《Girls Planet 999》即將開播999》）即將8/6開播，嚟自韓國、中華圈、日本三方，總共99名參加者為被選上成為女團成員而展開激型競爭嘅節目，形式同Mnet由2016-2019年，搞過4季嘅《Produce101》系列好相似。 《Girls Planet 999》即將開播 時隔2年推出偶像選秀嘅Mnet，安排韓國（K組）、中華圈（C組）、日本（J組）三方參賽者同時登場，目標係呈現屬於唔同文化圈嘅參與者以K-pop為媒介團結一致。好多公司認為可以透過比賽吸引海外fans，提高知名度，所以紛紛邀請所屬歌手或練習生參加今次嘅《Girls Planet 999》。 顧名思義，韓國組（K組）同日本組（J組）喺嚟自韓國同日本嘅參賽者，中華圈（C組）就係由中國、香港、台灣嘅參與者組成。一開始有近13,000名參加選拔，經過篩選後，最後有99名入圍，每組分別有33人。 身為香港人嘅小編，梗係最關心C組嘅香港參賽者啦！總共有三名：何思澄（韓文拼寫：호쓰칭）、梁卓瀅（령척잉），同埋潘穎芝（풍윙치）。一齊嚟睇吓佢哋嘅自我介紹啦！ 《Girls Planet 999》將會喺8月6號晚8點20分首播。 唔只韓國，仲喺YouTube等平台現場直播。 演員呂珍九擔當主持，歌手宣美、Tiffany就係引領參賽者嘅Master。 通過呢個節目，最後會選出9位優勝者組成女團。 不過《Girls Planet 999》未播就面對批評同懷疑，首當其衝嘅難題就係要擺脫《Produce 101》嘅影子。《Produce 101》系列被爆出造假之後，Mnet另一個偶像選秀節目《偶像學校》亦被爆製作團隊偽造排名，大家都對Mnet失晒信心。 Mnet為咗提高透明度，決定以NC Soft嘅K-pop娛樂平台「Universe」用作進行投票嘅官方平台，並實行外部參觀人士制度。 今次節目可唔可以擺脫投票公平性嘅爭議，順利進行，大家拭目以待。 如果有更多想知嘅內容，都可以隨時留言或者dm話俾我哋知：） Instagram： ...
8 months ago
5681 
