Hello，大家好，我哋係由韓國人每日提供最新韓國旅行資訊嘅Creatrip。
好多人都會專程嚟韓國做facial同其他美容療程，今日小編就打算介紹一間會為客人提供客製造化服務嘅美容中心俾大家！
撳我睇價錢&預約詳情👇🏻
江南「XENIA CLINIC」資訊
- 地址：서울 서초구 강남대로69길 8 5F
- 營業時間：星期一至五 10:30-21:00、星期六 10:00-17:00
江南「XENIA CLINIC」療程簡介
Potenza
| 簡介 | 利用微針針頭將高頻熱能傳達至皮膚真皮層，活化皮膚細胞、促進膠原蛋白再生、改善肌膚紋理 |
| 推薦對象 | 需要全方位護膚嘅你 希望改善暗瘡、暗瘡印、毛孔問題嘅你 想改善肌膚彈性嘅你 想皮膚變得更光滑透亮嘅你 |
| 注意事項 | 1. 療程後3-7日請避免飲酒、去汗蒸幕/SPA、浸浴同進行高強度運動 2. 療程後短時間內可能會出現紅腫或者覺得刺痛 3. 療程後可能會結痂，請等佢自然脫落 4. 療程後皮膚可能會變乾，請定時搽保濕，外出時亦必須搽防曬 5. 療程當日可以洗臉化妝，不過請避免使用磨砂同其他去角質產品 |
宇宙版海芙音波MP Mode 300發
| 簡介 | 提供2款模式、7款針頭，達至明顯拉提效果，配合專用精華更加可以令皮膚更緊緻水嫩 |
| 推薦對象 | 想皮膚更加有彈性嘅你 面對肌膚下垂問題嘅你 希望令臉部輪廓更緊緻嘅你 想做拉提療程但又唔想影響日常生活嘅你 |
| 注意事項 | 1. 療程當日可以洗臉化妝，不過請避免使用磨砂同其他去角質產品 2. 療程後3-7日請避免飲酒、去汗蒸幕/SPA、浸浴同進行高強度運動 3. 療程後可能會療程部位可能會紅腫或瘀青，如出現上述情況，請避免用熱水洗臉同沖涼 |
Picosure皮秒激光
| 簡介 | 短時間內發射高強度激光破壞黑色素分子，減少肌膚損傷及其他副作用 |
| 推薦對象 | 唔滿意其他去斑療程效果嘅你 想皮膚更加透亮白滑嘅你 想改善色素沉澱問題嘅你 |
| 注意事項 | 1. 療程後3-7日請避免飲酒、去汗蒸幕/SPA、浸浴同進行高強度運動 2. 療程後短時間內可能會出現紅腫或者覺得刺痛 3. 療程後可能會結痂，請等佢自然脫落 4. 療程後皮膚可能會變乾，請定時搽保濕，外出時亦必須搽防曬 5. 療程當日可以洗臉化妝，不過請避免使用磨砂同其他去角質產品 6. 請避免使用含有A醇同維他命C成分嘅護膚品 |
Aqua Peel
| 簡介 | 運用AHA、BHA等成分清潔毛孔、去除角質及多餘油脂，深層清潔肌膚 |
| 推薦對象 | 因為油脂分泌過多而受暗瘡問題困擾嘅你 希望解決黑頭問題嘅你 搵緊低刺激去角質療程嘅你 |
| 注意事項 | 1. 療程當日可以洗臉化妝 2. 控制油脂分泌量後皮膚可能會覺得乾，請搽充分護膚品進行保濕 3. 可能會暫時出現紅腫 4. 療程後3-7日請避免飲酒、去汗蒸幕/SPA、浸浴 |
LHALAFILL
| 簡介 | 全新低刺激pH5.5去角質療程，促進蛋白質生成、加強肌膚屏障、全面改善膚質 |
| 推薦對象 | 因為做咗其他療程皮膚變得敏感嘅你 唔想做物理性去角質療程嘅你 希望維持肌膚水油平衡嘅你 因為其他去角質療程有副作用而唔夠膽做嘅你 |
| 注意事項 | 1. 療程當日可以洗臉化妝 2. 控制油脂分泌量後皮膚可能會覺得乾，請搽充分護膚品進行保濕 3. 可能會暫時出現紅腫 4. 療程後3-7日請避免飲酒、去汗蒸幕/SPA、浸浴 |
江南「XENIA CLINIC」介紹
今日小編嚟到位於江南站10號出口附近嘅「XENIA CLINIC」，呢度嘅美容療程出名價錢實惠，但係效果夠正！
一去到就會見到櫃檯隔離有唔少喼，「XENIA CLINIC」有為外國遊客提供行李保管服務，大家可以安心將行李放低喺度然後去做療程。
向櫃檯職員出示預約記錄之後，職員會俾支水你，大家仲可以去整咖啡飲，然後就可以搵個位坐低等叫名。
因為「XENIA CLINIC」有識講中文、英文、日文同泰文嘅職員在場，所以大家唔需要擔心溝通唔到！另外每個客人都會入獨立房進行諮詢同療程，私隱度夠高。
只要同專家講平時自己有咩肌膚煩惱，專家就會推薦幾款療程俾大家，而小編今日就決定會做InMode同宇宙版海芙音波療程。
諮詢完之後就可以去儲物櫃放低個人物品，然後再去梳妝室卸妝。呢度有提供各種卸妝同頭髮用品，唔洗自己帶都得！
跟住就會正式入獨立療程室做treatment，小編首先會做InMode FX進行肌膚拉提，成個療程都係由院長主理，令小編更加放心。
因為呢部機器會同時用熱力加強效果，所以大家可能會覺得有少少辣，而且做完之後塊臉會有少少紅（有啲人甚至會出現瘀青），不過都係短時間嘅現象，好快就會退。
之後就到做宇宙版海芙音波MP Mode，因為小編唔係好滿意自己有雙下巴同臉部下垂問題，所以院長就重點幫小編進行下巴同臉部拉提。
雖然唔可以話完全冇感覺，始終都會覺得有少少痛，不過真係幾期待做完之後嘅效果！
做完之後職員會幫大家清潔好皮膚同搽保濕Cream，如果有需要仲可以幫大家搽埋防曬。
而小編朋友今次就會做LHALAFILL去角質療程，小編朋友本身皮膚比較敏感，所以好少做去角質療程，不過LHALAFILL比較溫和，就算係敏感肌膚或者皮膚比較薄都可以做！
平時做去角質療程都會覺得好乾，不過LHALAFILL最神奇嘅係有埋保濕效果，所以做完之後皮膚睇落會更加白滑之餘仲有飲飽水嘅感覺。
最後敷埋軟膜就大功告成啦！
今次成個體驗小編同朋友都覺得好滿意，如果大家都想用比較實惠嘅價錢體驗韓國美容療程，推薦大家嚟江南「XENIA CLINIC」！
江南「XENIA CLINIC」網上客戶服務
英文 | 日文 | 泰文 |
https://lin.ee/y3KLaZR (LINE)  | ||
江南「XENIA CLINIC」前往方法
江南站（강남역）10號出口出。
直行。
過馬路，然後直行。
見到上圖呢棟建築之後行入去。
上4樓。
咁就去到「XENIA CLINIC」啦！
撳我預約👇🏻
以上係江南美容「XENIA CLINIC」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
