Hello，大家好，我哋係由韓國人每日提供最新韓國旅行資訊嘅Creatrip。

最近韓國Netflix烹飪節目《黑白大廚(흑백요리사)》比賽超受歡迎，呢個節目邀請韓國廚師界最出名+實力受到世界認可嘅20位「白湯匙」大廚同80位無名「黑湯匙」大廚進行對決，節目播出之後好多朋友都想親自去佢哋嘅餐廳朝聖！今日就等小編幫大家整理餐廳名單，下次有機會記住一定要去試！

🔎首爾Fine Dining餐廳總整理

幫你預約想去嘅餐廳👇🏻

《黑白大廚》參賽者餐廳總整理

「白湯匙」大廚

👨🏻‍🍳崔賢錫 | CHOI._(쵸이닷)

• 地址：서울 강남구 도산대로 457 3F
• 營業時間：12:00-22:00（Break Time 15:00-18:00）
• 前往方法：狎鷗亭羅德奧站（압구정로데오역）3號出口行10分鐘

崔賢錫大廚從事飲食業30年，係韓國最出名嘅Fine Dining廚師之一，相信有睇開韓國美食綜藝/廚藝比賽嘅朋友們都對佢唔陌生！參加《黑白大廚》之後，由崔賢錫主理嘅餐廳「CHOI.」都有將佢比賽嘅時候整過嘅菜式放入Menu，等大家可以親身試到！

👨🏻‍🍳崔強錄 | 食堂NeO_{(식당네오)}

• 地址：서울 송파구 삼전로12길 4 101호
• 營業時間：星期二至六 18:00-21:00
• 前往方法：蠶室新川站（잠실새내역）2號出口行13分鐘

Allure Korea

崔強錄廚師係韓版《Master Chef》第二季嘅冠軍，有好多人都有模仿過佢喺《黑白大廚》入面煮過嘅菜式！而佢主理嘅「食堂NeO」係一間日式Omakase酒吧，菜式精緻又好食，配埋酒一流！

👨🏻‍🍳Fabrizio Ferrari | Fabrizio's Kitchen_{(파브리키친)}

• 地址：서울 용산구 한강대로15길 23-6
• 營業時間：11:30-21:30（Break Time 14:30-17:00）
• 前往方法：龍山站（용산역）1號出口行7分鐘

캐치테이블

Fabrizio Ferrari（韓國人都叫佢Fabri）係一位連續15年獲得意大利米芝蓮1星嘅廚師，佢喺韓國開嘅意大利餐廳Fabrizio's Kitchen出名CP值夠高，₩9,500就可以叫到個沙律、燉飯都係₩16,000起，呢個價錢可以食到1星料理真係唔容易！

👨🏻‍🍳鄭智善 | 甜蜜蜜_{(티엔미미)}

• 弘大店地址：서울 마포구 양화로 144 4F
• 營業時間：11:00-22:00（Break Time 15:00-17:00）
• 前往方法：弘大入口站（홍대입구역）9號出口行2分鐘

通常喺韓國做中菜大廚都係男人，鄭智善係韓國第一個中菜明星女主廚，被譽為點心女王！佢開嘅中菜餐廳「甜蜜蜜」喺弘大同江南都有分店，好彩仲有機會見到佢幫大家上菜！

👨🏻‍🍳崔地亨 | LEE BUK BANG_(리북방)

• 地址：서울 마포구 마포대로1길 16 2F
• 營業時間：
  • 星期二至五 12:00-21:00（Break Time 13:30-19:00）
  • 星期六及日 12:30-21:30（Break Time 14:30-17:00）
• 前往方法：麻浦站（마포역）1號出口行5分鐘

리북방

崔地亨係一位世界知名大廚，比較特別嘅係佢嘅專門菜系係北韓菜！而佢主理嘅北韓料理專門店「LEE BUK BANG」更加被選為2024首爾米芝蓮餐廳之一，想試啲比較特別嘅菜式嘅話不妨可以嚟呢度！

👨🏻‍🍳金度潤 | YUN SEOUL_(윤서울)

• 地址：서울 강남구 선릉로 805
• 營業時間：12:00-22:00（Break Time 15:00-18:00）
• 前往方法：狎鷗亭羅德奧站（압구정로데오역）5號出口行4分鐘

여성조선

金度潤係一位米芝蓮1星韓國菜大廚，喺韓國相當出名。而「YUN SEOUL」運用韓國料理當中最重要嘅發酵、熟成同風乾技巧炮製超高水準又精緻嘅菜式，等大家可以大飽口福&眼福！

