韓國電影點解咁成功？

Hello，大家好 ，我哋係由韓國人每日提供最新韓國旅行資訊嘅Creatrip。

呢幾年韓國電影越做越好，好多都走向國際，唔單只演員演技出色，深度嘅題材都好值得令人去反思。不過由一開始韓國電影係唔係真係開始得咁順利？韓國人點解咁支持國產片？而家就等小編同大家介紹啦！

韓國電影歷史

韓戰前後韓國電影局勢

喺625戰爭（韓戰）開始嘅時候，為咗可以令因戰事而感到攰嘅人可以得到少少安慰，以釜山同大邱為中心，開始進口海外電影。而喺韓戰結束（休戰）之後，電影業亦都越嚟越多，更轉向聚集首爾「忠武路」一帶。劇場、引進海外電影嘅公司每年增加，形成咗可以籌集製作經費、分配、流通體系，韓國電影產業就喺呢個時候萌芽，開始咗韓國電影新時代。

電影《誤發彈（오발탄）》

由於美國大眾文化、西方文化流入韓國，荷里活電影慢慢影響到韓國電影，無論係妝髮、人物形象甚至係題材同背景，所以當時韓國電影以新潮愛情劇、喜劇為主，但由1960年代起，就轉為家庭為題材、廣泛地涉及世代矛盾、諷刺政治嘅電影，成為新一波主流。

1960年，韓國第一個民主運動「4·19革命」到後嚟嘅「5·16軍事政變」，歷史連環寫出新章，精準描寫當時真實同寫實嘅電影作品，反映出當時喺局內人嘅不安，透過呢類電影，可以大膽地觀察到社會嘅變化。

被政策約束發展嘅韓國電影

電影《Love Me Once Again》

1962年《電影法》制定，提出保護、培育韓國電影方向，但同時矛盾地進行強力控制同審查（劇本事前審查、膠片審查），根據係唔係製作得優秀、啟蒙、反共電影，以及獲獎數以分配電影外匯收入進行配額，呢個政策一路維持到1980年代，無疑綁架製作公司嘅收入同創作自由。

雖然呢個時期嘅電影受到威權化壓迫同政策影響，但仍然選擇不斷拍多種唔同題材嘅故事，韓國因經濟開發同現代化，局勢相對穩定落嚟，電影出現咗三種類型，大概如下：

代表傳統題材嘅歷史劇、喜劇、愛情劇，以及容易受到管制嘅青春電影、動作驚悚片、劍客電影，再嚟就係為咗配額而有嘅政策片如反共啓蒙片、文藝片等等。

由於青春、動作、劍客電影深受年輕一代歡迎，屬於容易受到政府管制嘅電影類型，根據調查結果，當時20代年輕人睇外國電影比例（50%）遠遠高於韓國產片14.7%，但50歲以上、相對保守嘅人，對韓國電影喜愛度較高，有61.6%。

備註：《Love Me Once Again》為當代最成功嘅愛情電影

維新時代^{（유신시대）}韓國電影走下坡

1972年，朴正熙總統修法開啟第四共和，為「維新時代」。韓國電影經過1960年嘅黃金發展時期，後嚟因為電視普及、娛樂增加、電影品質下降等理由，逐漸走向下坡。但唔可以否認嘅係，維新時代獨裁政權透過嚴厲審查同政策影響，令電影越嚟越通俗化（可以通過審查），唔少以大眾小說題材改編成電影，較為低俗嘅題材、高中生文化亦逐漸出現喺唔同大少電影。

백세시대

韓國電視機喺1965年出現，當時普及率只有0.61%，但到1979年增加到79.1%，為韓國電影業帶嚟超大衝擊。

不過值得一提嘅係，呢個時期嘅韓國電影出現多樣記錄，例如1968年出現第一部現場同時錄音嘅電影（之前都係後錄）；韓國解放後，以韓文接受教育嘅作家、年輕電影導演開始出現；吸引高中生行入電影院睇高中題材電影（但後嚟成為非主流）；史上最大規模，喺外景拍攝反共電影製作等等。

希望之光...海外電影叩關？

오마이뉴스

踏入80年代，喺遭遇最殘酷嘅社會運動鎮壓之後，韓國政治打開縫隙，照亮電影前行道路，開始慢慢觸碰歷史、社會、性等議題，明確地將先前韓國電影多為大眾通俗作品等做出區間，允許大眾自由奔放嘅可能性。

