大家知唔知原來喺明洞中心地帶都可以享受露營？今日小編嚟到呢間燒鰻魚專門店，可以親眼睇到用炭火燒鰻魚之餘仲可以好似去露營咁煮公仔麵燒棉花糖！跟住小編一齊去睇吓啦！
撳我睇Menu&預約詳情👇🏻
明洞「明洞鰻魚（總店）」基本資訊
- 地址：서울 중구 명동10길 18 6F
- 營業時間：12:00-23:00（Last Order 22:00）
明洞「明洞鰻魚（總店）」實地探訪
今日小編同朋友嚟到「明洞鰻魚」位於明洞嘅總店，呢度同普通燒鰻魚餐廳唔同，唔單止可以食到高質鰻魚，仲可以四周圍影相同去小賣部買嘢食勁得意！門口就有使用指南，有齊中、英、日文俾大家睇~
「明洞鰻魚」環境非常闊落，而且裝修到好似大自然當中一個露營場咁，連櫈都係露營櫈！
坐低叫完嘢食之後就可以去小賣部買其他嘢食！而家透過Creatrip預約同填寫評論，即刻可以免費揀價值₩8,000嘅商品，呢個金額可以買到幾支飲品或者零食，記住唔好錯過呢個優惠啦！
小編揀咗個公仔麵煮，呢度仲有唔少韓國零食，連《魷魚遊戲》入面出現過嘅糖餅都有了，推薦大家可以買埋棉花糖去燒！
呢度亦都有提供酒類飲品，大家將要買嘅嘢放落購物籃之後就可以去俾錢！
返位之前記住攞個餐盤，放好配菜同醬料！
「明洞鰻魚」有個超大炭火爐，真係好似去咗BBQ咁！職員會將鰻魚、蝦、帶子、葱、燈籠椒同粟米等等放上燒烤網，勁豐富！
一邊燒就好似一邊睇緊show咁，大家記住影返幾張相記錄低啦！
鰻魚同蔬菜全部都燒到金黃色，而且聞落好香，真係好想快啲開餐！
「明洞鰻魚」除咗鹽燒鰻魚之外，仲有醬燒鰻魚！將燒到金黃色嘅鰻魚另外裝起，搽滿特製醬汁之後再用火槍燒，真係好難唔好食XD
大家等開餐之前仲可以去餐廳嘅Photo Zone影相打卡！
老闆仲會攞新鮮鰻魚俾大家睇，雖然怕動物嘅小編第一眼見到嚇親，不過都真係證明到「明洞鰻魚」用嘅鰻魚全部都好新鮮！
4人鰻魚套餐
2人鰻魚套餐
終於上菜啦！鰻魚同配菜放滿曬成個鐵板，分量非常夠，而且五顔六色影落夠曬上鏡。
職員會等大家影好相之後再幫大家將鰻魚剪成一口大細，相當nice！每塊鰻魚都非常飽滿啖啖肉，而且完全唔會有海鮮腥味。
套餐入面仲有燒蝦同帶子，每樣食材都燒到啱啱好。
喺韓國食燒鰻魚就當然要用菜包嚟食啦！韓國亦都好興加埋薑絲一齊食，大家可以點少少醬之後用蘇子葉包起鰻魚同幾條薑絲，非常惹味！
呢度碟仔都係用錫紙碟，同平時去露營/BBQ冇咩分別XD
小編同朋友仲叫咗壺韓國傳統米酒，食到覺得有少少漏嘅時候飲返啖即刻可以reset！如果想令今餐更加有韓國特色，非常推薦大家叫嚟飲。
食完鰻魚就可以淥返個公仔麵食，真係好少可可以自己喺餐廳咁做，小編同朋友都覺得好fun！
大家如果有需要都可以用微波爐叮嘢食。
最後甜品係...燒棉花糖！小編每次燒棉花糖都會好似返到去以前小學中學旅行BBQ嘅時候咁，係充滿回憶嘅嘢食~因為平時唔去露營都好難食到，今次可以喺餐廳食到真係超滿足！
如果大家都想食高質燒鰻魚，同時喺明洞中心地帶體驗去露營嘅感覺，非常推薦大家嚟「明洞鰻魚」，大飽口福之餘留低特別回憶！
明洞「明洞鰻魚（總店）」前往方法
明洞站（명동역）8號出口出。
直行，第一個路口轉左。
直行。
繼續直行。
直行到上圖位置。
行入大廈上6樓就去到「明洞鰻魚」啦！
撳我預約👇🏻
以上係明洞「明洞鰻魚（總店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
