漢江美食｜Waikiki Market牛肉套餐 炭火、烤肉架、牛肉（200g）、蝦、香腸、年糕、洋蔥、南瓜、雞髀菇、蔥、菠蘿、蘆筍、各種小菜、棉花糖 ￦49,000 (1人) 韓牛雪花肋眼套餐 炭火、烤肉架、2+韓牛（200g）、蝦、香腸、年糕、洋蔥、南瓜、雞髀菇、蔥、菠蘿、蘆筍、各種小菜、棉花糖 ￦65,000 (1人) 漢江美食「Waikiki Market」注意事項 * 唔需要俾額外座位費用，但冇得事先揀位，越早預約會安排更好嘅位。 * 每人最低消費必須叫一份套餐。 * 夏季19:00 - 20:00係欣賞夕陽最佳時間。 * 即使落雨都可以照常食。 * 食完須將垃圾分類。 * 可以喺現場加價₩8,000坐約7分鐘快艇體驗。 * 請至少喺3日前預約，最終退款及更改期限係預約日期3日前，請send email到help@creatrip.com查詢。 漢江美食「Waikiki Market」預約流程 * 。 * 輸入預約者相關資料，並支付費用。 * 我哋會喺2個工作天內確認訂單。 * 更改或取消預約，請喺3日前send email到help@creatrip.com話俾我哋知。 * 現場出示或憑證俾工作人員睇即可。 漢江美食「Waikiki Market」介紹 Waikiki Market位於漢江附近，係首爾一間出名戶外餐廳，2樓有好多圓頂帳篷，可以一邊BBQ、一邊欣賞漢江景色。 如果大家想喺漢江上快速走一轉，食完飯仲可以喺度預約快艇體驗，一人₩8,000可享受7分鐘快感。 Waikiki Market座位分咗已預約同現場座位區，喺我哋網站預約後，去「預約確認（예약확인）」櫃檯就可以。 叫完一人份套餐都係覺得唔夠，仲可以額外加叫肉類或其他小食，例如芝士或棉花糖等。 甚至可以加飲品、拉麵、餅乾等，價錢都唔會太貴。 因為網上預先訂好，所以餐廳會事先準備好食材，之後就一齊準備去座位區。 餐廳2樓有好多圓形屋頂帳篷座位，喺呢度欣賞晚霞真係好有氣氛。 小編預約2樓，氣氛相當浪漫。 生菜、青陽辣椒、紫蘇葉、醬料同泡菜等可以喺1樓拎。 韓豬梅頭豬肉套餐（한돈 목살 바비큐 세트） Lunch ₩30,000、Dinner ￦34,000 小編叫咗鋪頭人氣套餐，按人頭計，其實唔算平，不過因為景色靚，有機會嘅話一定要去試。 主菜係梅頭豬肉同兩隻大蝦，另外仲有原味同辣味香腸、年糕等。 擺上去燒嘅時候好快聞到超香，如果太重煙氣，記得請職員嚟幫手。 另外Waikiki Market附有南瓜、菇類等配菜，大家可以配泡菜、蔥、洋蔥、生菜等一齊食。 套餐仲有菠蘿同棉花糖，可以喺最後燒嚟食。 只係食肉都係覺得唔夠，可以去買拉麵（₩3,500） 、可樂（₩2,000），雖然比出面貴啲啲，但都接受到。 只要揀想食嘅拉麵，擺上拉麵機上就會自動幫你煮好，相當方便！ 搞掂好哂就可以食啦！ 比起一般燒肉店，嚟Waikiki Market係另一個feel，推薦大家之後可以同朋友或屋企人嚟上吓！ 食完飯之後，記得要將餐盤回收同垃圾分類。 快艇體驗 1人7分鐘₩8,000 食飽之後可以坐快艇欣賞月色、體驗喺漢江上奔馳快感。 店內有提供救生衣俾參加水上活動嘅客人，著好之後就可以準備出發！ 之後嚟首爾，去漢江唔單止可以野餐，仲可以去Waikiki Market BBQ、玩水上活動，相信大家一定會鍾意。 漢江美食「Waikiki Market」前往方法 麻浦區廳站7號出口出嚟之後直行。 入去漢江公園。 經過樹叢後，可以見到鋪鋪喺左邊。 繼續行就會見到Wakiki Market㗎啦！ 以上係漢江「Waikiki Market」嘅介紹，有任何問題請先詳閱呢篇文章。 如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。 如果有更多想知嘅內容，都可以隨時留言或者dm話俾我哋知：） Instagram： Email : help@creatrip.com...
6 months ago
67469 