呢個時候係韓國新浪潮（Korean New Wave）發展開端，電影精神同忠武路電影界結合，出產無數優秀電影發及人才。

1980年開始有彩色電視、1981年成立劇場、1982年解除宵禁，讓社會自由，同時成立職業棒球隊、深夜劇場等等，甚至1986年嘅亞運會到後嚟1988漢城奧運，新世代潮流無可厚非地塑造電影全新可能性。

但真正真正改變電影業格局係1984年、1985年第五次同第六次《電影法》修訂。由於美國對韓國電影市場要求開放，施加壓力，拒絕外匯進口配額同收益配額優惠結構，美國電影喺韓國上映唔再需要透過電影經銷商，而係直接上映，導致外匯、進口商片量劇增，韓國電影喺呢個時期開始，面臨外來強片環敵。

1988年至1993年，由20世紀福克斯至華納兄弟等大型片商分公司，喺韓國設立，一上映就有高票房，碾壓韓國電影生存空間。咁啱呢個時候韓國走入民主化時間點，民主化意味住西方文化登陸朝鮮半島，造成韓國電影到90年代中期，一蹶不振場面。

至90年代為止，韓國國內電影人開始大規模反對集會行動，要求政府出面拯救國產片。

韓國電影風起雲湧嘅90年代

1988漢城奧運

韓國民主化開放後，美國電影喺韓國可以直接發行、上映，造成80年代初期，韓國電影比例只係大約得40%佔有率，喺1993年仲跌到只得15.9%；1990年前後約有100至120部電影上映，喺1998年只得返43部，取而代之的外國電影逐漸上升，喺1996年就已經有405部。

1988漢城奧運完咗之後，Samsung、LG、大宇將目光投向影業市場，積極地擴張相關版圖。同時金融資本亦進軍了影視產業，1995年出現第一部由金融業投資嘅電影，其後越嚟越多大企業進軍電影界，參與投資，加上韓國電影產業開始引入韓星、營銷同宣傳強化等好荷里活電影戰略，透過投資以製作商業電影，忠武路得到資本主義輸血，持續源源不絕創作。

李滄東導演

而喺90年代，出現「作家主義導演」，洪常秀、朴贊郁、金基德、李滄東等人先後發表處女作，成為韓國近代電影史上最重要嘅導演之一。

1995年，《電影振興法》出現，規定每間韓國電影院一年至少有146日要播韓國電影，否則就要吊銷營業執照，後嚟呢項政策一度更改，韓國電影業嘅人組起「銀幕配額監視團（스크린 쿼터 감시단）」，甚至發起1999年百萬人請願，確保韓國電影上映機會。

1999年死守國片配額運動

加上1996年釜山影展開辦，將韓國電影推向觀眾視線同國際，令藝術電影同商業電影，得到新嘅舞台，俾韓國人意識到韓國電影嘅偉大。

而家嘅韓國電影

韓國電影政策由起初嘅約束，轉變為後嚟以「支援」嘅變化，加上1997年廢除審查制度，改「上映等級制（상영등급제）」，明確標示電影分級制度，取代原有內容審查，增加創作自由，以及增加人才、企業投資、影廳基礎建設落實、科技技術發展等背景，造就而家韓國電影嘅多樣性。

至1990年代末期，韓國電影起飛、逐漸成長至到今時今日，韓國仍持續書寫著未停嘅神話。雖然喺2000年代後半，韓國電影播放配額仍不敵全球化浪潮，減半至73天，但喺90年代所打下嘅基礎，令韓國電影業至今仍有近半（或過半）市場佔有率。

電影《上流寄生族》

尹汝貞（電影《農情家園》）

而家嘅韓國戲院，除咗有好多荷里活大電影之外，韓國國產片播放量亦唔少，甚至喺近20年內，締造過無數個百萬、千萬觀影人次票房記錄，甚至出現世界第一個奪得奧斯卡最佳影片、最佳外語片、最佳導演嘅《寄生上流》，以及見證忠武路演藝，奪德奧斯卡最佳女配角嘅尹汝貞（《農情家園》）。

韓國電影而家點解越嚟越強勁？一方面勇於面對過去同錯誤，另一方面以民族性對於同一件事嘅執著同熱愛，造就璀璨嘅演藝、電影王國。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購