釜山海陸兩用巴士
可以行馬路又可以喺水上面行嘅巴士，將來去釜山可以試搭啦！
Hello，大家好，我哋係由韓國人話你知每日最新韓國資訊嘅Creatrip。
#韓國旅遊 #釜山
#海陸兩用巴士 #試行
相信有嚟過韓國旅行嘅大家都會知道，韓國一到繁忙時間塞車嘅問題就會好嚴重。
有時明明巴士原本嘅車程只係20分鐘，但係因為繁忙時間嘅塞車問題，搞到要一個鐘先到達目的地。
就係因為咁樣，韓國政府就計劃會推出一架可以海陸兩用嘅巴士，希望可以解決塞車嘅呢一個問題。
✨馬上Follow我哋IG
instagram.com/creatrip.hk
「 海陸兩用巴士」 係咩嚟？
Dispatch
最近韓國政府計劃，將會最快下年喺釜山引入可以喺陸地同埋海上面行駛嘅海陸兩用巴士。
釜山市11月2號嘅時候，喺海雲臺區同水營區一帶進行咗水陸兩用巴士試搭儀式。
當日嘅試搭活動上面，負責相關事務嘅公務員同埋有關人士等等，都親自踏上左呢一㗎海陸兩用巴士。
釜山市計劃將會以呢一個結果為基礎，最快下年會喺水營江同埋廣安里海水浴場一帶開通呢一架海陸兩用巴士。
除咗巴士，仲會有「海上的士」 ？
Dispatch
另外，仲計劃會引入連接札嘎其同市中心嘅「海上巴士」同「海上的士」。
釜山市政府淨係喺度構思緊嘅海雲台路線，係由釜山市立美術館出發嘅海陸兩用巴士，將會喺遊艇競技場開始落水。
喺水上面經過咗水營江之後就會返番上陸地，經過海雲台電影街、廣安大橋、廣安海邊路、民樂水邊路，最後會返去釜山市立美術館。
Dispatch 釜山市政府認為，而家海陸兩用嘅巴士一旦成功行駛之後，將會令到釜山成為「國際海洋旅遊城市」嘅一個好大優勢。
不過，相關人士都對於呢一㗎海陸兩用嘅巴士，係唔係真係可以解決到塞車呢一個問題仲係有保留。
因為當架巴士喺陸地同埋海洋上面兩邊一齊行駛嘅時候，就要兼顧返陸地原本嘅交通狀況。
如果一旦有其中一個位配合得唔好，就會令到成個交通狀況變得更加差。
所以釜山市政府都仲好努力咁研究緊，睇吓有啲乜嘢方法係可以完美咁樣配合到新嘅交通工具同埋原有嘅交通狀況。
唔知大家對呢一架「海陸兩用巴士」有啲乜嘢睇法呢？
小編個人就覺得好新奇！
如果下年喺釜山真係開始行駛嘅話，將來疫情問題解決左之後，大家嚟韓國旅行都可以去釜山體驗一下啊！
✨馬上Follow我哋IG
instagram.com/creatrip.hk
| 其他延伸閱讀 | |
 海雲台海岸列車 |  高級型便利店 |