韓國 「Untact」 風氣盛行
疫情爆發！韓國 「Untact」 風氣越嚟越盛行！展開飲食購物新體驗！
Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國風氣
#Untact風氣 #無人服務體驗
喺疫情底下，有好多行業都做唔住，包括好多商舖同餐廳等等。
不過喺疫情期間亦都帶起咗一個新熱潮，就係「Untact」風氣！
等小編同大家介紹一下呢個風氣究竟係啲咩啦！
✨馬上Follow我哋IG
instagram.com/creatrip.hk
「Untact」新熱潮
疫情下韓國社會新熱潮就係「Untact」。
Untact 顧名思義就係Un + Contact 嘅意思，所以結合起來就係嘅意思顧名思義 「Untact」。
而呢一個風氣嘅意思主要係使用高科技代替人力服務，減少人與人之間嘅接觸！
喺疫情期間，人與人之間接觸少啲都係一件好事，所以呢一個熱潮唔單止越嚟越盛行，亦都有好多唔同嘅韓國人支持！
四大Untact 無人店
1.蠶室西餐廳-빌라드샬롯
第一間要同大家介紹嘅Unatact店，就係呢一間位於蠶室嘅西餐廳啦！
雖然呢一間西餐廳係仲有人工服務，但佢哋為咗減少人與人之間嘅接觸，店裡面都有兩個機械人幫手上菜！
大家一入到呢一間餐廳可以坐低然後先睇吓想食咩，同店員落咗單之後隔多一陣，呢一隻機械人就會為大家送餐㗎啦！
小編個人認為雖然呢一間店未係全面咁樣做到冇人概念，但係有呢一隻機械人幫手送餐已經係減少咗大家之間嘅接觸！
2. 無人咖啡廳-Touch Cafe
呢一間咖啡廳真係一個人都冇，由點餐、製作、去到送餐等等都係靠一部機去幫手。
只要大家喺部自動販賣機上面點選自己想要嘅飲品，然後用卡俾錢，之後部機就會自動咁樣幫你去預備飲品，成個過程唔使3分鐘就可以叫到嘢飲㗎啦！
另外，自動販賣機嘅隔離都會有一啲自助吧，俾大家攞杯蓋同飲筒等等，呢一間咖啡店真係全面咁樣做到Untact！
3. 自動貼紙相機
唔想之前嚟過旅行嘅大家，知唔知「인생네컷」呢一間相機店？
其實呢間影相館都係採用緊 「Untact」嘅特質，整個影相過程都只係靠一部機，即使係唱錢等等都唔需要同任何店員接觸。
雖然疫情嚴重減少咗出街同玩嘅機會，但因為影貼紙相都算係減少人與人之間接觸嘅一啲活動，所以呢段期間都仲會見到呢啲影相館係有人去嘅！
4. 無人凍肉店
呢一間冇人凍肉店叫做Fresh Store，佢係一間連鎖凍肉店，喺大家最熟悉嘅弘大5號出口附近就有一間。
呢間舖頭好似便利店咁係開24小時嘅！
喺呢一度大家可以搵到唔同種類嘅肉類，包括係黑毛豬同埋1++韓牛等等！
大家幾時想買高質嘅肉類都可以去呢度買！
喺呢一間舖頭買嘢，由選購到俾錢都係用一部自動販賣機進行，所以都好好咁樣展現咗「Untact」嘅熱潮！
而家 「Untact」風氣非常之盛行，科技都越嚟越發達，唔知呢一個風氣會唔會慢慢帶到去我哋嘅未來，到將來可能真係有販賣機同埋機械人取代人力服務呢？
唔知大家對呢一個服務有咩睇法呢？歡迎大家留言同小編一齊討論！
✨馬上Follow我哋IG
instagram.com/creatrip.hk
| 其他延伸閱讀 | |
 未來型巴士站 |  釜山海陸兩用巴士 |