🔎2024首爾米芝蓮必比登推介餐廳

👨🏻‍🍳Joseph Lidgerwood | EVETT_(에빗)

• 地址：서울 강남구 도산대로45길 10-5
• 營業時間：
  • 星期二及三 17:30-22:30
  • 星期四至六 12:00-22:30（Break Time 14:30-17:30）
• 前往方法：狎鷗亭羅德奧站（압구정로데오역）5號出口行10分鐘

에빗

睇《黑白大廚》嘅時候會見到有幾個講韓文嘅外國人，其中一個就係米芝蓮1星廚師Joseph Lidgerwood啦！佢間餐廳「EVETT」運用最新鮮嘅食材，炮製出各種韓國料理同西餐，而且全部都勁有創意超特別！

👨🏻‍🍳呂敬來 | 紅寳閣_(홍보각)

• 地址：서울 강남구 봉은사로 130
• 營業時間：12:00-21:30（Break Time 15:00-18:00）
• 前往方法：新論峴站（신논현역）4號出口行分鐘

홍보각

雖然聽落好似好怪咁，不過比起喺韓國，呂敬來大廚喺中國仲出名XD 佢可以話係韓國中菜至尊，仲擔任過唔少中菜比賽嘅評審，大家去到「紅寳閣」記住一定要食佛跳牆同母子大蝦！

👨🏻‍🍳朴俊雨 | Aux Petits Verres_{(오쁘띠베르)}

• 地址：서울 종로구 자하문로 47-1
• 營業時間：12:00-21:00
• 前往方法：景福宮站（경복궁역）2號出口行7分鐘

오쁘띠베르

小編第一次識朴俊雨廚師係睇《拜托了冰箱》，本身以為佢係業餘廚師，點知原來佢係韓國《Master Chef》第一季嘅亞軍！佢喺景福宮站附近開咗間甜品Cafe，鍾意食甜品嘅話推薦大家去呢度！

👨🏻‍🍳南政錫 | local EAT_(로컬릿)

• 地址：서울 성동구 한림말길 33 2F
• 營業時間：星期一、四至日 11:00-21:00（Break Time 15:00-17:00）
• 前往方法：玉水站（옥수역）4號出口行4分鐘

南政錫廚師最出名係用蔬菜入菜，令人就算冇肉都可以食得滋味同開心！

👨🏻‍🍳方基洙 | gitdeun_(깃든)

• 地址：서울 강북구 월계로7나길 46-5
• 營業時間：星期一至六 11:00-22:30
• 前往方法：彌阿十字路口站（미아사거리역）2號出口行分鐘

方基洙曾經係韓國第一間米芝蓮餐廳嘅總廚，實力有目共睹！而佢而家開咗一間燒肉+海鮮排骨鍋專門店，如果大家唔鍾意去Fine Dining餐廳咁正式，不如可以嚟食燒肉！

👨🏻‍🍳曹銀珠 | Touch The Sky_{(터치더스카이)}

• 地址：서울 영등포구 63로 50 한화금융센터 63
• 營業時間：11:30-22:00（Break Time 15:00-17:30）
• 前往方法：賽江站（샛강역）3號出口行18分鐘

曹銀珠係第一個喺世界三大烹飪比賽連續贏得兩個金牌嘅女廚師，佢而家喺63大廈頂層餐廳Touch The Sky擔任主廚，大家不妨趁特別日子預約呢度，食高質又浪漫嘅一餐！

👨🏻‍🍳黃鎮先 | 津津_(진진)

• 地址：서울 마포구 월드컵북로1길 60
• 營業時間：11:30-21:00（Break Time 15:00-17:00）
• 前往方法：合井站（합정역）2號出口行5分鐘

진진

黃鎮先喺2017-2019年被選為米芝蓮1星廚師，係韓國飲食界都相當有名氣！喺平時大家都去開嘅大弘合井附近就可以搵到佢間米芝蓮中餐廳「津津」，呢度有賣好多喺韓國好少見到嘅高級料理！

👨🏻‍🍳蔣皓埈 | NEGI LIVE_{(네기라이브)}

• 地址：서울 성동구 성수이로 97 5F
• 營業時間：星期一至六 12:00-22:00（Break Time 14:00-19:00）
• 前往方法：聖水站（성수역）3號出口行3分鐘

