韓國必食韓牛餐廳推薦

Hello，大家好，我哋係由韓國人每日提供最新韓國旅行資訊嘅Creatrip。

難得去旅行當然要食盡當地美食！韓國有好多好嘢食，不過而家有好多都可以喺外國食到，但係仍然有幾樣美食真係要喺韓國食先夠抵夠新鮮夠正宗，其中一樣係韓牛！不過想食豪啲都要揀去質素最好嘅餐廳，今日就等小編推薦幾間必食韓牛餐廳俾大家啦！

🔎首爾必食醬油蟹餐廳總整理

想直接睇有邊幾間韓牛餐廳必去？
打開目錄就知！

韓國必食韓牛餐廳推薦

一片里脊_{(일편등심)}

• 明洞店地址：서울 중구 명동10길 18 3F
• 營業時間：12:00-23:00（Break Time 15:00-17:00）
• 前往方法：明洞站（명동역）8號出口行3分鐘

「一片里脊」係一間最近喺Instagram成日都會見到嘅餐廳，最出名嘅分店係弘大店，不過大家其實喺明洞都可以食到佢哋嘅低溫熟成A++等級韓牛！全程都會有職員幫手燒，確保所有客人都可以食到最嫩滑最juicy嘅韓牛，推薦大家可以先叫set，一次過試曬幾款肉，如果之後覺得唔夠嘅話再叫多份覺得好食嘅部位！

馬場谷_(마장골)

• 地址：서울 성동구 마장로31길 40 2F
• 營業時間：星期一至六 10:00-21:30
• 前往方法：馬場站（마장역）2號出口行12分鐘

講起首爾韓牛，最平最正就一定係去馬場洞畜產品市場食！超多韓國人去馬場洞都會揀嚟「馬場谷」，呢度只賣1++等級嘅韓牛，油花分佈夠靚之餘又新鮮，而且仲有生牛肉拌飯等等嘅主食，等大家可以食得滿足！

🔎「馬場谷」詳細介紹

華新畜產_{(화신축산)}

• 地址：서울 성동구 고산자로 344
• 營業時間：08:30-20:00
• 前往方法：馬場站（마장역）2號出口行13分鐘

去過馬場洞嘅朋友們應該都知道，呢度真係有超多買牛肉嘅鋪頭，而當中小編想推薦呢間「華新畜產」俾大家！大家除咗可以揀已經包裝好嘅韓牛之外，有想食嘅特別部位都可以同老闆講，老闆會即時幫你切。而且除咗有高質韓牛，「華新畜產」仲有賣五花肉同梅花肉，想一次過食牛肉同豬肉都冇問題！而家買滿₩50,000韓牛之後出示Creatrip優惠券仲會送一盒肥牛，記住唔好錯過啦！

🔎「華新畜產」詳細介紹

BORN&BRED_{(본앤브레드)}

• 地址：서울 성동구 마장로42길 1
• 營業時間：12:00-22:15（Break Time 15:00-18:00）
• 前往方法：馬場站（마장역）3號出口行3分鐘

連BLACKPINK之前都有去過嘅「BORN&BRED」被選定為2024首爾米芝蓮餐廳之一，因為位於畜產市場附近，所以所有牛肉品質都夠曬靚。呢度唔似其他餐廳係一個個Menu咁叫，而係食韓牛Omakase，由經驗豐富、獲得各大世界比賽冠軍嘅主廚發辦！

李續牛火天空_{(이속우화천공)}

• 地址：서울 강남구 논현로 857 6F
• 營業時間：17:30-21:00（Break Time 19:00-19:30）
• 前往方法：狎鷗亭站（압구정역）4號出口行1分鐘

而提起韓牛Omakase，就一定唔可以唔提「李續牛火」！呢間餐廳喺漢南洞都有分店，不過「李續牛火天空」交通會比較方便，比較適合遊客嚟。呢度最出名嘅係會用一個LV盒裝住大家要食嘅韓牛，等大家可以影相打卡，夠曬豪華！當然餐點味道方面更加係一流，仲可以額外加海膽同魚子，真係超奢侈！

華春屋_(화춘옥)

• 清潭店地址：서울 강남구 도산대로50길 15
• 營業時間：
  • 星期一至五 00:00-24:00（Break Time 08:00-10:30）
  • 星期六及日 11:30-22:00
• 前往方法：狎鷗亭羅德奧站（압구정로데오역）5號出口行11分鐘

