汝矣島漢江公園總整理
原來漢江公園有咁多活動可以體驗？下次去唔再只係食雞啤同踩單車！
Hello，大家好，我哋係韓國人話你知每日最新韓國旅行資訊嘅Creatrip。
漢江沿線有好幾個出名公園，當中最為熟知一定係汝矣島漢江公園，呢度深受韓國人喜愛，唔少遊客都會去打卡，今日小編就逐一講解喺呢度有咩做啦！
「汝矣島漢江公園」簡介
- 地址：서울 영등포구 여의동로 330
漢江公園位於政治金融中心汝矣島，地鐵站落車之行過去超近，唔單止韓國人，唔少外國人去韓國都會嚟呢度到此一遊。
嚟呢度可以喺市中心享受自然風光，同時喺度野餐同踩單車。
汝矣島漢江公園施設
1. 漢江公園綜合廣場
- 位置：汝矣渡口站2號站出口前廣場
由汝矣島地鐵站2號出口出嚟之後，就會見到有好多小食攤檔，甚至仲有帳篷出租鋪頭。
小編買咗佢哋嘅薯仔同雞肉串，價錢大約係₩4,000至5,000， 因為太多嘢揀，令人有種好似去咗慶典咁。
2. 拎外賣地方
去漢江又點可以唔叫炸雞外賣？只要喺地鐵站出嚟，應該都會收過唔少外賣傳單紙。
通常外賣都可以用app，或者打過去叫，汝矣島漢江公園總共有三個外賣領取點，落單之前一定要確認清楚邊一個最近自己。
外賣區1
- 位置：矣島中學巴士站（19-142）綠蔭樹廣場前
外賣區2
- 位置：汝矣島站2號出口行大約3分鐘
呢個係最多人等嘅區，喺CU漢江第2停車場附近。
外賣區3
- 位置：汝矣島公園巴士站（19-138）對面入口附近，水之光廣場前
3. 便利店
漢江公園裡面有好多間便利店，總有一間喺你在近。
CU漢江汝矣島2號店
- 位置：汝矣渡口站2號出口行大約3分鐘
漢江嘅便利店同平時去開嘅唔同，嚟呢度一定要煮返個拉麵食！2樓仲有BHC炸雞，如果唔知點叫外賣喺呢度落單都一樣！
Ministop
- 位置：汝矣渡口站2號出口行大約6分鐘
喺靠近「I SEOUL U」打卡位右面有一間Ministop，裡面都有賣有各式各樣拉麵可以揀。
入口仲有得租尿袋（叉電器），大家可以用Kakao Pay或者韓國信用卡俾錢。
4. 洗手間
基本上喺場內行10分鐘左右就會見到一個公共廁所，雖然呢度人多，但裡面都keep得好乾淨，唔會好污糟！
5. 垃圾桶
公園入面有好多咁大嘅垃圾桶，橙色係揼一般垃圾，藍色係揼可以回收。
汝矣島漢江公園體驗活動
1. 野餐
天氣好嘅時候唔少人都會嚟呢度野餐。
大家可以喺度借野餐墊加濕紙巾係₩2,000，野餐墊、枱、濕紙巾組合都只係₩5,000。另外有啲鋪頭仲會有毛毯（₩3000）同尿袋（₩3300）借，價錢都唔算好貴。
2. 食炸雞
嚟野餐最多人叫嘅一定係炸雞！呢度好多間舖頭等住大家可以嗌。
小編叫咗BBQ半半炸雞，有原味同調味，加一支可樂都只係₩26,000， 唔知係唔係因為呢度嘅氣氛，食落比平時食到嘅更好味！
3. 租帳篷
除咗普通野餐墊，大家仲可以租帳篷，帳篷+座位+濕紙巾費用大約係₩10,000。
不過大家要留意開帳篷係有指定位，如果違反借被罰100萬。
- 可以搭建區域：季節廣場、夏令營地圖橙色部分
- 時間：4至10月 09:00 - 19:00
- 規定：唔可以超過2*2米，需要至少打開兩面
4. 租單車
同朋友一齊踩住單車遊漢江都係一個唔錯嘅體驗！
汝矣島公園有好多租單車嘅地邊，好似係「I SEOUL U」打卡點、靠近拎外賣嘅地方等。
1小時 | 2小時 | |
1人用 | ₩3,000 | ₩5,000 |
小童用 | ₩3,000 | ₩5,000 |
親子用 | ₩5,000 | ₩9,000 |
2人用 | ₩6,000 | ₩10,000 |
MTB高級型 | ₩5,000 | ₩9,000 |
如果超時將會收取額外費用（15分鐘₩500至₩1,000不等），而且租嘅時候需要用身份證、信用卡、手機等做抵押。
如果覺得要留低證件好唔放心，可以去汝矣島中學巴士站（19-142）借首爾單車，相對價錢又平又好用！
5. 水上觀光的士