네기라이브

蔣皓埈係一位相當有名氣嘅日本菜廚師，曾經喺韓國多間大型酒店日本餐廳擔任主廚，而家喺首爾唔少地方都有開唔同concept嘅日式餐廳！

👨🏻‍🍳安惟鍟 | 加梅_{(가매일식)}

• 地址：광주광역시 서구 상무대로 1104-26
• 營業時間：11:30-21:30（Break Time 14:00-17:30）

가매일식

安惟鍟係韓國第16代烹飪名匠，曾經接待過金大中、盧武鉉、文在寅等多位韓國歷屆總統！不過佢間日本菜餐廳開喺光州，大家可能未必有機會去。

👨🏻‍🍳金承珉 | Morino Aruyo_{(모리노 아루요)}

• 地址：제주 제주시 애월읍 하소로 769-58
• 營業時間：星期一至六 11:30-20:00（Break Time 14:00-18:00）

金承珉係韓版《Master Chef》第一季嘅冠軍，實力得到韓國廚師界嘅一致認同！佢喺濟州島開咗一間日式餐廳叫「Morino Aruyo」，最出名食蓋飯！

👨🏻‍🍳吳世得 | CHINNMEAL_{(친밀 제주)}

• 地址：제주 제주시 조천읍 남조로 1781
• 營業時間：11:20-20:00（Break Time 15:00-17:00）

아시아나항공

另外一位都係喺濟州島開餐廳嘅廚師係吳世得，呢位明星主廚好識混合多種菜系，炮製出各種特色菜式！

有想試嘅餐廳？👇🏻

「黑湯匙」大廚

🥄拿坡里美味黑手黨 | Via Toledo Pasta Bar_{(비아 톨레도 파스타바)}

• 地址：서울 용산구 원효로83길 7-2
• 營業時間：星期二至六 17:00-22:00
• 前往方法：南營站（남영역）1號出口行8分鐘
• 備註：一定要事先預約，唔接受walk-in

비아 톨레도 파스타바

拿坡里美味黑手黨（나폴리 맛피아）喺意大利拿坡里學廚之後，返到韓國開咗呢間叫「Via Toledo Pasta Bar」嘅意粉專門店，呢度最特別嘅係全部意粉都係即場現搓，夠曬新鮮！上完節目之後餐廳預約一直爆滿，呢位廚師仲同CU合作推出喺節目入面曾經整過嘅栗子Tiramisu！

🥄阿姨無菜單料理一號 | 愉快的酒桌_{(즐거운 술상)}

• 地址：서울 도봉구 노해로 341 117호
• 營業時間：星期一至五 17:00-20:00
• 前往方法：倉洞站（창동역）2號出口行3分鐘

다이닝코드

阿姨無菜單料理一號（이모카세1호）喺上節目之前就已經好出名，客人去到之後唔需要叫嘢食，呢位廚師會運用各種時令食材幫客人準備各種下酒菜，重點係樣樣都勁好食！

🥄烹飪狂人 | Deepin Sindang_(디핀)

• 地址：서울 중구 퇴계로 411
• 營業時間：
  • 星期三至五 18:00-24:00
  • 星期六及日 17:30-24:00
• 前往方法：新堂站（신당역）1號出口行3分鐘

Instagram @deepin_seoul

烹飪狂人（요리하는 돌아이）喺《黑白大廚》入面煮嘢食嘅時候動作勁浮誇，小編一開始對佢印象唔太好XD 不過之後發現佢真係對烹飪好有熱誠同獨特見解！而由佢主理嘅Wine Bar「Deepin Sindang」位於新堂站附近，各款菜式都好出色，大家有機會記住要去試啦！

🥄隱藏天才 | PONO BUONO_{(포노부오노)}

• 地址：서울 강남구 도산대로45길 8-7 2F
• 營業時間：星期一至六 18:00-24:00
• 前往方法：狎鷗亭羅德奧站（압구정로데오역）5號出口行10分鐘

曾經擔任人氣首爾Wine Bar「SAV Seoul」總廚嘅隱藏天才（히든천재），早前喺狎鷗亭開咗一間叫「PONO BUONO」嘅餐廳，價錢相當親民，而招牌Menu係香蒜橄欖油意粉！有睇節目嘅朋友們應該都會記得佢整意粉嘅時候唔會煮到全熟，而係靠餘溫焗熟，口感一流之餘味道夠惹味，令評審都忍唔住俾佢晉級！

🥄營鐸 | 南營鐸_(남영탉)

• 地址：서울 용산구 한강대로80길 12
• 營業時間：星期一至六 17:00-01:00
• 前往方法：淑大入口站（숙대입구역）6號出口行3分鐘

남영탉

營鐸（영탉）係一位雞肉料理專家，原來之前曾經喺香港米芝蓮燒雞串專門店「Yardbird」工作！由佢開嘅「南營鐸」專埋各種特色燒雞，以各種香辛料同食材進行中式、美式同歐式調味，係其他地方食唔到嘅味道！