「華春屋」由1945年營業至今，獨家配方已經傳承三代，係韓國歷史最悠久嘅烤排骨專門店，而且更加入選韓國美食指南Blue Ribbon，連韓國人都會專程嚟食！所有牛肉都經過古法熟成，加上獨家海鹽調味，令客人可以食到牛肉最天然風味！

🔎「華春屋」詳細介紹

Bo Reum Sae_(보름쇠)

• 地址：서울 강남구 테헤란로81길 36
• 營業時間：11:30 - 22:00（Break Time 15:00 - 17:00）
• 前往方法：三成站（삼성역）5號出口行11分鐘

「Bo Reum Sae」連續7年被選定為米芝蓮餐廳，今年亦都唔例外！佢哋嚴選韓牛中最高等級嘅濟州黑牛，新鮮得嚟夠juicy。呢間韓牛專門店亦都會有職員會直接幫客人燒，包保大家可以食到最嫩最juicy嘅韓牛！

🔎「Bo Reum Sae」詳細介紹

Woo Tender_(우텐더)

• 地址：서울 강남구 압구정로42길 25-10
• 營業時間：11:30 - 22:30（Break Time 15:00 - 17:00）
• 前往方法：狎鷗亭羅德奧站（압구정로데오역）6號出口行11分鐘

位於狎鷗亭嘅「Woo Tender」上過唔少韓國電視節目，有好多外國游客每次嚟韓國旅行都會專登嚟呢度食返餐豪華韓牛！呢度除咗燒韓牛，私心推薦大家食埋招牌吉列韓牛三文治，超juicy韓牛配上惹味醬汁真係會令人想encore幾份！

Namsan Sirloin_{(남산등심)}

• 地址：서울 중구 퇴계로18길 26
• 營業時間：11:20 - 22:00（Break Time 14:30 - 16:30）
• 前往方法：明洞站（명동역）3號出口行4分鐘

「Namsan Sirloin」嘅主廚有超過20年資歷，更加去過世界各地交流，為客人提供最高級同獨特嘅韓牛料理！呢度嘅牛肉全部都係每日親手處理嘅熟成韓牛，每款餐點都係自家製，夠曬高質，連SEVENTEEN珉奎都有嚟過食飯！BTW而家用埋明洞美食優惠券仲會送韓式蒸蛋，唔好錯過啦！

🔎「Namsan Sirloin」詳細介紹

南營洞兩門_{(남영동양문)}

• 地址：서울 서초구 신반포로 189 4동 B1F
• 營業時間：11:00 - 23:00
• 前往方法：高速巴士客運站（고속터미널역）3號出口行4分鐘

好多人都問小編高速巴士地下街有冇好嘢食，呢間上過唔少韓國美食節目嘅「南營洞兩門」喺地下街附近就有分店，大家可以用實惠價錢食到高質牛肋排燒肉，而且味道有保證！「南營洞兩門」最出名嘅係牛油燒肉，比起普通燒肉味道更加香濃！

長水天空韓牛_{(장수하늘소)}

• 地址：서울 종로구 인사동길 34-1
• 營業時間：11:30 - 21:30（Break Time 15:00 - 16:00）
• 前往方法：安國站（안국역）6號出口行6分鐘

餐廳名叫得做「長水天空韓牛」，就代表呢度所有牛肉都係由長水直送到首爾嘅韓牛！長水韓牛喺海拔500米以上高冷山區養殖而成，出名肉質靚又夠juicy！大家喺度可以用市面上最抵價錢食到被稱為韓牛界Hermes嘅1++ No.9韓牛！

🔎「長水天空韓牛」詳細介紹

Heuk So Rang_(흑소랑)

• 地址：제주 제주시 연북로 631
• 營業時間：11:00 - 22:00（Break Time 15:00 - 17:00）

如果今次大家會去濟州玩，想食韓牛嘅話推薦大家去「Heuk So Rang」。呢度由頭先都有介紹過嘅「Bo Reum Sae」經營，用獨家乾式熟成技術烹煮高質韓牛，仲可以直接喺濟州食到最高等級嘅濟州黑牛！

以上就係小編幫大家整理嘅韓國必食韓牛餐廳，雖然韓牛的確比較貴，不過相信大家食完都會覺得值得！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

Mail：help@creatrip.com