明洞美食 | 天下第一鐵鍋蓋烤肉
用鐵煲蓋燒肉你又試過未？仲有超多款蔬菜同配菜可以mix&match！
Hello，大家好，我哋係由韓國人每日提供最新韓國旅行資訊嘅Creatrip。
韓國燒肉最吸引人嘅地方相信一定係可以即燒即食，有時候仲會有專人服務，保證你可以食到最juicy最高質嘅肉！再用生菜包住肉，加埋側邊嘅小菜，真係冇得彈~ 而明洞嘅「天下第一鐵鍋蓋烤肉」更加係用傳統韓國鐵煲蓋燒，勁有特色！
明洞「天下第一鐵鍋蓋烤肉」資訊
- 地址：서울 중구 명동3길 21 3F
- 營業時間：11:00 - 22:00
- 可預約時間：11:00 - 21:00
明洞「天下第一鐵鍋蓋烤肉」推薦理由
- 用燒肉嘅油燒埋各種配菜，香口得嚟夠清新。
- 除咗肉之外，仲有好多韓國傳統料理可以叫埋嚟一齊食！
- 預約之後去嘅話可以一去到就開餐！
- 超近乙支路入口站，食完仲可以去明洞行街！
明洞「天下第一鐵鍋蓋烤肉」價錢
| Menu | 價錢 | 簡介 |
| 天下第一特別套餐 （500g） | ₩39,000 | 傳統韓式五花肉 + 豬排骨肉 + 豬皮 + 豆腐（半塊）+ 蔬菜（水芹菜）+ 大醬湯 |
| 傳統韓式五花肉 （一人份 160g） | ₩11,000 | 灑上綠茶粉嘅傳統五花肉 |
| 薄切肥牛 （一人份 160g） | ₩15,000 | 用特製醬料醃製而成嘅肥牛 |
※傳統韓式五花肉、薄切肥牛最少要叫2人份
明洞「天下第一鐵鍋蓋烤肉」退款政策
| 預約後至體驗3日前取消 | 全額退款 |
| 體驗2日前或其後取消 | 不設退款 |
明洞「天下第一鐵鍋蓋烤肉」注意事項
- 請最少喺2日前完成預約。
- 「傳統韓式五花肉」同「薄切肥牛」都需要根據人頭數點餐。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果想更改預約或有任何疑問，請send email到help@creatrip.com查詢。
明洞「天下第一鐵鍋蓋烤肉」預約流程
| STEP 1. | 撳我預約 |
| STEP 2. | 請輸入所有相關資訊。 |
| STEP 3. | 我哋會喺2個工作天內確認預約。 你只可以喺體驗3日前更改或取消預約。 |
| STEP 4. | 請務必準時到達， 到達之後向職員出示預約資訊。 |
| STEP 5. | 享用美食！ |
明洞「天下第一鐵鍋蓋烤肉」介紹
今日小編帶大家嚟到位於明洞嘅「天下第一鐵鍋蓋烤肉」！顧名思義，呢度最特別嘅就係會用韓國傳統鐵煲蓋嚟燒肉，亦都比其他普通燒肉舖提供更加多款蔬菜，等大家可以一齊燒嚟食~ 小編當日大概下晝3點去到，咁啱冇咩客人。
呢度係放小菜嘅地方，非常乾淨企理~ 大家食食吓想添小菜嘅話可以同職員講，佢哋會即刻幫你攞！
食燒肉點可以少得一杯燒酒！隔離個雪櫃除咗有燒酒，仲有其他款任君選擇。
小編最後揀咗坐窗邊，等緊啲肉熟嘅時候可以望吓窗外風景。
韓國大部分燒肉鋪嘅櫈下面都可以放隨身物品，咁就唔洗怕會索曬味啦！如果有需要嘅話，呢度亦都有提供大袋俾客人放好個人物品~
坐低冇耐職員就攞咗個大鐵煲蓋嚟，實物比起張相大好多！
每張檯上面都會有碟仔同調味料，當然唔少得燒肉嘅靈魂伴侶——鹽同包飯醬啦！
只要叫一份肉就會有以上咁多款小菜。
小編叫咗「天下第一特別套餐」，本來應該係送大醬湯嘅，不過當日老闆就送咗嫩豆腐湯，都一樣咁好味！
呢個set包括傳統韓式五花肉、豬排骨肉同豬皮，上面綠色嘅係綠茶粉，可以幫助解膩。
首先喺加熱好嘅煲蓋上面搽一層豬油。
然後放豬肉、泡菜、水芹菜同芽菜上去燒。
記住唔好燒燶啊！燒到咁上下就可以將肉同配菜剪成方便入口嘅大細。
「天下第一特別套餐」入面包嘅豆腐都好好食，同燒肉好match。
唔知道大家食燒肉鍾意點食呢？小編就最鍾意同燒泡菜一齊食啦！呢度嘅泡菜全部都係老闆自己醃嘅，可能係因為咁所以特別好味！
老闆亦都有推薦小編配埋蕨菜一齊食，口感一流~ 明洞「天下第一鐵鍋蓋烤肉」嘅優點係會提供好多款蔬菜同配菜，大家可以輪流試吓唔同配搭，搵出你最鍾意嘅食法！
明洞「天下第一鐵鍋蓋烤肉」前往方法
喺乙支路入口站（을지로입구역）5號出口行出嚟。
直行。
喺第一個路口轉右。
直行。
經過兩個十字路口之後，你會見到右邊有「天下第一鐵鍋蓋烤肉」嘅招牌。
上3樓就到啦！
以上係明洞「天下第一鐵鍋蓋烤肉」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：support@creatrip.com
