仁川咖啡廳|輕鬆的今日
原來素食都可以咁好味?仁川「輕鬆的今日」創意甜品健康美味!用料安心、食得放心!
Hello,大家好,我哋係由韓國人每日提供最新韓國旅行資訊嘅Creatrip。
唔知大家聽到素食呢兩個字,會唔會以為好淡冇咩味?咁諗就大錯特錯啦!而家韓國興起食素食,今日小編想同大家介紹仁川一間專研發特色素食menu嘅餐廳,呢度採用對健康有益天然食材,等大家嚟到都可以食得放心。
仁川咖啡廳「輕鬆的今日」資訊
- 地址:인천 부평구 장제로257번길 27
- 營業時間:11:00 - 19:00、星期日、一休息
- 備註:可能臨時會有變動,請參考鋪頭嘅Instagram公告
仁川咖啡廳「輕鬆的今日」推薦理由
- 「輕鬆的今日」係一間賣好多環保產品嘅素食Cafe,由日用品到甜品都有,可以睇得出老闆好愛護地球。
- 呢度嘅甜品都係用非精緻糖、國產全麥麵粉、玄米油、豆奶等對身體有益材料製成。
- 使用季節水果整嘅鮮果梳打同公平貿易原豆沖泡香醇咖啡,原料令人好安心。
仁川咖啡廳「輕鬆的今日」優惠
- 埋單嘅時候出示優惠券, 即可享有9折優惠。
- 優惠可用於甜品及飲品。
- 唔需要預約。
- 如果用coupon嘅時候,有任何疑問都可以send email到help@creatrip.com。
- 營業時間可能會有變動,請參考鋪頭IG公告(IG:light_daytoday)。
仁川咖啡廳「輕鬆的今日」菜單
手製冰滴咖啡 핸드드립 | ₩4,500 |
烘焙茶鮮奶咖啡 호지차라떼 | ₩5,000 |
伯爵茶馬德蓮 얼그레이 마들렌 | ₩2,000 |
無花果鬆餅 무화과스콘 | ₩2,500 |
穀物藍莓磅蛋糕 그래놀라 블루베리 파운드 | ₩3,700 |
朱古力忌廉圓蛋糕 쇼콜라 구겔호프 파운드 | ₩3,500 |
仁川咖啡廳「輕鬆的今日」介紹
輕鬆的今日位於仁川富平,係一間以暖色系去裝修,俾人感覺好溫馨,一入到鋪頭就令人好放鬆。
呢度最有特色係有賣好多環保產品,由廚房清潔用具、環保飲管、牙刷、女性衛生用品、番梘等等,可以感受到老闆由日常做起愛護地球同環保概念。
而且有啲產品,老闆仲會附上說明,相當貼心。
老闆仲提倡飲品如果有自備環保杯可享₩1,000、甜品享5%優惠,等消費者可以有優惠嘅同時提倡環保理念,一舉兩得。
雖然鋪頭入面只係得3張檯,但就好有精緻感。
伯爵茶瑪德蓮伯爵(얼그레이 마들렌)₩2,000
呢度最出名嘅甜品係伯爵茶瑪德蓮,食落有淡淡茶香,唔會太甜,但有少少乾,配茶一齊食啱啱好。另外圖中嘅櫻花曲奇係老闆仲研究中嘅新產品,特別拎咗俾小編試,麥片味嘅曲奇加上香甜士多啤梨醬,就算食多都唔會覺得膩。
穀物藍莓磅蛋糕(그래놀라 블루베리 파운드)₩3,700
朱古力忌廉圓蛋糕(쇼콜라 구겔호프 파운드)₩3,500
無花果鬆餅(무화과스콘)₩2,500
照中左邊嘅穀物藍莓磅蛋糕,內餡有一粒粒藍莓醬,表面鋪滿營養麥片等穀物,令人每一啖都好有飽肚感;中間朱古力忌廉圓蛋糕,撒上開心果碎粒增加口感,超濃朱古力味,一咬落去超濃朱古力味,右邊無花果鬆餅每食一啖都好清爽同香。
烘焙茶拿鐵(호지차라떼)₩5,000
韓國最近好流行飲烘焙茶鮮奶,烤過嘅茶葉加上香純牛奶,呢個組合簡直係完美,推薦大家一定要嚟試吓!
手製冰滴咖啡(핸드드립)₩4,500
手製冰滴咖啡好香醇,飲落唔會好苦澀,嚟到好好飲返杯放鬆一下心情,度過舒適悠閒時光啦。
仁川咖啡廳「輕鬆的今日」前往方法
掘浦川站(굴포천역)6號出口出嚟。
去到emart24嘅巷後直行。
轉右會見到GS25對面嘅선진포크巷。
一直直行會見「ZEUS DESIGN」,喺呢度轉左。
之後就會見到輕鬆的今日。
點先可以享有仁川「輕鬆的今日」9折優惠?
現場消費Click下面網址下載Creatrip專屬優惠券,出示畀店員睇即可享有獨家優惠。
以上係仁川咖啡廳「輕鬆的今日」嘅介紹,有任何問題請先詳閱呢篇文章。
如果睇完之後有任何問題,或者我哋語意、表示唔清嘅話,麻煩請send email告知,以方便我哋改進。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com