Hello，大家好，我哋係由韓國人每日提供最新韓國旅行資訊嘅Creatrip。

嚟韓國最驚就係買太多，好多人都會揀去韓國郵局，用EMS、國際貨運寄返屋企。今日小編就整理咗由韓國寄件返香港嘅教學懶人包，希望可以幫到之後嚟韓國嘅大家一個參考。

大家可以計下行李超重費，同韓國EMS寄返到香港嘅費用，邊個抵啲。

韓國郵局介紹

郵局通常都會係由黃、橙、紅色組成，最顯眼嘅就係365或者係Korea Post，或者大家可以喺NAVER Map上面搜尋郵局嘅韓文（우체국）。

韓國郵局嘅營業時間通常分成郵遞（郵務）時間09:00至18:00；金融時間09:00至16:30不等，每個地方都可能唔一樣，最穩陣嘅就係晏晝16:30前到；週末及公眾假期會都休息。

入去郵局之後，大家可以先去搵International Mail或者郵遞嘅櫃檯，大部分嘅郵局都好細，櫃檯甚至係共用。

不過如果係比較大嘅郵局，可能就要排隊拎飛，一般職員只要知道你係外國人，佢哋其實都會好樂意幫忙，所以唔使太驚。

韓國郵局現場須知

寄返香港一定要記得裝箱（可以喺郵局買），唔可以用一般紙袋包，如果唔係佢哋係唔會受理，如果咁啱民宿有箱可以先裝好，帶去郵局直接寄返香港就得。

箱總共有6個尺吋，大家可以按照自己嘅需求同職員講想要幾號，通常箱嘅錢會連埋運費一齊計，但小編都有遇過要先俾箱錢，再另外計算運費（等於排兩次隊）。

有啲郵局甚至仲有「付費包裝」服務，如果係一次過要寄好多嘢嘅朋友，可以問吓現場嘅大叔幫手，會比較慳時間。

韓國郵局寄送費用

一般EMS文件（서류）

用EMS寄文件相對嚟講比較快，至於單要點樣寫，大家可以參考上面圖片說明或者問現場工作人員。

至於運費，因為重量唔同可能都會有唔同變化，大家可以撳我去韓國EMS網站查詢文件投遞費用。

如果真係睇唔明嘅話，可以撳我去英文版估算網頁，喺「Shipment Type」揀「Documents」就得。

按國家/地區劃分國際航空郵件特殊運費（7.14起）

一般文件用EMS寄返香港

• 下方費用不包含單件手續費、特別運送手續費、保險

提提大家，韓國EMS寄一般文件，重量最多只可以到2公斤，而且尺寸都需要符合現場收件法規，大家可以參考以上圖。

EMS包裹（비서류）

如果係超過2公斤嘅文件，或者係其他食品、衣物等，相比之下會比較複雜，因為係要計體積重量（부피중량），價格亦都比較貴。

大家可以撳我睇韓國EMS嘅英文頁面查詢價格，喺Shipment Type揀「Others」，然後喺Volumetric Weight輸入箱子體積大細，出現嘅結果要小於30kg先有辦法進行運費估算。

基本上用EMS由韓國寄香港，雖然話係2至3日就到，但實際要考慮各種因素，運輸過程可能會延遲。

一般國際包裹配送

寄一般國際包裹嘅話，配送時間會比較長，但相對嚟講就會平啲，大家可以撳我參考，撳入去之後搵「香港（홍콩）」。

以一般包裹空運寄香港

以一般包裹海運寄香港

韓國EMS注意事項

寄件人（韓國寄去香港嘅時候，要寫韓國寄件人資料），申請表可以用英文、韓文寫都得（地址可以寫酒店地址）。

另外寄香港嘅時候，地址可以寫中文不過建議大家用英文會比較方便，一定要寫清楚係「Hong Kong」，咁職員先有辦法幫你分類。

至於單件有重量限制（會現場再磅，如上圖），超重可能會拒收或者係拆箱另外寄。

韓國EMS禁止物品

以下物品都係韓國政府規定禁止用EMS寄送，包括動物、肉製品、乳製品、水果、種子、古董、非酒精飲品、樟腦、槍、賭博物品、珠寶、沙糖、茶、濃縮物，煙及其製品、酒精等等。

另外有明確標示產地、有效期嘅食品必須係10公斤以下，服裝都有部分限制。當然呢個係韓國EMS規定，其他香港海關規定，都請大家自行查詢。

以上係小編整理嘅最新EMS相關資訊，如果係認識代購朋友同貨運行，都可以用其他方法寄。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購