晨靜樹木園總整理

Hello，大家好，我哋係由韓國人每日提供最新韓國旅行資訊嘅Creatrip。

晨靜樹木園係加平區最靚嘅旅遊景點之一，呢度有一個超過30萬平方米嘅花園，一年四季都有唔同美景，可以感受到韓國自然風光，加上同南怡島都近，唔少人都會將呢兩個地方擺埋一齊去一日遊。

加平「晨靜樹木園」簡介

• 地址：경기 가평군 상면 수목원로 432
• 營業時間：春季～秋季：08:30 - 19:00（最後入場時間18:00）、冬季（燈節12月初~出年3月中）星期日至五 11:00 - 21:00、星期六 11:00 - 23:00
• 營業時間可能會因日落時間而有變，詳情請參考官網

入場券票價：

• 成人：￦11,000
• 青少年（中學生）：￦8,500
• 小童（3歲至小學生）：￦7,500
• 如果同動物園門票一齊買，可獲₩2,000優惠。

• 所需時間：預計需1.5 - 2小時
• 注意事項：場內禁止吸煙或飲酒、唔好破壞花/草、唔可以入禁區、退場之後唔可以再入場、如果落雨/雪恕唔會退款、唔可以帶寵物、外來食物、單車或運動器材入場

加平「晨靜樹木園」介紹

晨靜木花園係南怡島附近，好多人都會將呢兩個行程擺埋一齊，如果之後都想遠離都市，搵個地方Healing吓，嚟呢到就唔會有錯啦！

晨靜木花園大約30萬平方米，當中有27個區域，呢度有5,000多種植物，其中300種嚟自白頭山，而家就等小編同大家一齊睇吓呢度有咩魅力啦！

雖然小編係平日晏晝去到，不過相對都幾多人，入去之前可以見到呢個牌，之前韓劇《雲畫的月光》、《衣袖紅鑲邊》、《戀慕》等都有嚟過取過景。

左邊入口區會見到有地方可以租Locker，呢度可以擺行李，細櫃￦1,500、大櫃￦2,000，只可以用￦500，如果冇硬幣可以去售票處換。

Locker隔離係自動售票機，機器可以揀韓文、中文、英文同日文，直接喺度碌卡就可以。

如果唔熟悉用自動售票機，可以直接喺度買飛。

如果入到去怕蕩失路，可以喺櫃檯拎份地圖，有韓文、英文、中文、日文可以揀。

1. 雲橋

由入口行冇耐就會見到呢一條吊橋，只要經過就有唔少人喺度打卡。

行嘅時候大家會feel到有啲郁吓郁吓嘅感覺，不過唔需要太擔心，俾啲信心行過去就得啦！

2. 千年香

Gyeonggido News

呢度有一大棵擁有1000年歷史嘅杜松樹，代表住晨靜樹木園。

只要過咗雲橋向左行，就會搵到呢棵樹。

3. 下景庭園

只要一到春、夏、秋三季，周圍就會開滿鮮豔嘅花，由菊花、三色堇到鬱金香…每一個角落都好靚。

呢度最特別係設有展望台，可以喺上面俯瞰成個花園，好多人都會喺度打卡。

4. J的小木屋庭園

呢度係晨靜樹木園中一個特別英式花園，入到去會覺得呢度寧靜得嚟又浪漫。

屋本身係以英格蘭小鎮科茨沃爾德風格去建設，周圍開滿五顏六色鬱金香，聽講6月至9月嚟，啲花係開得最靚。

行嘅時候好似去到一個夢幻漫畫世界咁，推薦大家一定要喺度影返幾輯相！

5. 曙華淵

呢個區域擁有傳統韓屋建築風格，呢度有一條人工溪流，喺度聽到水聲，超舒服。

雖然呢度有啲小石板好似去到小茅屋咁，但大家係唔可以行過去㗎！

沿住湖邊行，會見到5張唔同選色嘅櫈喺度，呢度一樣都係唔錯嘅打卡位！

6. 月光庭院

小編當時係春天去到，開滿鬱金香，想影靚相絕對唔可以錯過呢度！

7. 天路

呢度之所以會叫天路，係因為道路中兩邊開滿鬱金香、罌粟、蘇鐵同菊。

入口仲擺咗一塊鏡喺度，鏡反射天空同後面山脈，望落超靚，超推薦大家喺度打卡。

8. 清晨廣場

呢度有一個好大嘅草坪，相對嚟講呢度冇咩特別，不過夠大嚟放鬆一吓都唔錯。

相反，清晨廣場隔離嘅溪流庭院彩嘅景仲靚啲。

9. 山水景溫室

去溫室之前，會經過一個玫瑰園，呢度唔單止多玫瑰，同時仲有好多杜鵑花。

溫室入面種滿好多唔同類型植物，中間仲有一個可愛小瀑布。

10. 晨靜畫廊

入口右邊係晨靜花園畫廊，呢度展示好多關於呢個花園嘅相。

呢個區大家唔可以帶食物或飲品入場，影相唔可以用閃光燈，同時千祈唔好掂到啲相。

