盤浦大橋總整理
成日見到有人影嘅月光彩虹噴泉到底喺邊度？每日幾時先會出現？小編整理好哂話俾你知！
Hello，大家好，我哋係由韓國人每日提供最新韓國旅行資訊嘅Creatrip。
漢江貫穿首爾市中心，有30幾條橋樑，沿著江邊有幾個出名公園，當中盤浦漢江公園絕對係其中之一，好多人都會由黃昏留到夜晚睇埋彩虹噴泉，今日就等小編同大家介紹佢點解咁出名啦！
「盤浦漢江公園」簡介
- 地址：서울 서초구 신반포대로 11길 40
- 小Tips：首爾地鐵3、7、9號線高速巴士站行大約20分鐘
盤浦大橋係喺1982年完工，係連接瑞草區同龍山區橋樑，同時係韓國第一座雙層橋，唔少人亦會叫佢做潛水橋，原因係當漢江受到大雨而水位上升時，同公園相連下端橋樑會沉入河中而改。
同其他漢江公園一樣，好多人都會嚟呢度散步、野餐、踩單車同玩水上活動等，但當中最特別同受歡迎，一定係彩虹噴泉！ 只要一到夜晚19:30就會開始噴泉表演，係首爾出名睇夜景地方之一，只要係嚟旅行，應該至少會睇過一次。
盤浦漢江公園附近景點
1. 三光島（세빛섬）
- 位置：盤浦大橋左邊三座相連建築
- 營業時間：每日鋪頭都會唔一樣，詳情可以撳我了解更多
三光島位於盤浦大橋隔離嘅人工島，喺2014年開放，總共分咗三個島嶼，裡面設有餐廳、Cafe、表演廳同文化體驗設施。只要一到夜晚就會亮燈，同日頭完全唔同景色，好靚好特別。
由於三島相連，大家可以一邊眺望漢江，一邊散步。
呢度嘅燈光顏色成日都會變，另外仲設有打卡區，聖誕節嘅時候仲會擺滿裝飾，每一次去都會感受到唔同氣氛。
一樓仲有Cafe，大家會唔會都想喺度嘆返杯咖啡呢？
2. 瑞來渡口（서래나루）
- 位置：設近新盤浦站
- 營業時間：每一間鋪頭都唔一樣
由新盤浦站一出嚟去盤浦公園，首先出現嘅浮動設施就係瑞來渡口。
三層建築入面設有便利店、露台、餐廳同聚會場所等。
尤其係便利店前面有露台，大家都可以喺度買小食同飲品坐喺度休息，喺漢江上度過休閒時光，邊睇日落邊睇人玩水上活動。
3. 月光廣場（달빛광장）
- 位置：盤浦大橋右邊
呢個廣場最吸引力人嘅點係朝早可以望到漢江對岸嘅南山塔，日落時可以睇到彩虹噴泉，甚至呢度有樓梯級俾大家坐底欣賞噴泉美景。
4. 便利店
去漢江好多時都一定會叫外賣，不過唔識韓文亦都冇手機嘅朋友都唔需要太擔心，因為公園附近有好幾間便利店，其中GS大樓仲有賣BHC炸雞。
GS25 1號店
- 位置：盤浦大橋右邊、靠近高速公路終點站
GS25 2號店
- 位置：盤浦大橋左邊、新盤浦站附近
MINISTOP
- 位置：喺瑞來渡口入面、新盤浦站附近
裡面有賣唔少野餐用品，價錢大約係₩6,000~₩12,000左右，有需要嘅朋友可以喺度買。
5. 洗手間
便利店附近就係洗手間，相當方便。
盤浦漢江公園體驗活動
1. 月光彩虹噴泉（달빛무지개분수）
- 位置：盤浦大橋
彩虹噴泉總長1,140米，喺2008年被註冊為世界上最長噴泉橋，唔單止好多首爾市民都會嚟，就連外國遊客嚟到韓國都一定會參觀。
| 早 | 晚 | |
| 4月至6月、9月至10月 | 12:00 | 19:30 / 20:00 / 20:30 / 21:00 |
| 7月至8月 | 12:00 | 19:30 / 20:00 / 20:30 / 21:00 / 21:30 |
*因強風或其他天氣條件影響，可能會取消。
*噴泉表演時間每場20分鐘，10分鐘休息。
呢度會不斷變色，而且一直望住20分鐘眨吓眼就會過。
2. 水上浮艇Tubester（튜브스터）
- 位置：三光島入口
呢項水上活動喺SNS超熱門，加上好多電影節目都有嚟取景，有興趣嘅朋友都可以玩。
一架浮艇最多可以容納6人，營業時間每年季節都會唔一樣，大家去之前可能要再留意吓。
今次小編同朋友兩個決定玩30分鐘，唔需要預約，喺入口先著好救生衣，同職員講人數同時間，俾完錢就可以玩。
圖中黑色係方向盤，方形圈係油門，轉到去對角線就會郁。
之後用手柄調整方向，不過有啲神奇嘅係手向右轉船會向左，手向左轉就船會向右！
不過大家都唔需要擔心，職員一開始會好細心同大家講解要點做。
如果大家租得耐，小編會推薦可以去附近便利店買啲小食嚟。
3. 租帳篷
- 位置：盤浦大橋左右兩邊
- 營業時間：4月至5月、9月至10月 9:00 - 19:00、6月至8月9:00 - 20:00
漢江公園附近會見到好多間帳篷出租店，所以大家如果冇準備都唔使怕，呢度好多朋友、情侶會租一套，包哂帳篷、野餐墊、枱等，費用大約係₩20,000。
盤浦漢江公園附近體驗活動
1. 漢江遊艇體驗
如果想嚟韓國體驗另類活動，可以試吓坐漢江遊艇體驗，相當浪漫。
2. 高速巴士地下街 GOTO MALL
高速巴士地下街係韓國首爾最大地下購物中心，呢度好多間鋪頭，款式多，最重要係價錢超平！
要點樣看去到盤浦漢江公園？
搭地鐵去高速巴士站8-1號出口，出嚟之後直行。
去到GOTO MALL地下街交叉口時轉右。
一直直行。
馬路中間有一條行人道，穿過繼續直行。
穿過隧道就會見到公園。
由9號線新盤浦站去嘅方法
1號出口直行之後，喺第一個彎轉右。
之後一直直行。
之後會見到一個地下隧道同指引跟住行。
出到嚟之後過馬路。
之後就會見到公園啦！
以上就係盤浦大橋嘅介紹，如果想知道更多其他旅遊景點都可以話俾我哋知㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
