Hello，大家好，我哋係由韓國人每日提供最新韓國旅行資訊嘅Creatrip。
之前有同大家講解過點解韓國電影越做越好，唔單止國內受歡迎，好多都衝向國際。趁住而家疫情影響，好多時都唔敢出街嘅時候，不如就欣賞下呢10套韓國國產片啦！
韓國國產片電影票房排名
10. 與神同行：終極審判（2018）
- 主演：河正宇、朱智勛、金香起、馬東石、金東旭、李政宰、都敬秀
- 韓國觀影人數：1,227萬人以上
2018年上映嘅《與神同行：終極審判》帶住第一集嘅氣勢，再次創下新紀錄，兩星期內觀看人數突破千萬，成為韓國影史上排名第10嘅電影，世界各地都獲得相當驚人嘅成績，香港曖終票房仲仲高達4,824萬港元。《與神同行》之後都為緊續集籌備當中，希望第三集會有更加驚人嘅成績！
9. 雙面君王（2012）
- 主演：李炳憲、柳承龍、韓孝周
- 韓國觀影人數：1,232萬人以上
電影《雙面君王》係韓國第九部突破千萬人次觀看嘅電影，2012年當時，一年就誕生兩部千萬觀影人數電影，可以話係新紀錄。另外，《雙面君王》當年喺49屆大鐘獎更係前所未見地獲得15個獎項，韓孝周獲得新一代千萬觀影人次女星新地位。
8. 復國者聯盟（2015）
- 主演：全智賢、李政宰、河正宇
- 韓國觀影人數：1,270萬人以上
講述日本殖民時期，韓國民族運動辛酸歷史，電影《復國者聯盟》由全智賢擔任劇情核心，獲得韓國影史上第8票房紀錄。對韓國人嚟講，呢類講述殖民時期，韓國民族運動史電影都會獲得關注，一方面係民族團結心，另一方面係因為戲中大人物雲集，集結忠武路一線演出而獲得咁好成績。
7. 七號房的禮物（2013）
- 主演：柳承龍、朴信惠、葛瀟轅、吳達庶、朴元相、金正泰、鄭滿植
- 韓國觀影人數：1,281萬人以上
講到經典韓國電影，絕對唔可以唔提《戇爸的禮物》。智力障礙嘅父親同監友、女兒互動，當時真係令人喊唔少。雖然係2013年嘅電影，但今日再睇返，一樣都係咁感人。
6. 盜賊門（2012）
- 主演：金允錫、金惠秀、李政宰、全智賢、任達華、金海淑、吳達庶、金秀賢、曾國祥、李心潔
- 韓國觀影人數：1,298萬人以上
啱啱喺《雙面君王》上映當年，有兩部電影突破千萬人次觀看，寫下新紀錄，另一套就係《盜賊門》。除咗有韓星之外，仲有任達華、李心潔同曾國祥等人出演，當時呢個合作引嚟唔少人關注，係榜中唯一一部有非韓國演員掛名主演電影。
5. 燥底師兄生擒富二代（2015）
- 主演：黃晸玟、劉亞仁、柳海真、吳達庶
- 韓國觀影人數：1,341萬人以上
劉亞仁每一套劇、電影都值得令人期待，佢精湛演技睇見令人忍唔住要拍掌叫好！佢仲以《燥底師兄生擒富二代》獲得第36屆青龍電影獎最佳男主角，同時躋身其他前輩們所在嘅忠武路大勢。
4. 半世紀的諾言、給父親的承諾（2014）
- 主演：黃晸玟、金侖珍
- 韓國觀影人數：1,426萬人以上
刻劃朝鮮半島半個世紀以嚟嘅悲慘記憶，《半世紀的諾言、給父親的承諾》同樣係韓國影史上最經典電影之一。深刻描寫大部分人都有記憶嘅韓戰、南北離散等情節，當年獲得超過1,400萬人次以上觀看紀錄。
3. 與神同行：罪與罰（2017）
- 主演：河正宇、車太鉉、朱智勛、金香起、都敬秀、金東旭、吳達庶、李政宰
- 韓國觀影人數：1,441萬人以上
獲得超高話題嘅《與神同行》第一集，上映當時喺韓國影史上獲得觀看人次第二好成績（後嚟被《炸雞特攻隊》追過）。喺結尾感人嘅情節，令《與神同行：罪與罰》被封為經典神劇之一，令人流咗唔少眼淚。
2. 炸雞特攻隊（2019）
- 主演：柳承龍、李荷妮、陳善圭、李東輝、孔明
- 韓國觀影人數：1,626萬人以上
《炸雞特攻隊》講述警察為咗追緝毒販，租落炸雞店埋伏，偶然賣起炸雞獲得超高評價，成為當地出名餐廳？令人笑到唔停嘅情節，當年香港上映大家有冇去睇呢？
1. 鳴梁（2014）
- 主演：崔岷植、柳承龍
- 韓國觀影人數：1,761萬人以上
《鳴梁》雖然係2014年上映，但咁多年，佢嘅紀錄仲未有人可以打破。紀錄韓國歷史上最著名戰役「鳴梁海戰」，史詩級戰爭場面當時令人難忘同印象深刻，韓國人之間嘅團結、令呢部電影衝上影史第一寶座，觀影人數突破1,761萬，無人能敵！
以上係韓國國產電影票房（觀看人次）排行紀錄，唔知呢10部電影入面，大家又睇過幾多部呢？歡迎大家留言分享。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
