漢江公園總整理
12個漢江公園你去過幾多個?每一個公園又有咩唔同?
Hello,大家好,我哋係由韓國人每日提供最新韓國旅行資訊嘅Creatrip。
漢江呢個名就算冇嚟過韓國應該都會聽過,同時唔少韓劇都有去過取景,朝早同夜晚去完全唔同feel,不過漢江比想像中長,一共有12個漢江公園分布喺首爾一帶,今日就想同大家介紹幾個比較出名嘅公園等大家有一個參考。
漢江公園總整理
汝矣島漢江公園(여의도 한강공원)
- 交通:首爾地鐵5號線汝矣渡口站(여의나루역)
講到首爾最出名漢江公園,汝矣島絕對係Top3, 只要一到4月就有汝矣島櫻花節、夏天有汝矣島夜貓子夜市,到咗10月就有首爾漢江煙火節,就算係平日都超多人韓國人嚟野餐同散步。
而且喺漢江仲有豪華渡輪「漢江遊覽船」可以搭,價格唔貴,CP值超高!想要一個浪漫之旅,推薦大家一定要坐一次!
盤浦漢江公園(반포 한강공원)
- 交通:首爾地鐵3、7、9號線高速巴士站(고속버스터미널역)或9號線新盤浦站(신반포역)
盤浦漢江公園除咗被稱為潛水橋雙層盤浦大橋之外,最出名就係4月至10月每日固定時間都有「月光彩虹噴泉」,配住七彩燈光,喺度欣賞美景,令人印象特別深刻。
月光彩虹噴泉表演時間
- 4、5、6、9、10月:12:00、19:30、20:00、20:30、21:00
- 7、8月:12:00、19:30、20:00、20:30、21:00、21:30
盤浦漢江公園有被稱為「三光島」複合式空間,美食、Cafe同展演空間應有盡有,一到夏天會舉行夜貓子夜市,由晏晝就可以行到夜晚,氣氛好熱鬧。
推薦大家春天同秋天嘅時候嚟呢度野餐,仲可以用我哋嘅外賣代訂服務,唔洗韓國電話number同信用卡都可以輕鬆叫炸雞食!
二村漢江公園(이촌 한강공원)
- 交通:京義中央線、首爾地鐵4號線二村站(이촌역)或京義中央線西冰庫站(서빙고역)
同首爾其他大名鼎鼎漢江公園比,二村漢江公園對遊客嚟講可能會比較陌生,但其實呢度都有唔少韓國人去。
呢度偏靜,想搵個地方healing,嚟呢度就最好不過。
望遠漢江公園(망원 한강공원)
- 交通:首爾地鐵6號線望遠站(망원역)
望遠除咗有望遠市場,附近嘅天空公園都係好多人嚟到韓國必去景點之一,夏季會開放游泳池、同時多水上活動。
小編會推薦大家可以秋冬前去,踩住單車、散吓步,望住漢江風景,相當寫意。
纛島漢江公園(뚝섬 한강공원)
- 交通:首爾地鐵7號線紫陽站(자양역)
纛島漢江公園優點就係地鐵站一出嚟就係,隔離仲有一個三層樓文化複合空間,1樓同2樓設有Cafe、圖書館以及工作空間,3樓係會議室,中間通道成日會舉辦同漢江有關展覽或活動。
或者大家亦可以去坐鴨仔船,喺海上吹吹風,甚至玩各種水上運動,以另一種方式享受漢江嘅魅力。
纛島漢江公園亦有音樂噴泉,雖然規模唔似盤浦漢江公園彩虹噴泉咁大,但由5月至10月都有(星期一維修),咁啱有時間不妨都去睇吓!亦都好推薦大家趁天氣好去野餐,享受寫意時光!
其他漢江公園
除咗上面介紹嘅5個漢江公園之外,另外仲有7個公園都相當去,有興趣嘅朋友都可以參考一吓。
蘭芝漢江公園(난지 한강공원)
- 交通:首爾地鐵6號線世界盃體育場站(월드컵경기장역)
楊花漢江公園(양화 한강공원)
- 交通:首爾地鐵9號線仙遊島站(선유도역)
韓國觀光公社
廣渡口漢江公園(광나루 한강공원)
- 交通:首爾地鐵8號線岩寺站(암사역)
蠶院漢江公園(잠원 한강공원)
- 交通:首爾地鐵3號線、新盆唐線新沙站(신사역)或3號線蠶院站(잠원역)
韓國觀光公社
蠶室漢江公園(잠실 한강공원)
- 交通:首爾地鐵2號線蠶室新川站(잠실신내역)或2號線、8號線蠶室站(잠실역)
仙遊島漢江公園(선유도 한강공원)
- 交通:首爾地鐵9號線仙遊島站(선유도역)
한국관광공사
江西漢江公園(강서 한강공원)
- 首爾地鐵5號線傍花站(방화역)
以上就係首爾最出名12個漢江公園介紹,希望可以幫到大家啦!
如果有更多想知嘅內容,都可以隨時留言或者dm話俾我哋知:)
Instagram:creatrip.hk