4個韓系著褲顯高小Tips
着褲就一定顯腳短？輕鬆變成「長腿女神」嘅韓系穿搭造型小Tips！
Hello，大家好，我哋係由韓國人話你知每日最新韓國資訊嘅Creatrip。
唔知大家會唔會因為貪靚，所以喺好凍嘅天氣都選擇堅持著裙出門口呢？小編知道唔少人都係因為著褲會顯得腳短，所以大家都堅持著裙。不過只要你知道以下呢幾個小竅門，就可以令到著褲都可以顯高1.5倍，一齊嚟睇吓有咩小Tips啦！
4個韓系著褲顯高小Tips
喺冬天或者仲未回暖嘅春天，比起著短裙或者連身裙One Piece，著褲真係更加保暖。不過唔少人都因為覺得著褲會顯腳短同顯肥而自卑，所以唔著褲就算幾凍都堅持著裙。雖然身高真係唔可以話變就變，不過我哋都可以衣著去改變我哋整體嘅視覺效果。
1. 揀深色系嘅褲
係時候拎返啲深色系嘅褲出嚟啦！如果你成日都係著淺色系嘅褲，今年就將佢哋通通收埋喺衣櫃啦！相信大家都知道深色系嘅褲可以顯瘦，大家可以上身配搭淺色衫，用上身分散注意力。
2. 褲同鞋嘅顏色要一致
搭配鞋嘅時候儘量著同下身一樣或者相似嘅顏色。上一個point係用對比色嚟分散視線，今次就係用同色系令到視線唔好分散。褲同鞋嘅顏色Match到嘅話，咁樣就可以將視線連接埋一齊，有顯腳長嘅效果。
嚟韓國點可以唔掃貨！
3. 儘可能將腰線提高
由整體身高嚟講，上半身變短，下半身就會睇落更加長。所以將腰線嘅起點提高嘅話，對腳就會顯得更加長，同時大家亦可以用皮帶配飾強調腰部嘅線條。
4. 著短T恤或短外套
喺搭配上衣或外套嘅時候，為咗顯腳長最好唔好著過長嘅衫。因為下身本身都係長褲，如果上身係著長外套或遮住pat pat嘅衫，咁樣會顯得對腳更加短。大家可以著到啱啱好遮到肚嘅T-shirt，咁樣就會令到上身睇落短啲。特別係如果冬天揀羽絨，短羽絨會比起長羽絨更加顯高。
唔知以上呢4點有冇幫到大家呢？掌握到呢啲顯高嘅穿搭法，就唔使再驚著長褲會顯腳短啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
