[스팟] 貓頭鷹山莊（延南店）

延南豬腳1987_{(연남족발1987)}

• 地址：서울 마포구 동교로 222
• 營業時間：12:00-00:00
• 前往方法：弘大入口站（홍대입구역）3號出口行3分鐘

最近炸豬腳喺韓國網上超紅，想有返啲新意試新嘢嘅話推薦大家嚟「延南豬腳1987」！炸豬腳同普通滑捋捋嘅傳統韓式豬腳唔同，外面層皮炸到好脆口，而入面豬肉就夠軟夠juicy，無論係口感定味道都一流！

崔老闆家的雞_{(최사장네닭)}

• 地址：서울 마포구 연남로 4-1
• 營業時間：11:00-22:00（逢星期四休息）
• 前往方法：弘大入口站（홍대입구역）3號出口行4分鐘

嚟韓國又點可以唔食辣雞湯？呢一間喺延南洞相當出名，因為超多藝人都去過，特別係Infinite成員L更加係佢哋常客！辣雞湯分量好多，湯頭亦都夠濃郁，雖然有啲辣，不過真係超惹味，令人忍唔住食完一啖有一啖！而且雞肉夠嫩，可以配埋大蔥、薯仔、紅蘿蔔一齊食，好送飯！

Slow, Cali_{(슬로우캘리 연남본점)}

• 地址：서울 마포구 동교로38길 35 2F
• 營業時間：11:30-20:30（平日 Lunch Break 15:00-17:00）
• 前往方法：弘大入口站（홍대입구역）3號出口行10分鐘

「Slow, Cali」係一間韓國好受歡迎嘅Poke Bowl連鎖店，而延南洞呢間係總店！鋪頭雖然空間不大，不過裝修充滿美式海灘風情，而且仲有兩塊大玻璃窗，夠曬開揚舒服。唔想食咁heavy嘅話推薦大家食「Slow, Cali」嘅魚生蓋飯，開胃得嚟夠飽肚（仲冇咁有罪惡感XD）

HONGOJIB_(혼고집)

• 地址：서울 마포구 동교로30길 1 1층 혼고집
• 營業時間：11:30 - 22:00（Break Time 15:30 - 17:00、Last Order 21:30）
• 前往方法：弘大入口站（홍대입구역）9號出口行2分鐘

大家有冇諗過自己一個人都可以去食燒肉呢？弘大「HONGOJIB」係一間一人燒肉店，每人有一個一個獨立火爐可以慢慢食！除咗燒肉仲有Shabu-shabu，份量啱啱好，自己一個人嚟旅行又想食韓式燒肉嘅話推薦大家嚟呢度！

Perlen HAUS_{(펠른하우스)}

• 地址：서울 마포구 성미산로22길 18
• 營業時間：12:00-21:30
• 前往方法：弘大入口站（홍대입구역）3號出口行9分鐘

嚟到「Perlen HAUS」可以體驗韓國最近流行嘅甜品Omakase，連連劉在石同DEX都喺韓國綜藝《Six Sense（식스센스）》介紹過呢間餐廳！一個course入面包括多款甜品，仲可以配咖啡、茶或者酒，超特別！

青年火爐1987_{(청년화로1987)}

• 地址：서울 마포구 동교로 219
• 營業時間：
  • 星期一至四 15:30-24:00
  • 星期五至日 12:00-24:00
• 前往方法：弘大入口站（홍대입구역）3號出口行4分鐘

延南洞「青年火爐1987」專賣自然放養嘅西班牙橡果黑毛豬，頂級豬肉加上木炭炭火香，肉質鮮嫩又香口！職員會親自幫大家燒肉，大家見到肉仲係紅紅地可能會覺得未熟，不過呢種豬肉燒到8分熟最好食，而且口感會似牛肉，超特別又juicy！

Bistro TOMA_{(연남토마)}

• 地址：서울 마포구 월드컵북로6길 61
• 營業時間：11:30-21:30
• 前往方法：弘大入口站（홍대입구역）2號出口行6分鐘

「延南TOMA/Bistro TOMA」係一間日式西餐廳，規模唔大但係環境非常溫馨。如果平時係會相機食先，或者想搵個氣氛好嘅地方同姐妹/另一半食飯，非常推薦大家去呢度！（私心推薦大家食青醬意粉XD

Happy Cheese Smile_{(해피치즈스마일 연남점)}

• 地址：서울 마포구 동교로 244-1 2F
• 營業時間：11:30-21:00（平日Lunch Break 15:30-17:00）
• 前往方法：弘大入口站（홍대입구역）3號出口行6分鐘

辣炒年糕同炸豬排餐廳「Happy Cheese Smile」喺韓國有唔少分店，因為價錢平得嚟，量都相當多，CP值夠高！最特別嘅係餐廳會先將年糕拎去炸，炸完再鋪喺啲汁上面，所以食落會更加煙靭；而炸豬扒肉夠嫩滑juicy，配埋佢哋嘅獨家醬汁一齊食，好好味！

GOD EAT_{(갓잇 연남점)}

• 地址：서울 마포구 성미산로 161-13
• 時間：11:00至21:30（平日15:00至16:30午休）
• 前往方法：弘大入口站（홍대입구역）3號出口行13分鐘