🥄名人的主廚 | BUTO_(부토)

• 地址：서울 용산구 한남대로27가길 32
• 營業時間：
  • 星期二至四 18:00-22:30
  • 星期五及六 18:00-23:30
• 前往方法：漢江鎭站（한강진역）3號出口行4分鐘

叫得做名人的主廚（셀럽의 셰프），咁就當然代表呢位廚師非常受明星歡迎！嚟到由佢主理嘅漢南洞現代韓國料理Dining Bar「BUTO」，大家可以食到廚師喺節目入面整嘅素食魚生（原來牛油果加紅菜頭會係吞拿魚味...！）

🥄肉類黑幫 | Guunmong_(군몽)

• 地址：서울 용산구 한남대로27가길 15 2F
• 營業時間：
  • 星期二至五 17:00-23:00
  • 星期六及日 11:30-21:00（Break Time 14:30-17:00）
• 前往方法：漢江鎭站（한강진역）3號出口行5分鐘

군몽

同樣開喺漢南洞嘅「Guunmong」由肉類黑幫（고기깡패）主理，呢位廚師曾經喺Spotted Pig同Picholine等等嘅紐約米芝蓮餐廳工作，係肉類料理專家！大家如果會去「Guunmong」食飯，記住一定要試佢喺節目都有整過嘅韓國&法國Fusion紅酒燉排骨！

🥄調味鬼才 | keebo edamame_{(키보 에다마메)}

• 地址：서울 용산구 한강대로76길 11-40
• 營業時間：
  • 星期一至五 11:30-23:00（Break Time 15:00-17:30）
  • 星期六 17:00-23:00
• 前往方法：淑大入口站（숙대입구역）6號出口行3分鐘

키보 에다마메

喺節目一開頭就被評審讚調味無得彈嘅調味鬼才（간귀），原來本身係一間中式&日式居酒屋「keebo edamame」嘅老闆，之前仲曾經喺米芝蓮2星餐廳做過嘢，實力非凡！

🥄撕漫男 | 朝光201_(조광201)

• 地址：서울 송파구 새말로8길 13 2F
• 營業時間：星期二至六 18:00-23:00
• 前往方法：長旨站（장지역）1號出口行6分鐘

조광201

撕漫男（만찢남）之所以會被稱為撕漫男，係因為佢一開頭係靠美食漫畫開始學煮嘢食，連評審都好驚訝佢點解可以只靠睇漫畫就可以煮到咁好食！佢主理嘅中菜餐廳朝光201招牌菜係東坡肉，去到會見到真係每枱都會叫！

🥄Triple Star | trid_(트리드)

• 地址：서울 강남구 선릉로162길 16 2F
• 營業時間：星期二至六 12:00-22:00（Break Time 15:00-18:00）
• 前往方法：狎鷗亭羅德奧站（압구정로데오역）3號出口行2分鐘

트리드

曾經喺米芝蓮3星餐廳Benu、Atelier Crenn同安成宰大廚嘅Mosu工作嘅Triple Star（트리플 스타）喺節目展現非凡廚藝同領導能力，而且因為係Fine Dining廚師，所以所有工序都勁細緻！大家不妨可以去佢喺清潭洞嘅米芝蓮指南推薦餐廳「trid」朝聖~

🥄小菜主廚 | MAMALEE PUB_{(마마리 펍)}

• 地址：서울 성동구 연무장18길 16
• 營業時間：
  • 星期一至四 17:00-01:00
  • 星期五及六 11:00-01:00（Break Time 15:00-17:00）
  • 星期日 12:00-22:00
• 前往方法：建大入口站（건대입구역）6號出口行12分鐘

마마리 펍

曾經喺西班牙米芝蓮餐廳工作嘅小菜主廚（반찬 셰프），而家同時營運緊一間叫MAMALEE PUB嘅Dining Bar同一間叫MAMALEE MARKET嘅韓式小菜店，兩間鋪頭喺同一棟大廈，大家如果有興趣可以一次過去試佢手勢！

🥄烤雞串之王 | Yakitori Mook_{(야키토리묵)}

• 地址：서울 마포구 성미산로 165-1
• 營業時間：17:00-23:00
• 前往方法：弘大入口站（홍대입구역）3號出口行13分鐘

MICHELIN Guide

被譽為全韓國日式烤雞串冠軍嘅烤雞串之王（야키토리왕）主理嘅Yakitori Mook喺延南洞本身就好出名，今年更加被選為米芝蓮指南推薦餐廳，睇節目嘅時候都已經流曬口水！