春天、夏天同秋天會見到充滿生機嘅鮮花同樹木，但只要一到冬天，夜晚就會亮燈，完全係另一個feel。

燈節通常會喺12月初至出年3月中舉行。

晨靜樹木園美食

因為晨靜樹木園唔允許帶外來食物，所以如果突然肚餓，一定要喺場內餐廳或Cafe食。

*營業時間可能會有所變動

韓餐廳美食花園（한식당 푸드가든）

• 營業時間：10:20 - 18:00（Last Order 17:00）
• 位置：盆栽庭園附近

呢間主要食韓式料理，例如大醬湯（₩9,000）、雜菜飯（₩9,000）、燒肉（₩13,000）、炸雞（₩11,000）等

早安咖啡（굿모닝커피）

• 營業時間：10:00 - 18:00
• 位置：有詩的散步路附近

早安咖啡有賣咖啡、茶等飲品，價錢係₩6,000以上，景色相當唔錯！

晨春麵包店（아침봄빵집）

• 營業時間：10:00 - 17:00
• 位置：同早安咖啡喺同一幢

使用天然酵母同有機小麥製成健康蛋糕，有牛角麵包、黑麥麵包等，價錢由₩4,500起。

商店（매점）

• 營業時間：10:00 - 18:00
• 位置：有詩的散步路附近

呢個係一個小賣部，有水、雪糕等。

草綠商店（초록상점）

• 營業時間：10:00 - 19:30（Last Order 16:45）、逢星期二、六休息
• 位置：曙華淵附近

呢度唔單止有賣飲品，同時仲有賣好多園藝相關物品，空間相當大，有分室內同室外。

小編推薦大家嚟到試飲手工茶（₩7,000），特別係熱飲，味道會再濃啲同香啲。

晨靜樹木園紀念品店

香草用品銷售店（정원가게）

• 營業時間：9:00 - 18:00
• 位置：售票處對面

呢度賣好多精油、護膚品、香薰蠟燭等，價錢由₩8,000起！

植物銷售店（하늘나리）

• 營業時間：9:00 - 17:00、星期六休息
• 位置：售票處右手邊

呢度有賣各種花卉、種子，價錢由₩5,000起！

晨靜樹木園體驗

週末個人體驗暫時停止服務，預計會喺2022年年9月重新開放，所以目前只有至少15人團體可以體驗同預約，詳情可以參考官網。

2022年晨靜樹木園祭

繡球花節（2022年6月4號至7號3號）

• 位置：有詩的散步路附近

木槿花節（2022年7月22號至8月21號）

• 位置：木槿花園附近

第17屆野菊花展（2022年9月17號至10月17號）

• 位置：石庭園附近

第23屆菊花展（2022年10月16號至11月21號）

• 位置：山水景溫室、故鄉家長園

紅葉節（10月至11月）

• 晨靜樹木園

第15屆五彩星園燈光節（2021年12月3號至2022年3月14號）

• 點燈時間：日落至21:00（星期六延長至23:00）；2022 - 2023年未有更新

點樣去加平「晨靜樹木園」？

大家可以由加平站、清平站、清平巴士站，然後搭當地巴士去小法國村，但因為班次少，所以可以參考搭循環巴士，唔單止可以慳錢仲可以慳時間！

由首爾去晨靜樹木園

方法1：首爾→加平站→晨靜樹木園

由清涼里/龍山站搭ITX去到加平站。

由加平站搭循環A Course 巴士去晨靜樹木園，大約需要1小時15分鐘，₩8,000。

• 循環巴士A Course：首班車09:20，尾班車17:20、班次：2小時一班
• 搭的士：大約需要32分鐘，₩29,100。

加平循環巴士

循環巴士只要買一張車飛就可以喺一日去哂南怡島、小法國村、意大利村、晨靜樹木園等主要旅遊景點。

循環巴士有分A Course同B Course，不過因為疫情影響，B Course目前暫停服務，A Course一日只係得兩架車營運中。

費用：成人₩8,000 / 青少年、小童、傷殘人士、軍人、老人家₩6,000、3歲以下免費。

詳情：可以參考官網

• 使用方法：上車嘅時候向司機買車飛（如果冇位要等下一架），之後會收到一張飛（如果要去其他地方全日都要keep住，之後每一次搭車嘅時候都要向司機出示。）
• 小Tips：大家只要認住粉紅色框標誌，喺前面等車就可以。

