討厭韓國冬天嘅理由
韓國冬天有人愛有人恨！6大討厭韓國冬天嘅理由！
HannaVu
2 years ago
Hello，大家好，我哋係由韓國人每日提供最新韓國旅行資訊嘅Creatrip。
韓國四季分明，冬天多數係由11月開始至到下年3月，不過唔係人人都咁鍾意冬天，到底係點解呢？我哋一齊睇落去啦！
討厭韓國冬天嘅理由
1. 韓國冬天真係太凍
韓國冬天有幾凍，唔使小編多講，如果大家有嚟過，應該都會體驗過！有時仲會跌到-20度，唔好話要出街，就連洗頭同沖涼都怕…
2. 啲衫褲可能會結冰
如果冬天打算喺室外晾衫，大家嘅衫可能會變到好僵硬，甚至會結冰，所以好多人逼不得已都要喺屋企晾，但問題係如果唔開窗，又會焗到有一陣味。
3. 室外凍、室內熱
네이버
雖然室外真係好凍，只要打開窗，隻手已經可能凍到僵咗，出到去又要著住長羽絨，成個愛斯基摩人咁！不過只要入返室內，韓國暖氣真係唔講得少，有時熱到會覺得好焗。
4. 皮膚乾到會變紅
韓國冬天真係太乾，甚至乾到好容易甩皮，相當得人驚。呢個時候韓國人真係好重視保濕，唔單只係面，身體同手腳一樣要保持滋潤。
5. 煤氣費變貴
一到冬天韓國人就會不斷開暖氣，而呢啲暖氣係由煤氣供應，平時一個月可能平均只係交 ₩5,000 - ₩6,000，會變到可能要交 ₩50,000 - ₩60,000，相差超遠！
6. 融雪嘅時候係地獄
落雪嘅時候可能唔會覺得好凍，但只要一融雪，先係折磨嘅開始，因為會變到好凍，加上道路會變到好滑同污糟。呢個時候大家最好買一對防水鞋，而且要比平時更加小心。
以上係好多人可能唔鍾意韓國冬天嘅理由，不過當然冬天都有去好多好處，例如會落雪、可以去滑雪、釣冰魚等。唔知韓國四季，大家又最鍾意邊一個季節呢？歡迎留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