🥄一二三 | BORNYON_(본연)

• 地址：서울 강남구 논현로 742 7F
• 營業時間：星期二至六 17:30-23:00
• 前往方法：鶴洞站（학동역）8號出口行7分鐘

본연

一二三（원투쓰리）之所以會叫呢個名，係因為佢曾經分別喺米芝蓮1星、2星同3星餐廳做過嘢，原來佢仲係評審安成宰嘅弟子！佢間餐廳BORNYON提供包含各種碳火料理嘅Course Menu，小編都好想食吓得到評審大讚嘅煙熏鴨肉！

🥄外送員廚師 | 度量_(도량)

• 地址：서울 종로구 자하문로6길 6 2F&3F
• 營業時間：星期二至日 11:00-21:30（Break Time 14:30-17:00）
• 前往方法：景福宮站（경복궁역）3號出口行3分鐘

도량

外送員廚師（철가방 요리사）係由外賣仔身份出身，由高中一年級開始幫中餐廳送外賣，到而家自己成為一間中餐廳嘅老闆，真係唔簡單！小編覺得咁多位《黑白大廚》參賽者當中，呢位廚師嘅心態同比賽精神最好，加上佢喺第一輪淘汰賽煮嘅八寶肉丸睇落勁好食，令人印象深刻！

🥄生意天才趙老闆 | 乙支路寶石_{(을지로보석)}

• 地址：서울 중구 마른내로 11-10 3F
• 營業時間：
  • 星期一至五 17:00-22:00
  • 星期六 16:00-22:00
• 前往方法：乙支路3街站（을지로3가역）12號出口行1分鐘

生意天才趙老闆（장사천재 조사장）雖然年紀輕輕，但係就被大讚廚藝老到！佢喺乙支路開嘅Fusion韓國料理酒館最近超受歡迎，連韓國新世界百貨董事長鄭溶鎮都有專門去食，鍾意食韓國菜又鍾意小酌一杯嘅朋友們記住mark低啦！

🥄Kitchen Gangster | nawoo_{(나우 남영)}

• 地址：서울 용산구 원효로89길 23 2F
• 營業時間：
  • 星期一至三、六及日 11:30-22:00（Break Time 14:30-17:00）
  • 星期五 17:00-22:00
• 前往方法：南營站（남영역）1號出口行8分鐘

나우 남영

坦白講小編對Kitchen Gangster（키친 갱스터）呢位參賽者最冇印象XD 不過原來佢係一間Bistro&Wine Bar nawoo嘅主理人，呢度最出名食Gnocchi意式薯仔丸，仲可以配埋紅酒，氣氛夠好，啱曬同另一半/朋友一齊去！

🥄中式料理女神 | Grand Majestic Sichuan

• 地址：中環遮打道16-18號歷山大廈3樓301號舖
• 營業時間：12:00-22:30（Break Time 14:30-18:00）
• 前往方法：中環站 C 出口行2分鐘

Tatler Asia

大家冇睇錯，呢位參賽者而家的確係喺香港餐廳做緊！中式料理女神（중식여신）係其中一位白湯匙大廚呂敬來嘅弟子，之前喺師傅間餐廳做廚師，而家就去咗中環Grand Majestic Sichuan，大家唔洗去韓國都可以食到！

同場加映 —— 評審餐廳

✨安成宰 | Mosu_(모수)

• 韓國分店地址：서울 용산구 이태원로55가길 45
• 營業時間：暫停營業中
• 前往方法：漢江鎭站（한강진역）1號出口行8分鐘

安成宰（안성재）係韓國唯一一間米芝蓮3星餐廳Mosu嘅老闆兼主廚，實力受全球認可，節目上評價雖然比較辛辣，不過都得到觀眾們嘅一致好評！雖然好可惜而家呢間餐廳暫時停止營業，但係對住香港嘅大家嚟講就有個好消息，就係Mosu喺香港有分店，雖然價錢唔平，不過可以食到3星主廚設計嘅菜式都好值得！

• 香港分店地址：尖沙咀西九文化區博物館道38號M+ 3樓
• 營業時間：
  • 星期二至三 18:00 - 00:00
  • 星期四至日 12:00 - 00:00（Break Time 15:00-18:00）
• 前往方法：九龍站 B 出口行9分鐘

其他韓國必去餐廳總整理👇🏻

🐂韓國必食韓牛餐廳推薦
🍷首爾Fine Dining/浪漫景觀餐廳總整理
🦀首爾必食醬油蟹餐廳總整理
🤤首爾美食攻略
😎弘大美食總整理
😋明洞美食總整理

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面

Mail：help@creatrip.com