方法2：首爾→清平巴士站→晨靜樹木園

由高速巴士客運站搭巴士去清平巴士站

• 價錢：₩5,200
• 出車時間：06:45、09:15、11:40、13:15、14:15、15:20、16:25、18:10、20:50

由清平巴士站坐當地巴士或循環巴士去晨靜樹木園，大約需要21-25分鐘。

• 30-6號巴士運行時間：09:50 - 19:20，80分鐘一班車。
• 30-7號巴士運行時間：09:20 - 15:50，185分鐘一班車。
• 循環巴士A Course：首班車10:10，尾班車18:10、班次：2小時一班

或者由清平巴士站搭的士去晨靜樹木園：大約₩16,400，坐17分鐘。

方法3：首爾→清平站→晨靜樹木園

由上鳳站搭地鐵去，或者由清涼里/龍山站搭ITX去到清平站。

由清平站搭循環A Course巴士去晨靜樹木園，大約需要21分鐘。

• 30-6號巴士運行時間：09:50 - 19:20，80分鐘一班車。
• 30-7號巴士運行時間：09:20 - 15:50，185分鐘一班車。
• 循環巴士A Course：首班車10:15，尾班車18:15、班次：2小時一班

或者由清平站搭的士去晨靜樹木園：大約₩17,100，18分鐘。

2. 由南怡島去晨靜樹木園

搭循環A Course巴士去晨靜樹木園，₩8,000， 坐大約1小時10分鐘，首班車09:25，尾班車17:25，2小時一班車，或者搭的士₩31,000， 坐大33分鐘。

上車位置：Starbucks對面，認住粉紅色框標誌。

3. 由晨靜樹木園返首爾

方法1：晨靜樹木園→加平站→首爾

由晨靜樹木園搭循環A Course巴士去到加平站（₩8,000，大約1小時20分鐘），首班車11:00，尾班車19:00，2小時一班，或搭的士（₩28,500，大約28分鐘）。

由加平站搭ITX去清涼里/龍山站。

方法2：晨靜樹木園→清平巴士站→首爾

由晨靜樹木園意搭的士（₩15,800，16分鐘）或坐當地巴士或循環巴士到清平日巴士站（終點站），大約需要21-30分鐘。

• 循環巴士A Course：首班車11:00，尾班車19:00、班次：2小時一班
• 30-6號巴士運行時間：10:20 - 19:45，80分鐘一班車。
• 30-7號巴士運行時間：09:50 - 16:20，185分鐘一班車。

由清平巴士站搭巴士到高速巴士客運站。

• 價錢：₩5,200
• 出車時間：07:25、09:20、09:50、10:50、12:50、13:50、15:50、18:00、21:10

方法3：晨靜樹木園→清平站→首爾

搭的士（₩16,500，16分鐘）或搭循環A Course巴士到清平站，約21-25分鐘。

• 30-6號巴士運行時間：10:20 - 19:45，80分鐘一班車。
• 30-7號巴士運行時間：09:50 - 16:20，185分鐘一班車。
• 循環巴士A Course：首班車11:00，尾班車19:00、班次：2小時一班

由清平站搭地鐵去上鳳站，或者由清平站搭ITX去到清涼里/龍山站。

以上係自由行嘅方式俾大家參考，有興趣嘅朋友都可以參考我哋嘅一日遊團：

• 南怡島+晨靜樹木園（撳我）
• 南怡島+小法國村+意大利村+晨靜樹木園（撳我）
• 南怡島+晨靜樹木園+鐵道單車（撳我）
• 南怡島 + 小法國村 + 意大利村 + 鐵路單車 + 晨靜樹木園一日遊（撳我）
• 南怡島 + 草泥馬樂園 + 晨靜樹木園一日遊（撳我）

另外加平、春川仲有好多景點等住大家，例如：童話瑞士村、小法國村、意大行村、Lego Land、南怡島等，有興趣嘅朋友都可以去睇埋我哋嘅介紹。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購