大家坐住佢可以喺船上望到首爾另一面，佢會途經蠶室、盤浦、汝矣渡口同望遠地方，目前只有喺返工同返工時段先會坐到，之後先會多返班次。
- 上船位置：汝矣渡口站2號出口行大約7分鐘，「I SEOUL U」打卡位最右邊
- 營業時間：8:30 - 21:30
- 價格：₩25,000/人
6. 坐漢江遊覧船
想喺特別日子同另一半有返個難忘回憶，不如就坐漢江遊覧船啦！由晏晝開始到夜晚都有，每日航班時間都係固定，去之前最好check清潔。
- 位置：서울 영등포구 여의동로 280
- 營業時間：星期二至日12:00 - 21:50、逢星期一休息
- 透過我哋預約可以有會員優惠（撳我）：
| 13歲以上 | 3至12歲 | |
月光音樂遊覽船 （19:30 - 20:40） | ₩26,300 | ₩18,400 |
星光遊覽船 （21:00 - 21:50） | ₩22,800 | ₩15,700 |
Sunset遊覽船 （4至10月：18:00 - 18:40）（11至3月：17:00 - 17:40） | ₩19,300 | ₩13,100 |
- 透過我哋預約，收到票後90日內自由入場（撳我）。
| 13歲以上 | 3至12歲 | |
| 漢江行程遊覽船 | ₩15,210 | ₩10,710 |
7. 坐鴨仔船
汝矣島漢江公園有好多水上活動可以體驗，由普通鴨仔船到水上滑板都有，有興趣嘅朋友，之後都可以去玩吓！
- 位置：서울 영등포구 여의동로 252
- 營業時間：10:00 - 22:30（冬季或惡劣天氣可能會暫停運行）
- 價格：30分鐘鴨仔船₩20,000；10分鐘滑水₩25,000；15分鐘水上滑板₩25,000（價格以官網為主）
8. 汝矣島漢江公園游泳池
漢江沿岸有7個游泳池 ，價錢仲要唔貴，只要一到夏天就超多人去玩！
- 位置：서울 영등포구 여의도동 82-3
- 期間：毎年6至8月
- 營業時間：9:00 - 19:00
- 價格：19歲以上₩5,000、13至18歲₩4,000、6至12歲₩3,000、5歲以下免費
- 官網：撳我了解更多
汝矣島漢江公園慶典
1. 永登浦汝矣島櫻花節
每年4月頭，永登浦就會舉行汝矣島櫻花節，汝矣島公園兩邊道路都會開滿櫻花樹，到咗春天就會吸引唔少人嚟打卡。
- 位置：首爾市永登浦區汝矣西路一帶
- 官網：撳我了解更多
2. 夜貓子夜市
夜貓子夜市係每年4月至10月期間，每個週末都會喺首爾各地舉行，到時會有唔少小食攤檔、精品店、表演等。
2022年季夜市改名為「漢江月光夜市（한강 달빛 야시장）」 重新出發！
3. 首爾世界煙火節
每年9月至10月，首爾都會舉行大型煙花大會，喺度可以欣賞漢江夜景同時，仲會有10萬發煙花，深受韓國人喜愛！
汝矣島漢江公園附近景點推介
1. 63大樓（海洋世界水族館）
63大樓可以話係首爾地標之一，呢度每日都會有美人魚表演，之前韓劇《藍海傳說》都有嚟取景，唔知大家又有冇印象呢？
- 地址：서울 영등포구 63로 50
- 營業時間：10:00 - 19:30
- 撳我了解更多詳情
2. THE HYUNDAI 首爾（더현대 서울）
THE HYUNDAI 首爾距離汝矣渡口站1號出口只係5分鐘，呢度超多嘢行，而且仲有而家韓國最流行店鋪同快閃店，想shopping又得，影靚相打卡又得！
- 地址：서울 영등포구 여의대로 108
- 營業時間：星期一至四 10:30 - 20:00 、星期五至日 10:30 - 20:30、6樓美食廣場10:30 - 22:00
- 撳我了解更多詳情
要點先去到汝矣島漢江公園？
搭地鐵5號線去到汝矣渡口站，喺2號出口出嚟就會見到一啲攤檔。
喺右邊攤位轉右，就會見到汝矣島漢江公園正門。
不過呢度其實都好大，仲有好多位都可以入到去。
唔知大家睇完，又有冇對汝矣島漢江公園了解多咗呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
