韓國KFC薯條升級咗！
曾經係好多人都投訴話難食嘅KFC薯條！唔知今次嘅升級會唔會可以一雪前恥呢？
Hello，大家好，我哋係由韓國人話你知每日最新韓國資訊嘅Creatrip。
#韓國美食 #KFC
#薯條升級 #新醬料
唔知大家嚟韓國嘅時候有冇食過KFC呢？
韓國同香港嘅KFC最大嘅分別就係薯條同埋薯格。
韓國嘅KFC同麥當勞普通嘅快餐店一樣，跟餐嘅都係薯條，而唔係香港嘅薯格。
最近，韓國嘅KFC就決定將佢哋嘅薯條全面升級，一齊嚟睇吓變成點樣啦！
✨馬上Follow我哋IG
instagram.com/creatrip.hk
KFC Korea
世界性嘅快餐企業肯德基(KFC)決定喺韓國嘅門市升級佢哋嘅薯條。
喺11月17號嘅時候， KFC喺佢哋嘅Instagram表示，已經將原本嘅普通炸薯條換成比較高級嘅調味薯條。
相關嘅人士仲表示，希望大家可以忘記之前一直食開嘅KFC薯條，新版本嘅調味薯條將會又鹹又好食！
因為之前好多人對KFC嘅炸薯條都有好多不滿，所以佢哋今次決定索性用新嘅薯條去取代舊嘅原味薯條。
KFC Korea
今次新推出嘅炸薯條係搽上咗特製嘅調味料。
唔單止同漢堡包同埋汽水好夾，佢哋聲稱同啤酒都好夾㗎！
韓國KFC方面更加表示，因為炸薯條嘅升級，佢哋將會推出一種同呢一款炸薯條都好夾嘅醬料，等大家喺食薯條嘅時候唔使再淨係點茄汁咁悶。
呢一款醬料嘅特整係充滿肉汁特有嘅香甜味道。
KFC都表示呢一款醬料係好多客人一直以嚟要求單獨出售嘅醬料嚟㗎？
KFC Korea
另外，韓國KFC為咗紀念新嘅炸薯條同埋醬汁全新推出，佢哋仲出咗唔少折扣活動。
其中令大家覺得好誇張嘅係呢一個3XL特大size嘅薯條。
而佢都只係買3900韓幣(約HKD28)㗎咋！
KFC Korea
其實韓國有好多唔同嘅快餐店，都用咗有調味嘅薯條去取代普通嘅炸薯條。
希望韓國KFC今次新推出嘅調味薯條可以幫佢一雪前恥，挽回返客人對佢哋嘅炸薯條嘅信心！
大家之後來韓國旅行嘅時候都可以試食一下韓國嘅KFC，小編個人認為比起香港真係好食好多㗎！
始終炸雞都係韓國出名吖嘛！
✨馬上Follow我哋IG
instagram.com/creatrip.hk
其他延伸閱讀 | |
 綠色炸雞上市？ |  韓國炸雞大學 |
