綠色炸雞上市？
最近韓國大熱！綠色炸雞新上市，到底會係咩味？新奇口味令吃播主唔小心發生放送事故
Jeongyeong Yeo
4 years ago
Hello，大家好，我哋係由韓國人話你知每日最新韓國資訊嘅Creatrip。
＃韓網熱議 ＃綠色炸雞
＃ 到底會係咩味呢？
唔知講到炸雞，大家係唔係都會諗到炸到金黃色，食嘅時候仲係脆扑扑嘅呢？
不過，呢幾日韓國網出現咗一款討論度極高嘅綠色炸雞，到底綠色嘅炸雞又會係咩味呢？
✨馬上Follow我哋IG
instagram.com/creatrip.hk
綠色炸雞上市？
呢款綠色醬係韓國食材網購中心「外民商會（外送的民族旗下企業）」推出。
佢係以黃瓜、薄荷朱古力口味為主，一推出無耐就成功吸引大家嘅目光。
佢哋一次過有賣3種口味，「綠色怪物炸雞醬（녹색괴물치킨소스）」、「青瓜炸雞醬（오이치킨소스）」同埋「薄荷朱古力炸雞醬（민트초코치킨소스）」。
當中薄荷朱古力醬嘅炸雞，更被堪稱為「薄荷朱古力終結者」。
韓國Youtuber喺主持吃播嘅時候，打開諗住試嘅時候，仲忍唔住講咗粗口，同時仲有啲想嘔嘅感覺。
雖然本身對於薄荷朱古力，已經唔少人都愛恨分明，不過呢次係炸雞，唔知大家又點睇呢？
網上都有唔少評價，有人表示青瓜醬炸雞好香，亦有人表示聞到青瓜味就想嘔。
而令到大家最好奇嘅薄荷朱古力醬，因為個醬睇落去太濃稠，亦有唔少人留言話「好得人驚」「真係睇見都唔敢食」嘅等等留言。
唔知平時鍾意食薄荷朱古力嘅大家，今次推出同炸雞合作，大家又會點睇呢？
大家又會唔會想試下？歡迎留言話畀小編聽！
✨馬上Follow我哋IG
instagram.com/creatrip.hk
| 其他延伸閱讀 | |
 韓國炸雞外賣 |  一夜爆紅YouTuber |