「GOT EAT」係墨西哥菜專門店，好多人食過都係有讚冇彈！呢度一到Lunch Time同Dinner就超多人去食，裝修都幾有墨西哥風情，2人Set份量超多，而且用料夠新鮮，喺韓國可以食到咁多菜真係好難得XD

延南酒館1987_{(연남주막1987)}

• 地址：서울 마포구 동교로 212-5
• 營業時間：15:00-03:00
• 前往方法：弘大入口站（홍대입구역）3號出口行3分鐘

「延南酒館1987」裝修行80年代懷舊風，融合韓國古今文化元素，超有傳統酒館氣氛，呢度仲曾經上過韓國美食節目！韓式煎餅同鍋類料理等等嘅下酒菜都有，而且仲有獨家傳統米酒調酒，就算唔太飲酒嘅朋友都可以嚟體驗韓國傳統酒文化！

延南燕子烤肉_{(연남제비)}

• 地址：서울 마포구 성미산로 186
• 營業時間：
  • 星期一至五 16:00-23:50
  • 星期六及日 14:00-23:50
• 前往方法：弘大入口站（홍대입구역）3號出口行9分鐘

「延南燕子烤肉」店面比較細，所以每逢食飯時間都要排隊！呢度主打食出名高質嘅濟州豬肉，各種部位任君選擇，而且配菜都一應俱全！呢度比較特別嘅係有提供香草鹽，點嚟食會更加惹味，記住要叫多個泡菜湯一齊食啊！

RAT THAT_(랫댓)

• 地址：서울 마포구 동교로 243-4
• 營業時間：13:00-22:00
• 前往方法：弘大入口站（홍대입구역）3號出口行6分鐘

如果唔想食韓國菜，小編會推薦大家去「RAT THAT」食Pizza！呢間餐廳上過SBS電視節目，而且朝早同夜晚去會有兩種唔同feel，經常要大排長龍，可想言之佢人氣幾咁高！「RAT THAT」最受歡迎嘅口味係炸雞皮Pizza同大蒜薯條Pizza，炸雞皮同薯條都意外地同Pizza相當夾，想食多款口味嘅話可以叫半半Pizza~

青年雞爪1987_{(청년닭발1987)}

• 地址：서울 마포구 동교로 218-1
• 營業時間：16:00-03:00
• 前往方法：弘大入口站（홍대입구역）3號出口行3分鐘

雞腳係韓國人最鍾意嘅下酒菜之一，如果想試韓式雞腳，推薦大家嚟弘大延南洞「青年雞爪1987」，有唔少韓國電視節目都有介紹過呢度！韓式雞腳超辣，大家可以自由揀食有骨/無骨、湯/碳燒等等，仲有各種韓國美食，不如嚟體驗韓國超道地布帳馬車同飲酒文化啦！

GHOST BLACK YEONNAM_{(고스트블랙 연남)}

• 地址：서울 마포구 연희로1길 45-6
• 時間：12:00-21:30（Lunch Break 15:00-16:00）
• 前往方法：弘大入口站（홍대입구역）3號出口行6分鐘

柿子樹司機餐廳_{(감나무집기사식당)}

• 地址：서울 마포구 연남로 25
• 營業時間：24小時
• 前往方法：弘大入口站（홍대입구역）3號出口行8分鐘

巴士總站附近總係會有可以俾司機快啲食完又方便停車嘅餐廳，而呢種餐廳就會叫做司機食堂，出名夠平夠好食！自從《無限挑戰》喺呢間「柿子樹司機餐廳」取過景之後，呢度變得超出名！Menu選擇夠多，大部分都係家常菜色，夠曬地道窩心！

香港大排檔_{(홍콩대패당)}

• 地址：서울 마포구 양화로23길 10-8 2F
• 營業時間：
  • 星期二至六 11:00-21:00（Lunch Break 15:00-17:00）
  • 星期日15:00-21:00
• 前往方法：弘大入口站（홍대입구역）3號出口行8分鐘

如果只係短暫嚟韓國，可能都會想食盡當地出名嘅美食，不過如果大家會留耐啲/嚟留學打工，相信一定會好掛住香港嘅茶餐廳味！「香港大排檔」可以話係首爾最出名嘅港式餐廳，所有Menu色香味俱全，味道同香港平時食開嘅大排檔味道幾乎係一樣，唔單止係留學生至愛，每次去都有唔少韓國人喺嗰度打卡！

kokorokara_{(코코로카라)}

• 地址：서울 마포구 연남로1길 41
• 營業時間：11:30-21:00
• 前往方法：弘大入口站（홍대입구역）3號出口行8分鐘

講起延南洞甜品，一定唔少得「kokorokara」！呢間專賣麵包布丁嘅甜品鋪呢幾年超受韓國年輕女仔歡迎，品牌吉祥物超cute之餘甜品都好好味，唔會太甜但可以滿足到大家嘅甜品胃。而且根據季節仲會推出限定口味，鍾意食甜品嘅話記住唔好錯過啦！

以上係小編真心推薦喺弘大延南洞行完街，可以去吓嘅餐廳，有特色得嚟又唔會太貴。大家喺弘大瘋狂shopping之後，可以嚟延南洞醫肚，回一回氣再買過！

延南洞/弘大仲有咩好玩？

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！